1 Yohana 2:11 - Imuuma Eehya

¹¹ Kasi ono arëghirë umukumya murikyaye, mu-kisuntë akërë. Kora mu-kisuntë akoghenda. Tamanyirë hasë akughya hë, ko bhoora ikisuntë kyaamukundikirya amaiso.

1 Yohana 2:11 ပူးပေါင်းရင်းမြစ်များ

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 12:40

“Nabhahukurya amaiso, nabhakora bhabhe na emetwe ëmëköngʼu, okore bhatakaamaaha, bhatakaamanya, bhatakaihonshora ukuusha ku-öni, mbatööri.”

2 Abhakörintö 3:14

Sehakëri isya Abhaisiraëri, ni-ndito syaarë. Ko bhoora igha, kora bhoono igho, hano Imuuma iya Kare yasomwa, ikikundikiryö keerakeera, nkobhakundikirya kërë. Ikikundikiryö kiyö, tikikuruusibhwa-ko hë, ko bhoora nkuruusibhwa-ko kërë hano ömöntö yaabha na öbhömwë na Yëësu Kiristo.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

Tiito 3:3

Kora bhëëtö bhonswe kare hayö, hano waanyöörrë totaraakumya Yëësu, m-bakangi twaarë, abhatëëyu, kora ntwaangʼainirwë, tokabha abhaghorwa abha oronamba, na amangʼana amaaru agha ko-kebhara kono, ghano ghaaturutanga. Tokabha abhantö abhaghogho na abha orongʼeera. Tokabha abhantö abha okoreghana na abhantö abhandë.

2 Peetero 1:9

Kasi ömöntö ono ataana seteemo siyö, uyö n-kya umuhukuru, ko bhoora yeebha igha, Waryobha yaamosaabhuura ëbhëbhë ibhyaye.

1 Yohana 1:6

Ku bhuyö hano toraaghambe igha ntoona öbhömwë na Waryobha, eno toraghëndërrya okomenya mu-kisuntë ikya obhoghogho, hayö nkorongoha törë. Ghwiki hayö noraanyoore tutighirë okokora amangʼana agha obhoheene.

1 Yohana 2:10

Ömöntö wowonswe igho, ono ahanshirë umukumya murikyaye, uyö mo-bhorabhu arë. Taana engʼana mo-nkoro iyaaye, eno eraamutimbe akore ëbhëbhë.

1 Yohana 2:9

Ömöntö wowonswe igho ono akoghamba igha mo-bhorabhu arë, na eno arëghirë umukumya murikyaye, uyö mu-kisuntë akërë.

1 Yohana 3:15

Ömöntö wowonswe igho ono akoregha umukumya murikyaye, uyö nu-mwiti. Mmomanyirë bhuuya igha, taaho umwiti ono aana öbhöhöru ubhwa amakora ghonswe igho hë.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

Okohonyora 3:17

Moraghamba igha, ‘M-baamë törë. Twaniibha bhököngʼu. Ëbhëntö bhyonswe igho ntoonabhyo, tetokobhorwa ëkëntö hë!’ Kasi temomanyirë igha m-batëntëëru mörë, m-bakwabherwa mörë, öbhötöbhu na ubhuhukuru nu-bhwënyu, kora n-kengʼaabhi mörë.