1 Peetero 4:10 - Imuuma Eehya

¹⁰ Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.

1 Peetero 4:10 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Mataayo 24:21

Ko bhoora ko-nkaagha iyö, abhantö mbarinyoora inyaanyi indito bhököngʼu, eno etakaabhaayë ko-kebhara kono kerenga kyaabhombwa. Inyaanyi kya iyö, terebha-ho ghwiki hë.

Mataayo 24:45

Mbe, Yëësu akabhöörya abheegha bhaaye igha, “Kasi mokaamanya omoghorwa omoheene uwa obhongʼaini? No-moghorwa ono omonene uwaaye araamötëëbhi aimererre abhaghorwa bharikyaye, okore abhahaanenga ibhyakorya ko-nkaagha iyaako.

Mataayo 25:17

Ighoigho na uwa kabhërë oora yaahaaywë setaranta ibhërë, wonswe akakora ibhyashara, akanyoora-mo ibhërë isyëndë.

Mataayo 25:44

“Ho bhoono bhaara urinyoora bharëngë bhömösi ubhwane bharehonshora igha, ‘Mbe! Omonene, hai twaakomaaha ösëngëëyë, oona inyonta, örëngë ömöghëni handë örëngë kengʼaabhi, öröörrë, handë igha örëngë mo-kebhohe, tokanga ökökötöörrya?’

Maariko 10:45

Kora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Ruuka 12:42

Omonene akamohonshora igha, “Umwimërërri uwa heene na omongʼaini nö-öhë? Nö-mököri uwa emeremo ono omonene uwaaye araakumi, amotoore ku-bhwimërërri ubhwa bharikyaye, abhahaanenga ibhyakorya ko-nkaagha yaako.

Ruuka 19:13

“Hano waanyöörrë ataraatanora, akabherekera abhaghorwa abhaaye ikömi. Akabhahaana kera ömöntö ekerengere ekenene ikya seehera. Akabhatëëbhya igha, ‘Seehera seno, moghende musyëbhöri, okohekera hano ndikyora.’

Ruuka 8:3

Yoana mokaa Kuza wonswe ho yaarë. Kuza uyö, we yaarë umwimërërri uwa ëbhëntö ibhya omokama Herode Antipa. Yaare-ho Susana, na abhakari abhandë abhaaru. Abhakari bhayö, mbaasororanga ëbhëntö ibhyabho, kö ökötöörya Yëësu na abheegha abhaaye.

Abharuumi 15:25

Kasi bhoono, nkughya ndë Yërusarëëmu, okoherra abhakumya bharikyëtö abha Ikiyahudi ekehaheeno.

Abharuumi 15:27

Na-bheene igho mbo bhaatunirë igha bhakore igho. Obhoheene ni-igha, ni-siirë bhakohaka, ko bhoora Abhakyaro na Abhayahudi bhabhaayë ëkëntö këmwë ko-bhongʼoore ubhwa öbhötöörya bhono bhokohetera ko-Bhayahudi. Ko okoghera iya engʼana iyö, ni-igha abheene bhonswe bhabhatöörri-ko amangʼana agha kinyamöbhërë, kö-bhëntö bheno bhataanabhyo.

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 3:10

Waryobha kö örööbhö urwaye rono yaangʼaana, yaantöörrya okohaghaasha umusingi kya omohaghaashi umuuya omongʼaini, ono amanyirë amangʼana, nkatoora-ho umusingi ghono ömöntö uwöndë akohaghaasha-ko. Mbe, kera ömöntö angarre bhuuya bhono akohaghaasha ku-musingi kuyö.

1 Abhakörintö 4:7

Bhoono uwe n-nawë yaakokora obhe uwa heene okokera abhandë? N-kë onakyo keno otaahaanwa na Waryobha? Nyoore waahaanwa, n-kwakë ukwibhaaka kya ono otaahaanwa?

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

2 Abhakörintö 9:1

Teneena engʼana eno eraaghere mbandekere ko amangʼana agha ökötöörrya abhahörëëru abha Yërusarëëmu,

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 4:11

Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!