1 Timoteo 1:3 - Imuuma Eehya

³ Hano naatanööyë ukurwa Ëfësö hayö nkaghya mo-mokowa ughwa Makedonia, naakosaasaamirë igha wikare hayö, okore okaani abhantö bhatighe ukwëghya amëëghyö agha obhorongo.

1 Timoteo 1:3 ပူးပေါင်းရင်းမြစ်များ

Amangʼana agha Abhatomwa 18:19

Hano bhaahikirë Ëfësö, Pauro akatigha hayö bhaabho Pirisiira na Akiira, akasoha mu-nyumba iya esango iya Abhayahudi, akabha arashumaasha na Abhayahudi.

Amangʼana agha Abhatomwa 18:21

Kasi yaaraghaini nabho akabhatëëbhya igha, “Hano Waryobha arehansha, nindikyora.” Akariina iryato, akatanora ukurwa Ëfësö hayö.

Abharuumi 15:26

Abhakumya abha Omonene uwëëtö Yëësu Kiristo bhano bharëngë Makedonia na Akaaya, bhaarööshë igha bharuusi ëbhëntö ibhyabho bhatöörri abhakumya abhatöbhu abha Ikiyahudi abha Yërusarëëmu.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhafiripi 2:24

Ghwiki nkwitengʼera ndë igha, Omonene Yëësu m-böngö araangʼaane umweya niishe kö-bhëënyu iyö.

1 Timoteo 4:11

Wëëghi na okoraghërrya abhakumya amangʼana ghayö.

1 Timoteo 4:6

Hano örëëghi abhakumya amangʼana ghano, noraanyoore orakorra Kiristo Yëësu emeremo ubhwa heene, kora noraanyoore wëghiibhwi bhuuya ku umukumo na ko amëëghyö amaiya ghano waaghoota.

1 Timoteo 5:7

Amangʼana ghayö ghonswe igho ötëëbhi abhakumya, okore bhatakaasha okotemwa amasoro.

1 Timoteo 6:10

Esemoko iya amangʼana amaghogho ghonswe igho, no-kohansha seehera. Abhandë okohansha seehera, kwabhangʼaina bhaatigha umukumo, bhaikorerra öbhörrö ubhurito, kya ömöntö ono aibhëtirë na ekegheso.

1 Timoteo 6:17

Ötëëbhi abhaamë igha, bhatakaihasha handë ukwesegha ubhwamë ubhwa ko-kebhara kono. Ubhwamë bhuyö, m-bwa ribhagha ike igho. Kasi ubhweseghe ubhwabho, bhobhenga ku-Waryobha, ono akötösërëënia ko okotohaana ëbhëntö bhyonswe igho, okore tushomerwe nabhyo.

1 Timoteo 6:3

Ömöntö wowonswe ono akwëghya abhantö amangʼana agha obhorongo, amëëghyö ghano ghatakorengerrania na ghaara agha obhoheene agha Omonene uwëëtö Yëësu Kiristo, kora teghakwikererrania na amëëghyö ghano ghakoraghërrya abhantö igha bhasooke Waryobha.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

2 Yohana 1:7

Nkobhatëëbhya ndë igho, ko bhoora abharongo abhaaru bheebhoka ko-kebhara kono. Abharongo bhayö, tebhakwikërrya igha Yëësu Kiristo, yaaishirë ko-kebhara kono, aana ömöbhërë kya gheno tonaghyo. Ömöntö wowonswe igho ono akoghamba bhuyö, uyö m-morongo, kora m-mubhisa uwa Kiristo.

Okohonyora 2:14

Kasi amangʼana gharëngë kö-bhëënyu amake igho, ghano ghakunnyankya. Bhaaho abhantö bhano bhakosoorana amëëghyö agha Bharaamu, mö-bhëënyu muyö. Bharaamu uyö, yëëghëri Bharaaki okotegha Abhaisiraëri, okore bhakore ëbhëbhë ibhya okorya ibhyakorya bheno bhimwënsëywë ëbhëtöndö, na okokora obhosooraare.

Okohonyora 2:20

Kasi moona engʼana eno ikunnyankya. Bhëënyu nkwikererrania mörë na amangʼana agha omokari oora Yëzëbhëëri. Uyö akwibherekera igha m-mörööti, kasi të-mörööti hë. Nkwikërrya mörë igha angʼaine abhaköri abha emeremo abhaane, ko ököbhëëghya bhakore obhosooraare, na okorya ibhyakorya bheno bhimwënsëywë ëbhëtöndö.