1 Timoteo 5:3 - Imuuma Eehya

³ Osookenga abhasinö bhano bhataana uwa ököbhötöörya, obhatöörringa.

1 Timoteo 5:3 ပူးပေါင်းရင်းမြစ်များ

Mataayo 15:6

Ho bhoono bhëënyu mokoghamba igha, ömöntö takusingʼirribhwa ukwighwera suwaabho handë nyakuwaabho. Kuyö nkwo okogharanshora engʼana iya Waryobha ebhorwa ubhwera ubhwako, ko okoghoota amaraghërryö agha abhakörö abhëënyu.

Mataayo 23:13

“Haahö, bhare abhëëghya abha amaraghërryö agha Mosa, na bhëënyu Abhafarisaayo, bhëënyu m-baiköri mörë, ko bhoora igha, nkorebherra mörë abhantö okosoha mo-Bhokama ubhwa Waryobha kö amëëghyö aghëënyu. Bhëënyu abheene bhonswe temokosoha-mo hë. Kora mbe bhano bhakutuna okosoha, timukutigha bhasohe hë. [

Ruuka 2:37

Akaikara musinö ighoigho okohekera imyoka merongo monaane na inye. Na yaaikaranga mo-bhogho ubhwa risengerro irya Waryobha muyömuyö arasaasaama na ukwisasa ibhyakorya ubhutikö na omobhasö.

Ruuka 7:12

Hano yaahikirë haangʼë na ikihiita ikya umughi ghuyö, akasikana na abhantö bhano bhaarenga bhaghëghirë umuku, bharaghya okobheeka. Umuku uyö, m-moona uwa ikishaasha yaarë, mu-mwëmwë yaarë ku-nyakuwaabho. Nyakuwaabho m-musinö yaarë. Omokari umusinö uyö, yaahinaini na abhantö abhaaru abha mu-mughi muyö, ukughya okobheeka.

Yohana 1:47

Hano Yëësu yaarööshë Natanaëri araasha, akaghamba igha, “Momaahe Umwisiraëri ekenaina, ono ataana obhoghashaghasha.”

Amangʼana agha Abhatomwa 6:1

Ku-sinsikö siyö, abhasoorani abha Yëësu bhaaghëndërrëëyi ukwaruha bhököngʼu. Mo-bhayö bhaarenga-mo Abhayahudi bhano bhaashumaashanga ekeghambo ikya Ikiyunaani, na Abhayahudi bharikyabho bhano bhaashumaashanga Ikiaraamu. Mbe, Abhayahudi abha Ikiyunaani bhakaibhëmbëërya igha, Abhayahudi abha Ikiaraamu tebhatweneranga Abhayahudi abhasinö abha Ikiyunaani ibhyakorya ibhya kera urusikö.

Amangʼana agha Abhatomwa 9:39

Ku bhuyö Peetero akatanora, akahinana nabho. Hano bhaahikirë Yafa, bhakamuhira mu-kinyumba ikya ko-ghorofa. Mu-kinyumba muyö, bhaare-mo abhasinö abhaaru, bhakamwinaara, bharakuura na eno bharamwörökya sengansho, na singibho isyëndë seno Dorikaasi yaakörrë akërëngë ömöhöru.

Amangʼana agha Abhatomwa 9:41

Peetero akamoghooterra okobhoko, akamötöörrya aimerre. Akabherekera abhasinö bhayö hamwë na abhantö abhandë abha Waryobha. Akabhahërrya Tabhita arëngë möhöru.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Timoteo 5:2

Abhakungu, obharaghërri kya hano waraghërrya bhanyakuwëënyu, na abhaisëkë, kya bhono okoraghërrya abhaisëkë abhëënyu. Ughinga orakora engʼana iyö kwa enkoro inshiiya.

Yaakobho 1:27

Amangʼana amaiya agha idiini ghano ghakushomera Taata uwëëtö Waryobha, ghano akomaaha igha teghaana isoro hë, nö-kötöörrya sentakaana na abhasinö mu-sinyanko isyabho, na ukwibhasha ëbhëbhë ibhya ko-kebhara kono.

1 Peetero 2:17

Mosooke abhantö bhonswe igho, na mohanshe abhakumya bharikyënyu. Mwighwere Waryobha, na mosooke omokama uwëënyu.

1 Peetero 3:7

Na bhëënyu abhashaasha, ni-igha mwikarane na abhakari abhëënyu kwa bhongʼaini, momanye igha, tebhaana singuru kya seno monasyo. Mwikare na bhakëënyu kwa okosookana, ko bhoora bhonswe mbarerya umwandö ughwa örööbhö urwa öbhöhöru. Ku bhuyö abhashaasha mokore igho, okore amasabhi aghëënyu, ghatakaarebherrwa.