1 Peetero 5:5 - Imuuma Eehya

⁵ Ghwiki na bhëënyu abhamura, ni-igha mosooke abhaghaaka abha ekanisa. Bhëënyu bhonswe igho abhaghaaka na abhamura, ighoigho. Mobhe abhantö abhahaabhu, mutighinkaneranenga. Mokore igho, ko bhoora Amaandeko Amahörëëru gharaghamba igha, “Waryobha nkwanga arë abhantö bhano hakwiheema, kasi örööbhö urwaye na-bhahaabhu akohaana.”

1 Peetero 5:5 ပူးပေါင်းရင်းမြစ်များ

Ruuka 22:26

Kasi bhëënyu motakaabha kya bhayö. Omotangati wëënyu, abhe kya omoke. Na ömötöngi wëënyu, abhe kya umutighinkani.

Abharuumi 12:10

Mohanshane bhëënyu abheene ko bheene kya abhahiiri. Kera ömöntö, akore omotono ughwa okosooka murikyaye.

Abharuumi 13:14

Kasi bhoono igho kö-bhömënyi ubhwënyu bhwonswe igho, motangatwenga na Omonene Yëësu Kiristo, motakaikërrya kora hake, okobha na esemoko iya öbhököri ubhwa ëbhëbhë, handë oronamba urwënyu oroghogho.

Abhaëfësö 5:21

Mwihooterane bhëënyu abheene ko bheene, ko bhoora igha, nkosooka mörë Yëësu Kiristo.

Abhafiripi 2:3

Motakaakora engʼana yoyonswe igho kwa kwiroterra handë kwa ikiheemere. Kasi mwihoote na okomaaha abhandë igha mbo abhantö okokera bhëënyu.

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

1 Timoteo 5:1

Otakaabheeha abhaghaaka, kasi obharaghërringa kya hano waraghërrya bhasuwëënyu. Abhamura, obharaghërri kya hano waraghërrya abhamura abhëënyu.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

Yaakobho 4:6

Hamwë na ghayö ghonswe igho, kasi nkutwëngërya arë örööbhö, nkyo kekoghera Amaandeko Amahörëëru gharaghamba igha, “Waryobha nkwanga arë abhantö bhano bhakwiheema, kasi örööbhö urwaye na-bhahaabhu akohaana.”

1 Peetero 3:8

Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.

1 Peetero 4:1

Mbe, ko bhoora Yëësu Kiristo yaatëësirwë kö-möbhërë ughwaye, bhëënyu bhonswe mwisëëmi okoteeseka kya we. Nkoghamba ndë igho, ko bhoora igha, ömöntö ono amarrë koteeseka kö-möbhërë ughwaye, uyö takobhaahwa na ëbhëbhë hë.

1 Peetero 4:5

Kasi ni-igha, abhantö bhayö na-bheene bharikoorerra ku-Waryobha. Waryobha amarrë ukwisëëmya igha, abhotorre ibhiina abhantö bhonswe igho, abhahöru na bhano bhaakwa.