1 Yohana 2:6 - Imuuma Eehya

⁶ Hano ömöntö yaghamba igha aana öbhömwë na Waryobha, ni-igha abhe kya bhono Yëësu yaarë.

1 Yohana 2:6 ပူးပေါင်းရင်းမြစ်များ

Mataayo 11:29

Öni m-mohaabhu ndë, na ubhwihöötu nu-bhwane. Ku bhuyö mwibhohere ijööki iyaane, mweghe ku-öni, ho ndaabhahaane omorembe mo-senkoro isyënyu.

Yohana 13:15

Mbakörëëyë ëkërëngyö, ku bhuyö mokorenga kya bhuyö mbakörëëyë.

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

1 Abhakörintö 11:1

Ku bhuyö mweghe amangʼana aghaane, kya bhono öni nkwegha amangʼana agha Kiristo.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

1 Peetero 2:21

Ni-igha möghömërri, ko bhoora Yëësu Kiristo umwene yaatësëkirë ko okoghera iya bhëënyu. Ko okokora ghayö, akabhateghera ëkërëngyö, okore mweghenga okokora kya igho.

1 Yohana 2:28

Bhëënyu abhaana abhaane abhaghonshe, möghëndërri okobha na öbhömwë na Yëësu Kiristo. Möghëndërri igho, okore enkaagha eno arikyora, tokarehe, totakaasha okosooka.

1 Yohana 2:4

Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 3:24

Ömöntö wowonswe igho ono akwighwera imighiro ighya Waryobha, uyö naana öbhömwë nawe. Waryobha wonswe naana öbhömwë na ömöntö kya uyö. Ntomanyirë igha, Waryobha naana öbhömwë na bhëëtö, ko okohetera Umwika Ömöhörëëru ono yaatohaana.

1 Yohana 3:6

Ömöntö wowonswe ono aköghëndërrya okobha na öbhömwë na Yëësu Kiristo, taatore ököghëndërrya okokora ëbhëbhë. Kasi ömöntö wowonswe igho ono aköghëndërrya okokora ëbhëbhë, uyö tamanyirë obhotoro ubhwa Yëësu Kiristo hë.

1 Yohana 4:17

Ni-igho righonshe rekohekerana mö-bhëëtö, okore tuushe okobha na obhokarë urusikö roora urwa okobhotorrwa ikiina. Ko bhoora öbhömënyi ubhwëtö ko-kebhara kono, mbutuubhaini kya bhoora Yëësu yaamënyirë ko-kebhara kono.