1 Peetero 4:6 - Imuuma Eehya

⁶ Kiyö nkyo ikibhuno keno kyaaghërrë abhantö bhano bhaakuurë, bhakaraarekerwa Amangʼana Amaiya. Mbaaraarëkëëywë, okore nokaanyoora igha bhaabhotorrwa ibhiina kö-bhömënyi ubhwabho kya abhandë, kasi ko obhotoro ubhwa Umwika Ömöhörëëru, bhabhe abhahöru kya bhono Waryobha arëngë möhöru.

1 Peetero 4:6 ပူးပေါင်းရင်းမြစ်များ

Mataayo 24:9

Ko-nkaagha iyö, abhantö mbarebhaghoota, bhabhateese na okobhaita, na abhantö abha ibhyaro bhyonswe igho, mbarebharegha ko okoghera igha, m-basoorani abhaane mörë.

Abharuumi 8:2

Ko okoghootana na Kiristo Yëësu, nnyöörrë obhotoro ubhwa Umwika Ömöhörëëru ono akotohaana öbhöhöru ubhwa amakora ghonswe igho. Öbhöhöru bhuyö, bhongʼaayë öbhötöönööni, okore ntakabhaahwa na obhotoro ubhwa ëbhëbhë na uruku.

Abhagharatia 2:19

Ko bhoora naaghootanga amaraghërryö agha Mosa ghayö, kasi bhoono igho, tenkoghoota amaraghërryö ghayö hë. Waryobha yaanduusya mo-kebhohe kiyö, okore nkorenga bhono akutuna.

Abhagharatia 5:25

Ko bhoora Umwika yaatohaana öbhöhöru obhohya, mbe ni-igha toghoote-ko obhotangati ubhwaye.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Peetero 3:19

Na ko obhotoro ubhwa Umwika Ömöhörëëru, akaghya okoraarekera senkoro seno syaarë mo-kebhohe, isya abhantö bhano bhaakwa.

Okohonyora 14:18

Mbe, maraika ono akwimererra omorro, akarwera ku-riighyö irya okosambera-ko ëkörösö. Maraika uyö akakonga, akatëëbhya maraika nyaighasi iryöghë uyö igha, “Taghoota righasi iryaho iryöghë, otabhore ebhesaghara ibhya sezabhibhu isya ko-kebhara, ko bhoora sehagho isyako syaatöbhirë.”