1 Yohana 2:10 - Imuuma Eehya

¹⁰ Ömöntö wowonswe igho, ono ahanshirë umukumya murikyaye, uyö mo-bhorabhu arë. Taana engʼana mo-nkoro iyaaye, eno eraamutimbe akore ëbhëbhë.

1 Yohana 2:10 ပူးပေါင်းရင်းမြစ်များ

Mataayo 13:21

Kasi nkukumya arë engʼana iya Obhokama ubhwa Waryobha iyö ibhagha ike igho, ko bhoora umukumo ughwaye ghotahirrë imiri bhököngʼu. Mbe, hano amangʼana ghamokongʼera handë amateeso ghaashe ko okoghera iya engʼana iyö, n-kamwë igho akutigha ukukumya Waryobha.

Mataayo 18:7

Haahö, bhëënyu abhantö abha ko-kebhara kono, ko bhoora amangʼana agha ukutimba, ngariisha. Amangʼana agha ukutimba ghayö, ni-igha ghaashe, kasi haahö, kö-möntö ono arereeta amangʼana agha ukutimba ghayö.

Yohana 11:9

Yëësu akabhahonshora igha, “Kanaa, omobhasö teghoona seesa ikömi na ibhërë? Hano ömöntö yaghenda omobhasö, n-këköngʼu ukwituuratuura, ko bhoora obhorabhu ubhwa ko-kebhara kono nkömömörëkërya bhörë.

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 8:31

Mbe, Yëësu akatëëbhya Abhayahudi bhaara bhaamukumiri igha, “Hano moraaghëndërri okoghoota amëëghyö aghaane, hayö moraabhe abheegha abhaane abha heene.

Abharuumi 14:13

Ku bhuyö ni-igha, tutighe okotemana amasoro, kora totakaakora kyokyonswe igho, keno keraakore umukumya murikyëtö aituuretuure, handë ikya okoghera akore ëbhëbhë.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

2 Peetero 1:10

Mbe, abhakumya bharikyane, mokore omotono bhököngʼu, ukwörökya igha, Waryobha yaabhabherekera na okobhaahora. Hano moraakore igho, timutighe umukumo ughwënyu kora hake hë.

1 Yohana 2:11

Kasi ono arëghirë umukumya murikyaye, mu-kisuntë akërë. Kora mu-kisuntë akoghenda. Tamanyirë hasë akughya hë, ko bhoora ikisuntë kyaamukundikirya amaiso.

1 Yohana 3:14

Bhëëtö ntomanyirë igha, twaarwa mu-singuru isya uruku, na bhoono ntoona öbhöhöru ubhwa amakora ghonswe igho. Ntomanyirë igho, ko bhoora ntohanshirë abhakumya bharikyëtö. Ömöntö wowonswe igho ono ataana righonshe, uyö nakëghöötërëëywë na singuru isya uruku.