1 Peetero 4:4 - Imuuma Eehya

⁴ Bhoono abhantö bhano bhatamanyirë Waryobha, nkoroghoora bharë, hano bhamaaha igha, temokosanga nabho ghwiki okokora amangʼana amaghogho ghaara, ku bhuyö, nkobhatoka bharë.

1 Peetero 4:4 ပူးပေါင်းရင်းမြစ်များ

Mataayo 23:25

“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwikora mörë ko-bhantö igha m-bahörëëru mörë, mörööghya kebhara iya ekekombe na esahaani, kasi timukwöghya mönsë hë. Mönsë muyö haishööyë ubhwibhi na obhohoobhaaru.

Ruuka 15:13

“Sekaheta sinsikö nke igho, umumura omoke uyö akakoma ëbhëntö ibhyaye bhyonswe igho, akaghya ikyaro ikya ahare. Akanyamorra iyö ëbhëntö ibhyaye shwe, ko-bhoraaghëri ubhwaye.

Amangʼana agha Abhatomwa 13:45

Hano Abhayahudi bhaarööshë igha abhantö m-baaru bhököngʼu bhaaikomaini ukwitegherra abhatomwa bhayö, bhakakorra abhatomwa bhayö rikenge. Ku bhuyö bhakabha bharabhanyeera senkaani ko mangʼana ghonswe igho ghano Pauro yaaghambanga, na okobhatoka.

Amangʼana agha Abhatomwa 18:6

Kasi Abhayahudi bhayö, bhakamunyeera senkaani na okomotoka, ku bhuyö akaghankamora singibho isyaye, na okobhatëëbhya igha, “Hano moraasire m-bëënyu abheene, taaho ömöntö ono amaanyinga aghaaye gharaanyiromberre hë! Tigha öni bhoono ngende okoraarekera Abhakyaro.”

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

Abhaëfësö 5:18

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

2 Peetero 2:12

Abhantö bhayö, bho nkotoka bharë ëkëntö kyokyonswe igho, keno bhatamanyirë. Mbatuubhaini kya sityënyi seno setaana obhongʼaini, ko bhoora nkwebhorwa sërë igho, okore seghootwe na okoghooghwa! Ni-igho abhëëghya nyangasheka bhayö bharisika.

2 Peetero 2:22

Ömöntö uyö, natuubhaini kya oroghero rono bhaarëngëri igha, “Ësëësë ikyörëëyë okorya amaröki aghaayo,” ghwiki oroghero urwöndë nkoghamba rörë igha, “Ëmbëëshë eno yöghiibhwi, eraighaaraghaara ghwiki mo-matoto!” Ni-igho ekobha kö-möntö kya uyö.

Yuuda 1:10

Kasi abhantö abhaghogho bhayö, nkoghamba bharë bhoghogho amangʼana ghano bhatamanyirë. Kora amangʼana ghano bhakomanya n-kya ghano sityënyi seno setaana obhongʼaini semanyirë, ghayö ngo ghakobhasikya.