1 Peetero 4:18 - Imuuma Eehya

¹⁸ Amaandeko Amahörëëru gharaghamba igha, “Hano oraanyoore igha n-këköngʼu ko abhantö abha heene ökötööribhwa, bhoono iyakë erebha ko-bhantö abha ëbhëbhë bhano bhatakwighwera Waryobha?”

1 Peetero 4:18 ပူးပေါင်းရင်းမြစ်များ

Ruuka 15:1

Mbe, abhaghööti abha righööti abhaaru na abhantö abhandë bhano bhaamanyekaini igha, m-ba ëbhëbhë, bhonswe igho bhaashanga ku-Yëësu, okore bhamwitegherre.

Ruuka 23:31

Ko bhono ghakokorwa kö-möntö ono atasarri engʼana, kasi iyakë erebha ko-bhasarya?”

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Amangʼana agha Abhatomwa 27:24

Akantëëbhya igha, ‘Pauro uwe, otakoobhoha! Ko bhoora ni-igha wemerre mbere iya Kaisaari. Na omanye bhuuya igha, bhano bhonswe igho onabho ko-roghendo rono, Waryobha naraabhatööri kö örööbhö urwaye.’

Amangʼana agha Abhatomwa 27:31

Kasi Pauro akatëëbhya omonene uwa abhasirikare uyö bhaana abhasirikare abhaaye igha, “Hano abhaghöbhya bhayö bhataatighare hamwë na bhëëtö mu-ryato mono, momanye igha, temohone hë.”

Abharuumi 1:18

Waryobha umwene, nkwörökya arë harabhu igho ukurwa mu-ryobha igha, abhantö abhaghogho bhano bhakumwanga, nkobhashibhya arë. Abhantö bhayö nkwanga bharë obhoheene ubhwaye, ko okoghera iya okokora amangʼana aghaabho amaghogho.

Abharuumi 5:6

Mbe, hano twaarenga abhataaniinu, Yëësu Kiristo yaaishirë, enkaagha ekahika, akakwa ko okoghera iya ëbhëbhë ibhyëtö.

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

1 Abhakörintö 10:12

Ku bhuyö ono akokanya igha naimërëëyë, angarre atakaaghwa.

1 Timoteo 1:9

Ghwiki ni-igha ntomanyirë bhuuya igha, amaraghërryö teghatöörëëywë-ho abhantö abha heene hë. Kasi ghayö, ngaatoorwa-ho ko okoghera iya abhantö bhano bhatakokora bhono amaraghërryö ghakutuna igha bhakore, abhatëëyu, abhamangarru, abhasarya, na ko bhano bhatakwighwera Waryobha, abha ëbhëbhë, abhaiti abha abhaibhöri abhaabho, na abhaiti abha abhantö.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Yaakobho 5:6

Möbhötööyë ibhiina na ukwita abhantö abha heene bhano bhatakwitanga amangʼana aghëënyu.

1 Peetero 5:8

Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

Yuuda 1:15

okore abhotorre ikiina abhantö bhonswe igho, na okotoora harabhu amangʼana aghaabho amaghogho ghonswe igho, hamwë na amangʼana ghonswe igho, ghano abhaköri abha ëbhëbhë bhayö bhakoghamba bhoghogho Waryobha.”