1 Peetero 4:8 - Imuuma Eehya

⁸ Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

1 Peetero 4:8 ပူးပေါင်းရင်းမြစ်များ

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

1 Abhakörintö 13:4

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë.

Abhakorosaai 3:14

Ekenene ko-ghayö ghonswe igho, ni-igha mohanshane, ko bhoora righonshe nkoreeta rërë öbhömwë ubhwa heene ko bhonswe igho.

1 Abhatësarönikë 3:12

Omonene abhëngëri na ököbhëngërërrya righonshe irya okohanshana bhëënyu abheene ko abheene na okohansha abhandë bhonswe igho, kya bhono toona righonshe rinene kö-bhëënyu.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

Abhaëbhuraania 13:1

Möghëndërri okohanshana kya bhono ikutunwa ko abhakumya.

Yaakobho 5:12

Abhakumya bharikyane, engʼana enene okokera ghonswe igho, ni-igha motakaatyananga ëkëntö kyokyonswe keera, nkekaabha ekebhara handë mu-ryobha. Kasi hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene, hano motakörrë igho, mobhotorrwa ikiina.

Yaakobho 5:20

amanye igha, noraanyoore akyörri ömöntö uwa ëbhëbhë ukurwa mö-bhëbhë ibhyaye. Noraanyoore ahönëri ömöntö uyö uruku, na ömöntö uyö, naraabherwe ëbhëbhë ibhyaru bheno aanabhyo.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

3 Yohana 1:2

Öni nkokosabhera ndë omoghonshe uwaane igha, amangʼana ghonswe igho, ghabhe bhuuya ku-uwe, agha kinyamöbhërë, kya bhono mmanyirë igha, ubhwighwerrani ubhwaho na Waryobha m-buuya bhörë.