1 Yohana 1:8 - Imuuma Eehya

⁸ Hano toraaghambe igha tetoona ëbhëbhë bhyobhyonswe igho hë, hayö noraanyoore toraingʼaina bhëëtö abheene, kora tetomanyirë obhoheene hë.

1 Yohana 1:8 ပူးပေါင်းရင်းမြစ်များ

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abharuumi 3:10

Engʼana iyö, nerengʼaini kya bhono Amaandeko Amahörëëru ghakoghamba igha, “Ömöntö uwa heene ku-Waryobha, taaho kora ömwë hë.

Abharuumi 3:23

Ko bhoora abhantö bhonswe igho bhaakora ëbhëbhë, ku bhuyö amangʼana ghano bhakokora teghakötöönia Waryobha hë.

1 Abhakörintö 3:18

Ömöntö atakaingʼaina umwene. Hano ömöntö araaimaahe igha m-mongʼaini mö-bhëënyu ko-kebhara kono, aikore igha mokangi, okore abhe omongʼaini uwa heene.

Abhagharatia 6:3

Mbe, ömöntö wowonswe igho ono akwimaaha igha naana ubhwera okokera abhandë, uyö taana ubhwera bhwobhwonswe bhoora hë. Ömöntö kya uyö, nkwingʼaina arë.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Timoteo 3:13

Kasi abha ëbhëbhë na bhano bhakongʼaina abhantö, mbarëghëndërrya bhököngʼu okokora ëbhëbhë, mbarengʼainanga na okongʼainwa.

Yaakobho 1:22

Motakaakanya igha, ukwighwa engʼana iya Waryobha ukwene igho, nkwisa körë, keno kikutunwa, no-kokora bhono engʼana ekoraghërrya.

Yaakobho 1:26

Hano ömöntö araaimaahe igha na-mangʼana agha idiini akokora, kasi takorebherra örörëmë urwaye hë, uyö nkwingʼaina arë, ubhweseghe ubhwa idiini iyaaye igha aratëghërya Waryobha, m-bwa bhosa.

Yaakobho 3:2

Obhoheene ni-igha, bhëëtö bhonswe igho, hare kaaru ukunyoora toraituuratuura ko bhoghambi ubhwëtö. Hano oraanyoore aaho ömöntö wowonswe ono atakwituuratuura ko bhoghambi ubhwaye, uyö m-möntö uwa heene, aratora okorebherra ömöbhërë ughwaye ghwonswe igho.

2 Peetero 2:13

Ghwiki mbarishibhibhwa bhanyoore inyanko, kya bhono bhaanyankëri abhandë. Nkushomerwa bharë okokora amangʼana aghaabho agha oronamba urwabho oroghogho, harabhu igho. Kora nkushomerwa bharë okobhatëëbhya amangʼana agha obhorongo, ko-nkaagha eno ukunyoora bhararya hamwë na bhëënyu. Ko okokora amangʼana ghayö, nkobha bharë kya ubhunyanku na amahara ghano gharëngë ku-ngibho endabhu.

1 Yohana 1:10

Hano toraaghambe igha tetwakakörrë ëbhëbhë, hayö n-kya hano toraaghambe igha, Waryobha m-morongo. Kora noraanyoore twikaanirë engʼana iyaaye.

1 Yohana 1:6

Ku bhuyö hano toraaghambe igha ntoona öbhömwë na Waryobha, eno toraghëndërrya okomenya mu-kisuntë ikya obhoghogho, hayö nkorongoha törë. Ghwiki hayö noraanyoore tutighirë okokora amangʼana agha obhoheene.

1 Yohana 2:4

Ömöntö wowonswe igho ono akoghamba igha namanyirë Waryobha, kasi takoghoota imighiro ighya Waryobha hë, m-morongo, tamanyirë obhoheene hë.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

2 Yohana 1:2

Nembahanshirë ko bhoora bhëëtö na bhëënyu, ntomanyirë obhoheene, ghwiki ntoraaghëndërri okobhomanya amakora ghonswe igho.

3 Yohana 1:3

Naashömëëywë bhököngʼu hano abhakumya bharikyëtö bhaaishirë hano. Hano bhaahikirë hano, mbaantëëbhëri igha, nköghëndërrya örë okoghooterra obhoheene ubhwa Waryobha, na öbhömënyi ubhwaho nu-bhwa obhoheene.