1 Peetero 5:12 - Imuuma Eehya

¹² Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!

1 Peetero 5:12 ပူးပေါင်းရင်းမြစ်များ

Yohana 21:21

Mbe, hano Peetero yaarööshë umwegha uyö, akabhöörya Yëësu igha, “Omonene, ono we?”

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

Amangʼana agha Abhatomwa 15:22

Abhatomwa abha Yëësu bhayö, abhaghaaka abha ekanisa, na abhakumya abhandë abha Yërusarëëmu hayö, bhakabhotora ikiina igha, bhashaaghore abhantö bhano bharaahinane na bhaabho Pauro Antiökia iyö. Ku bhuyö, bhakashaaghora abhatangati bhabhërë, Yuuda ono yaabherekerwanga igha, Bharisabha, na uwöndë ono yaabherekerwanga igha, Siira.

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Abharuumi 5:2

Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

1 Abhakörintö 15:1

Bhoono abhakumya bharikyane, nkobhahitökya ndë Amangʼana Amaiya ghano naabharaarëkëëyë, mokaghaghoota kora mwanagha ko Amangʼana Amaiya ghayö.

2 Abhakörintö 1:19

Nkoghamba ndë igho, ko bhoora Yëësu Kiristo, Omoona uwa Waryobha, ono öni, Siriwano, na Timoteo tokoraareka kö-bhëënyu, tiyaarenga ömöntö uwa ukwishooghania amangʼana agha ukwikërrya igha, “Yëë,” ghwiki ateme hayö ange igha, “A a.” Kasi ku-uyö, nkaagha sonswe igho ni-igha, “Yëë.”

2 Abhakörintö 1:24

Ti-igha nkobhaaha törë umukumo ughwënyu, kasi bhëëtö na-bhaköri abha emeremo hamwë na bhëënyu, ko okoghera iya ukushomerwa ukwënyu, ko bhoora umukumo ughwënyu ghwanagha.

Abhaëfësö 3:3

Waryobha yaanhönyörrëëyë ësëëmyö iyaaye, kya bhuyö mbandëkëëyë hake igho.

Abhaëfësö 6:21

Mbe, Tikiiko nu-mukumya murikyëtö omoghonshe, ömököri uwa emeremo uwa Omonene Yëësu, m-möntö uwa heene. Uyö we araabhatëëbhi amangʼana aghaane ghonswe igho, na ghano ghaannyoora, okore momanye amangʼana aghaane na keno nkokora.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

Abhakorosaai 4:7

Umukumya murikyëtö omoghonshe Tikiiko, ömököri uwa emeremo uwa heene, ono nkokora hamwë nawe emeremo ighya Omonene Yëësu, uyö we araabhatëëbhi amangʼana aghaane ghonswe igho.

Abhakorosaai 4:9

Naraashe hamwë na Onesimo, umukumya murikyëtö omoghonshe uwa heene, ono arëngë Omokorosaai murikyënyu. Bhayö mbo bharaabhatëëbhi ghonswe igho ghano ghakwikora eno.

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

2 Abhatësarönikë 1:1

Ritashandighi reno nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo.

Abhaëbhuraania 13:22

Ndabhasaasaama bhëënyu abhakumya bharikyane, moghoote amangʼana ghayö mbaaraghërrëëyi, ko bhoora ritashandighi reno, nku-bhwëngʼë igho mbandëkëëyë.

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.

2 Peetero 1:12

Ko okoghera iya ghayö, nendaaghëndërringa okobhahiitökya amangʼana ghayö sinsikö syonswe igho, nokaanyoora, mmoghamanyirë, kora monaghirë ko obhoheene bhono mweegha.

2 Peetero 2:15

Bhaatigha enshera ëndöngë, bhasira ko okoghoota enshera iya Bharaamu, omoona uwa Bhëöri. Ömöntö uyö, yaahanshirë ukunyoora ehoorohooro ko okokora amangʼana amaghogho.

3 Yohana 1:12

Abhantö bhonswe igho, nkoghamba bharë igha, “Demetirio m-möntö uwa heene. Nkokora arë amangʼana kya bhono Waryobha akutuna.” Kora bhëëtö bhonswe nkoghamba törë igha, uyö m-möntö uwa heene. Kora uwe wonswe nomanyirë igha, ghayö tokoghamba m-maheene.

Yuuda 1:3

Abhaghonshe abhaane, naaighombanga bhököngʼu igha, mbandekere amangʼana agha öbhöhönia bhono tokosanga bhëëtö bhonswe igho. Kasi ndööshë igha, ni-igha mbandekere ritashandighi reno, ko okobhasabha igha, mokore omotono ughwa okonaghya umukumo ghono Waryobha yaahaana abhantö abhaaye kamwë igho.