1 Peetero 4:1 - Imuuma Eehya

¹ Mbe, ko bhoora Yëësu Kiristo yaatëësirwë kö-möbhërë ughwaye, bhëënyu bhonswe mwisëëmi okoteeseka kya we. Nkoghamba ndë igho, ko bhoora igha, ömöntö ono amarrë koteeseka kö-möbhërë ughwaye, uyö takobhaahwa na ëbhëbhë hë.

1 Peetero 4:1 ပူးပေါင်းရင်းမြစ်များ

Maariko 3:3

Mbe, Yëësu akatëëbhya ömöbhëëru uwa okobhoko uyö igha, “Nshö wemerre ghatëghatë hano.”

Abharuumi 6:11

Bhëënyu bhonswe mwibhare igha, mwaakwa hamwë na Kiristo Yëësu, m-bahöru mörë ku-Waryobha, ku bhuyö ëbhëbhë tebheetore okobhabhaaha hë. Bhoono mwibhare igha, m-bahöru mörë, na öbhömënyi ubhwënyu, bhobhe bhono bhökötëghërya Waryobha ko-nshera iya okoghootana na Kiristo Yëësu.

Abharuumi 6:2

A a, ti-igho hë! Ko bhoora bhëëtö bhoono igho n-kya abhaku ko-mangʼana agha okokora ëbhëbhë, ku bhuyö tetootore ghwiki ököghëndërrya okokora ëbhëbhë.

Abharuumi 6:7

Hano ömöntö yaakwa kya igho, takomara ghwiki abhaahwe na obhotoro ubhwa öbhököri ubhwa ëbhëbhë hë.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 6:13

Ku bhuyö ni-igha mogheghe ibhyöghë bhyonswe igho ibhya ukwitanera riihë bheno mokohaanwa na Waryobha, okore hano risambwa reraashe, unyoore moona obhotoro ubhwa okorerebherra, na hano moraamare ghayö, monaghe këmwë.

Abhafiripi 2:5

Mobhe na enkoro eeraeera Kiristo Yëësu yaarë nayo.

Abhaëbhuraania 12:3

Mwitegherre ghayö ghaanyöörrë Yëësu, na bhono yaaghömërrëëyi amangʼana agha okorebherrwa bhököngʼu na abhaköri abha ëbhëbhë. Ku bhuyö motakaakwa omotwe, kora motakaarosa ukukumya Waryobha.

Abhaëbhuraania 4:10

Ko bhoora wowonswe igho ono araasohe ahasë ahaaye aha ukumuunya, naraamuunye okokora emeremo kya bhono Waryobha yaamuunyirë hano yaamarrë emeremo ighya okobhomba.

1 Peetero 2:21

Ni-igha möghömërri, ko bhoora Yëësu Kiristo umwene yaatësëkirë ko okoghera iya bhëënyu. Ko okokora ghayö, akabhateghera ëkërëngyö, okore mweghenga okokora kya igho.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.