1 Peetero 4:2 - Imuuma Eehya

² Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

1 Peetero 4:2 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Mataayo 20:4

Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu. Nendaabhahake ekerengere ikya ukwisa.’

Mataayo 21:31

Bhoono ko bhonswe igho bhabhërë bhayö, nawë yaakörrë bhono suwaabho yaatunanga?” Bhakamohonshora igha, “Uwa mbere oora.” Ho Yëësu yaamarrë akabhatëëbhya igha, “No-bhoheene nkobhatëëbhya igha, abhaghööti abha righööti na abhasooraare, nkobhatangatera bharë okosoha mo-Bhokama ubhwa Waryobha.

Mataayo 7:21

Yëësu akaghëndërrya okoghamba igha, “Bhaaho abhantö abhandë bhano bhakomberekera igha, ‘Omonene uwëëtö, Omonene uwëëtö,’ kasi tebharesoha mo-Bhokama ubhwa Waryobha hë. Kasi ömöntö ono akokora bhono Taata uwa mu-ryobha akutuna, uyö we aresoha-mo.

Maariko 3:35

Ömöntö wowonswe igho ono akokora ghano Waryobha akutuna, uyö we mura uwëëtö, maayö, na umwisëkë uwëëtö.”

Maariko 7:21

Ko bhoora mo-nkoro iya ömöntö, mo-maitegherro amaghogho ghakurwa, ghano ghakoreeta obhosooraare, ubhwibhi, ubhwiti ubhwa abhantö,

Yohana 1:13

Abhaana abha Waryobha bhayö, te-bhano bheebhorwa kinyamöbhërë, handë ko okohansha ukwa ömöntö, handë bhono ömöntö akutuna, kasi no-kohansha ukwa Waryobha umwene.

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 14:7

Ngambirë igho, ko bhoora taaho ömöntö mö-bhëëtö, ono akwihaana öbhöhöru ko okoghera iya ehoorohooro iyaaye umwene, handë ukukwa ko okoghera iya ehoorohooro iyaaye umwene.

Abharuumi 6:11

Bhëënyu bhonswe mwibhare igha, mwaakwa hamwë na Kiristo Yëësu, m-bahöru mörë ku-Waryobha, ku bhuyö ëbhëbhë tebheetore okobhabhaaha hë. Bhoono mwibhare igha, m-bahöru mörë, na öbhömënyi ubhwënyu, bhobhe bhono bhökötëghërya Waryobha ko-nshera iya okoghootana na Kiristo Yëësu.

Abharuumi 6:2

A a, ti-igho hë! Ko bhoora bhëëtö bhoono igho n-kya abhaku ko-mangʼana agha okokora ëbhëbhë, ku bhuyö tetootore ghwiki ököghëndërrya okokora ëbhëbhë.

Abharuumi 7:4

Abhakumya bharikyëtö, amangʼana ni-igho gharë na kö-bhëënyu bhonswe. Kya bhoora ërëngë igha, hano ömöntö yaakwa, takobhandërribhwa ghwiki na amaraghërryö hë, na bhëënyu bhonswe ni-igho ërë igha, temokotangatwa na amaraghërryö agha Mosa hë, mwahanekwa ko-mosarabha hamwë na Yëësu Kiristo. Bhoono bhëënyu na-bhantö abha Yëësu Kiristo mörë. Yëësu Kiristo uyö, yaaryökiibhwi ukurwa mo-bhaku, okore atohaane obhotoro ubhwa okokorra Waryobha emeremo.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

Abhaëfësö 2:3

Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

Abhaëfësö 4:17

Mbe, keno nkutuna mbatëëbhi ni-igha, mwitegherre bhuuya amangʼana aghaane ghano. Omonene Yëësu Kiristo yaangʼaana ubhwera, ku bhuyö nkobhakaania ndë igha, motakaaghëndërrya okokora amangʼana kya Abhakyaro. Bho nkokora bharë amangʼana bhono abheene bhakutuna. Amaitegherro aghaabho, teghaana ubhwera bhwobhwonswe bhoora hë.

Abhaëfësö 5:17

Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore.

Abhaëfësö 6:6

Motakaabhaighwera enkaagha eno ukunyoora bhaaho, okore bhabhakumi. Kasi mobhaighwere okanya igha m-baghorwa abha Yëësu Kiristo mörë. Ëkëntö keno Waryobha akutuna igha mokore, mokekore kwa nkoro nshiiya.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 5:18

Mukuminga Waryobha ko amangʼana ghonswe igho. Ko bhoora ni-igho Waryobha akutuna mokorenga kya bhoora Kiristo Yëësu yaatwörökërrëëyi.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.

1 Peetero 1:14

Ko bhoora igha, bhoono m-baana abha Waryobha mörë, ni-igha mosooke Waryobha. Motakaikërrya ghwiki okobha na oronamba oroghogho rono mwaarenga naro kare, hano mwaarenga motaraamanya Amangʼana Amaiya agha Yëësu Kiristo.

1 Peetero 2:1

Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.

1 Yohana 2:17

Ekebhara hamwë na oronamba urwa abhantö mberaahete, kasi wowonswe igho ono akokora ghano ghakushomera Waryobha, naraabhe na öbhöhöru ubhwa amakora ghonswe igho.