1 Peetero 3:9 - Imuuma Eehya

⁹ Motakaahakanga ikisiiyomba ko abhantö, handë okotoka ömöntö ono akötökirë, kasi engʼana inshiiya ko-bhantö kya bhayö, no-kobhakorra ubhwa heene. Ghayö ngo mwaabherekerrwa igha mokore, okore mongʼoorwe.

1 Peetero 3:9 ပူးပေါင်းရင်းမြစ်များ

Mataayo 19:29

Mbe, wowonswe ono yaatigha inyumba, handë mura uwaabho, mohara uwaabho, handë suwaabho, nyakuwaabho, abhaana abhaaye, handë igha ëmëghöndö ighyaye, ko okoghera iya öni, naraanyoore amaghana agha ëbhëntö bhiyö. Kora narinyoora öbhöhöru ubhwa amakora ghonswe igho.

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Mataayo 5:39

Kasi öni ndabhatëëbhya igha, motakaakorra ömöntö bhoghogho ko bhoora igha yaabhakorra obhoghogho. Ndabharëngërya igha, hano ömöntö akötëmirë öröhë ko-mboto iya bhoryo, musyörri na emboto iya bhömösi yonswe ateme.

Mataayo 5:44

Kasi öni ndabhatëëbhya igha, mohanshenga abhabhisa abhëënyu, kora mosabherenga bhaara bhonswe igho, bhakobhateesa.

Maariko 10:17

Hano Yëësu na abheegha abhaaye bhaatanoranga, ömöntö ömwë akaiha ikibhuusë akaasha, akatema hansë ibhiru mbere iya Yëësu. Akamöbhöörya igha, “Umwëghya uwa heene, iyakë nkaakora, okore ndiisha okorya umwandö ughwa öbhöhöru ubhwa amakora ghonswe igho?”

Ruuka 10:25

Urusikö nyabhorebhe, umwëghya uwa amaraghërryö agha Mosa yaaimökirë akaimerra, akabhöörya Yëësu engʼana iya ukumushaashya. Akamöbhöörya igha, “Kana, umwëghya uwëëtö, iyakë nkaakora nyoore umwandö ughwa öbhöhöru ubhwa amakora ghonswe igho?”

Ruuka 18:18

Ömötöngi uwöndë yaabhöörri Yëësu igha, “Umwëghya uwa heene, iyakë nkaakora ndaaghere umwandö ughwa öbhöhöru ubhwa amakora ghonswe igho?”

Abharuumi 12:14

Abhantö bhano bhakobhateesa bhëënyu mobhasabherenga obhongʼoore, motakaabhasabheranga amaihiimo.

Abharuumi 12:17

Hano abhantö bhaabhakorra obhoghogho, motakaahaka ikisiiyomba. Kasi mwitegherrenga bhuuya, okore mokorre abhantö amangʼana ghano ghakomaahekana ko-bhantö bhonswe igho igha m-maiya.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

Abharuumi 8:30

Ku bhuyö abhantö bhano yaashaaghööyë, mbo yaabhërëkëëyë, akabhabhara igha m-ba heene, kora akabharaghania igha, narebhahaana ubhuhika.

Abhagharatia 3:14

Yaatutungurya okore obhongʼoore bhono Ibhurahimu yaahaaywë, bhohekeere Abhakyaro okohetera ku-Kiristo Yëësu. Mbe, bhoono bhëëtö bhonswe igho nkotora törë kunyoora Umwika Ömöhörëëru, ono Waryobha yaaraghaini okotohaana ko enshera iya ukukumya Kiristo.

Abhaëfësö 4:32

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.

1 Abhatësarönikë 5:15

Mwangarre, ömöntö wowonswe oora atakaahaka murikyaye obhoghogho ko-ngʼana engogho eno oraanyoore amökörëëyë. Kasi senkaagha syonswe igho, mokorranenga ubhwa heene bhëënyu abheene ko abheene na okokorra igho abhantö bhonswe igho.

Abhaëbhuraania 12:17

Mmomanyirë bhuuya igha, hano Esaau yaatunirë okorya umwandö ughwa obhongʼoore, umweya ghuyö, teghwatöökirë hë. Ko bhoora tiyaanyöörrë umweya ughwa okohongora ëbhëbhë ibhyaye, nokaanyoora igha yaatunirë umweya ghuyö rwa amaisöri.

Abhaëbhuraania 6:14

Waryobha yaatyanëëyë Ibhurahimu igha, “M-maheene nendaakongʼoore na urwebhoro urwaho nendaarwaruhi.”

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.