1 Yohana 2:1 - Imuuma Eehya

¹ Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

1 Yohana 2:1 ပူးပေါင်းရင်းမြစ်များ

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 10:15

kya bhono Taata ammanyirë, na öni nemomanyirë. Nö-öni nkwiruusya öbhöhöru ubhwane, okore amangʼöndi aghaane ghatakaasira.

Yohana 13:33

“Bhëënyu abhaana abhaane, nendaabhe na bhëënyu ko-nkaagha enke igho. Murintuna, kasi kya bhono naatëëbhëri abhatangati abha Abhayahudi, ni-ighoigho nkobhatëëbhya na bhëënyu bhonswe igha, eno nkughya, temotore ukuhika-yo hë.

Yohana 14:16

Mbe, na öni nendaasabhe Taata, abhahaane Ömötöörrya uwöndë, ono araabhe hamwë na bhëënyu nkaagha syonswe igho.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 21:5

Mbe, Yëësu akabhabhöörya igha, “Bhasaani abhaane, ndamanya timunyöörrë sinswë hë, kasi mmonasyo?” Bhakamohonshora igha, “A a.”

Yohana 5:14

Hano ghayö ghaahööyë, Yëësu akasikana na ömöntö uyö kö-bhööri ubhwa risengerro, akamötëëbhya igha, “Bhoono uhwënirë, kasi wangarre, utighe okokora ëbhëbhë. Hano otaatighe, engʼana indito bhököngʼu, irikunyoora okokera iyö waarenga nayo.”

Yohana 5:36

Kasi ubhwimërërri bhono öni neenabho, m-bonene okokera ubhwa Yohana bhoora. Ubhwimërërri bhuyö, ne-meremo gheno Taata yaangʼaayë igha ngemarërri. Emeremo ighyane nkwörökya ghërë igha, Taata Waryobha we yaantoma.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Yohana 8:11

Akamohonshora igha, “Ore Omonene, ömöntö wowonswe igho taaho hë.” Mbe, Yëësu akamötëëbhya igha, “Öni wonswe tenkobhotorre ikiina hë. Kaghi, kasi ukurwa reero, otakaakora ghwiki ëbhëbhë.”]

Amangʼana agha Abhatomwa 7:52

Kasi aaho ömörööti kora ömwë ono bhaatanyankëri? Bhaaitirë bhano bhaaraarekanga ukuusha ukwa Ömöntö uwa Heene uwa Waryobha! Ömöntö uwa Heene uyö, we bhoono bhëënyu mwaanyëërëëyë inikö, mokamwita!

Abharuumi 5:10

Kuyö n-ko okoghamba igha, ko bhoora Waryobha yaatwighwerrania nawe, ko okohetera uruku urwa Omoona uwaaye, hano waanyöörrë tokeena ëbhëbhë, bhoono twabha abhasaani abhaaye. Ko bhoora m-maheene igha, yaatwighwerrania okohetera uruku urwa Yëësu Kiristo, ku bhuyö ntoraatööribhwi ukurwa mu-bhushibhu ubhwa okorerra ukwa Waryobha, okohetera öbhöhöru ubhwa Yëësu Kiristo.

Abharuumi 6:15

Bhoono toghambe iyakë? Toghambe igha töghëndërri okokora ëbhëbhë ko bhoora Waryobha atohaayë örööbhö urwaye, kora tetokotangatwa na ubhwera ubhwa amaraghërryö? A a, ti-igho hë.

Abharuumi 8:34

Kora taaho ömöntö uwa ukutushibhya hë. Kiristo Yëësu we yaakwa, akamara akaryoka. M-boryo ubhwa Waryobha arë, aratosabhera. Ku bhuyö taritushibhya hë.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

Abhaëfësö 2:18

Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.

Abhaëfësö 4:26

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë.

1 Timoteo 2:5

Waryobha nö-ömwë igho, kora umwighwerrania uwa abhantö na Waryobha, wonswe nö-ömwë igho, uyö nö-möntö ono akobherekerwa igha Kiristo Yëësu.

1 Timoteo 3:14

Nkukwandekera ndë ritashandighi reno, nokaanyoora igha m-böngö ndaashe iyö.

Abhaëbhuraania 9:24

Ko bhoora Yëësu Kiristo, tiyaasöhirë Ahasë Ahahörëëru aha Ahahörëëru, haara haana ituubho iya aha mu-ryobha, hano haakorwa na abhantö, kasi yaasöhirë mu-ryobha aheeneheene, okore amaahekane ku-Waryobha ko okoghera iya bhëëtö.

Yaakobho 1:27

Amangʼana amaiya agha idiini ghano ghakushomera Taata uwëëtö Waryobha, ghano akomaaha igha teghaana isoro hë, nö-kötöörrya sentakaana na abhasinö mu-sinyanko isyabho, na ukwibhasha ëbhëbhë ibhya ko-kebhara kono.

Yaakobho 3:9

Mbe, örörëmë nkoghera rörë tukumya Taata Waryobha Omonene uwëëtö. Örörëmë ruyöruyö, ndwo rokoghera toraihiima abhantö bhano bhaabhombwa na Waryobha ku ituubho iyaaye.

1 Peetero 2:22

Tiyaakörrë ëkëbhë kyokyonswe igho, handë okoghamba obhorongo bhwobhwonswe bhoora hë.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

1 Yohana 3:5

Mmomanyirë igha Yëësu Kiristo yaaishirë ko-kebhara kono, okore aruusi-ho ëbhëbhë ibhyëtö. Ghwiki we taana ëkëbhë kyokyonswe keera hë.

1 Yohana 3:7

Bhoono abhaana abhaane abhaghonshe, motakaikërrya ömöntö wowonswe igho abhangʼaine. Ömöntö wowonswe ono akokora amangʼana agha obhoheene, uyö m-möntö uwa heene ku-Waryobha kya bhono Yëësu Kiristo arëngë uwa heene.

1 Yohana 4:4

Bhëënyu abhaana abhaane abhaghonshe, m-baana abha Waryobha mörë. Kora mwaanga amangʼana agha abharööti abha obhorongo bhayö. Mwaanyoora obhotoro ubhwa okokora igho, ko bhoora Umwika Ömöhörëëru uwa Waryobha mö-bhëënyu arë. Umwika Ömöhörëëru uyö, we aana obhotoro okokera ëkëhwë ikya Oghosambwa, kiyö kekotangata abhantö bhano bhatakwighwera Waryobha.

1 Yohana 5:17

Okokora engʼana yoyonswe igho eno etaingʼarëëyi ku-Waryobha, nko okokora ëbhëbhë. Kasi hamwë na ghayö, bheeho ëbhëbhë ibhyëndë bheno bhetakwahora ömöntö abhe hare na Waryobha amakora ghonswe igho.

1 Yohana 5:21

Bhëënyu abhaana abhaane abhaghonshe, mwiyangarrenga motakaasengerra ëbhëtöndö.

3 Yohana 1:4

Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.