1 Peetero 4:9 - Imuuma Eehya

⁹ Mösërëëninga bharikyënyu motakwibhëmbëërya.

1 Peetero 4:9 ပူးပေါင်းရင်းမြစ်များ

Abharuumi 12:13

Mötöörringa abhantö abha Waryobha bhano bhaana obhohabhë. Mokore omotono ughwa ökösërëënia abhaghëni.

Abharuumi 16:23

Ghaayo ono öni Pauro nikaayë waaye, wonswe nkobhakëërya arë. Kora waaye hayö, ho ekanisa iya Omonene uwëëtö Yëësu Kiristo ikusikanera. Ghwiki ömöntö uwöndë ono akobhakëërya, ne-Erasito omonaghya uwa seehera isya umughi ghono, na umukumya murikyëtö ono akobherekerwa igha Kwarito wonswe nkobhakëërya arë. [

2 Abhakörintö 9:7

Kera ömöntö aruusi kya bhono akutuna mo-nkoro iyaaye, atakaaruusya kwa okobhaabhayera handë kwa ukusingʼirribhwa, ko bhoora Waryobha, nahanshirë ömöntö ono akuruusya kwa nkoro nshiiya.

Abhafiripi 2:14

Amangʼana ghonswe igho ghano mokokora, mokorenga motakwibhëmbëërya handë ukunyeerana senkaani,

1 Timoteo 3:2

Mbe, umwimërërri uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, airebherrenga, ömöntö uwa obhongʼaini, ono akosookwa, omohaani, abhe ömöntö ono amanyirë ukwëghya abhantö engʼana iya Waryobha.

Tiito 1:8

Kasi asërëëninga abhantö, abhe ömöntö ono ahanshirë amangʼana amaiya, abhe ömöntö ono akogheera ngʼora amangʼana, ömöntö uwa heene, ömöhörëëru, ono akwirebherra umwene.

Firimoni 1:14

Kasi bhoono ndööshë igha, okokora engʼana igho otanyikërërrëëyi, ti-bhuuya hë. Kora tinkutuna nkusingʼirri igha öntöörri, kasi ni-igha okore bhuuya bhono uwe umwene ukutuna.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

Abhaëbhuraania 13:2

Motakeebha ökösërëënia abhaghëni, ko bhoora ökösërëënia kuyö, nkwo kwaaghërrë abhandë bhakasërëënia abhamaraika bhatamanyirë igha m-bamaraika bhakösërëënia.

Yaakobho 5:9

Abhakumya bharikyane, motakaatemananga amasoro motakaasha okobhotorwa ikiina. Motamaaha! Umwahokania ono arebhotorra abhantö bhonswe igho ibhiina ibhyabho, haangʼë arë akyore.