1 Peetero 4:14 - Imuuma Eehya

¹⁴ Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.

1 Peetero 4:14 ပူးပေါင်းရင်းမြစ်များ

Mataayo 5:11

“Nyakara hano abhantö bhaabhatoka, bharabhateesa, na okobhaghamba amangʼana amaghogho amaaru agha obhorongo ko okoghera iya öni.

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 8:48

Abhayahudi bhakabhöörya Yëësu igha, “Kasi to-bhoheene tokoghamba igha, uwe m-Mosamaaria örë, kora noona risambwa?”

Yohana 9:28

Mbe bho bhakamotoka igha, “Uwe nu-uwe umwegha uwaaye! Kasi bhëëtö na abheegha abha Mosa törë.

Yohana 9:34

Bho bhakamohonshora igha, “Uwe weebhorwa na okorerwa kya ömököri uwa ëbhëbhë. Bhoono m-bwera kë onabho ubhwa ukutwëghya?” Mbe, bhakamurughya.

Amangʼana agha Abhatomwa 13:45

Hano Abhayahudi bhaarööshë igha abhantö m-baaru bhököngʼu bhaaikomaini ukwitegherra abhatomwa bhayö, bhakakorra abhatomwa bhayö rikenge. Ku bhuyö bhakabha bharabhanyeera senkaani ko mangʼana ghonswe igho ghano Pauro yaaghambanga, na okobhatoka.

Amangʼana agha Abhatomwa 18:6

Kasi Abhayahudi bhayö, bhakamunyeera senkaani na okomotoka, ku bhuyö akaghankamora singibho isyaye, na okobhatëëbhya igha, “Hano moraasire m-bëënyu abheene, taaho ömöntö ono amaanyinga aghaaye gharaanyiromberre hë! Tigha öni bhoono ngende okoraarekera Abhakyaro.”

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

2 Abhakörintö 12:10

Ku bhuyö öbhötëntëëru ubhwane nkunshomera bhörë, hamwë na okotokwa, inyanko, amateeso, inyaanyi ko okoghera iya Kiristo, ko bhoora hano naabha ömötëntëëru, ho nkobha na singuru.

2 Abhakörintö 4:10

Bhëëtö nkaagha syonswe igho, mu-nyanko iya ukwitwa törë, kya bhono Yëësu yaaitirwë, okore öbhöhöru ubhwa Yëësu bhwonswe, bhomaahekane kö-mëbhërë ighyëtö.

2 Abhakörintö 4:16

Mbe, kiyö nkyo kekoghera totakukwa emetwe, nokaanyoora ëmëbhërë ighyëtö gheno nkughunda ghërë, kasi senkoro isyëtö, nkokorwa sërë bhohya sinsikö syonswe igho.

Abhagharatia 1:24

Mbe, bhakatöönia Waryobha ko okoghera iya ghano yaankorra.

Abhaëbhuraania 11:26

Yaarööshë igha, m-buuya ukunyoora inyanko ko okoghera iya Kiristo, bhuyö nu-bhwamë bhono bhokokera ëbhëntö ibhya Miisiri. Mosa uyö, yaaitengʼeranga ukunyoora ituho ukurwa ku-Waryobha sinsikö isya mbere iyö.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

Yaakobho 5:11

Momaahe mbe, abhantö bhano tukwitegherra igha bhangʼoorwa m-baara bhaaghömërrya inyanko. Mwaighwa amangʼana agha ököghömërrya ukwa Ayubhu, na ghwiki mmomanyirë bhono Omonene Waryobha yaamökörëëyë amaiya ku-muhiko. Ghayö ghonswe igho nkwörökya gharë igha, Omonene Waryobha wa heene naana amaabhë.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 3:14

Kasi hano moraanyankibhwi ko okoghera iya okokora amangʼana agha heene, Waryobha naraabhangʼoore. Ku bhuyö, motakaabha na entarëki handë okoobhoha bhano bhakobhanyankya. Mötööninga Yëësu Kiristo, uyö we Omonene uwa öbhöhöru ubhwënyu.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

1 Peetero 4:16

Ömöntö wowonswe ono araanyoore inyaanyi ko bhoora igha m-mosoorani uwa Yëësu Kiristo, atakaasooka. Kasi atööni Waryobha igha, ni-riina riyö akobherekerrwa.

2 Peetero 2:2

Kora abhantö abhaaru mbareghoota amangʼana aghaabho amaghogho ghayö. Na ko okoghera iya abhantö bhayö, enshera iya obhoheene neretokwa.