1 Peetero 3:8 - Imuuma Eehya

⁸ Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.

1 Peetero 3:8 ပူးပေါင်းရင်းမြစ်များ

Mataayo 18:33

Bhoono uwe wonswe tiyaarë igha waabhere ömököri uwa emeremo murikyaho kya bhono öni naakwabhëëyë?’

Ruuka 10:33

“Kasi Omosamaaria uwöndë, ono yaarë ko-roghendo urwaye, ni-igho yaarööshë ömöntö uyö igho, akamwabhera.

Amangʼana agha Abhatomwa 2:1

Hano inyangi iya Abhayahudi yaahikirë, eno bhaabherekeranga igha Pentekosite, waanyöörrë abheegha abha Yëësu bhonswe igho, bhaikomaini hamwë.

Amangʼana agha Abhatomwa 27:3

Nyinkyo yaako, tokaghobha ko-keghobho ikya mu-mughi ghono ghwaabherekerwanga igha Siidööni. Yuriyo akakorra Pauro öbhöntö ubhwa heene, ko okomohaana umweya amaahane na abhasaani abhaaye, okore bhamusumi-ko ëbhëntö bheno yaarë na obhohabhë nabhyo.

Amangʼana agha Abhatomwa 28:7

Mbe, ahasë hayö twaambökëëyë, n-haangʼë haarë na ömöghöndö ughwa omonene uwa righinga riyö, ono yaabherekerwanga igha Pubhurio. Pubhurio uyö, yaatösërëënëri bhuuya, tokakora öbhöghëni waaye hayö sinsikö isatö.

Amangʼana agha Abhatomwa 4:32

Abhakumya bhonswe igho mbaarë na öbhömwë ko maitegherro aghaabho, na senkoro isyabho. Taaho ömöntö ono yaaghambirë igha, ëbhëntö ibhyaye ni-bhyaye umwene igho hë. Kasi mbasanganga hamwë hayö.

Abharuumi 12:10

Mohanshane bhëënyu abheene ko bheene kya abhahiiri. Kera ömöntö, akore omotono ughwa okosooka murikyaye.

Abharuumi 15:5

Nkosabha ndë igha, Waryobha ono akoghera toraghömërrya na okoseghwa mo-senkoro isyëtö, abhakore mobhe ikiina ëkëmwë, ko bhoora Kiristo Yëësu we ekemanyërryö ikyënyu.

1 Abhakörintö 1:10

Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

1 Abhakörintö 12:26

Hano umwaho öghömwë ghwanyahaareka, imyaho ghyonswe igho nkunyahaareka ghërë hamwë nagho. Na hano umwaho öghömwë ghwatöönibhwa, ömöbhërë ghwonswe igho nkushomerwa ghörë.

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Abhaëfësö 4:31

Muruusi mo-senkoro isyënyu öbhörrö bhwonswe igho, okoregha, okorerra, riihë, amatöki, na obhoghogho bhwonswe igho.

Abhaëfësö 4:32

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.

Abhafiripi 2:3

Motakaakora engʼana yoyonswe igho kwa kwiroterra handë kwa ikiheemere. Kasi mwihoote na okomaaha abhandë igha mbo abhantö okokera bhëënyu.

Abhafiripi 3:16

Bhoono engʼana enene, ni-igha toghoote amangʼana ghaara Waryobha yaatwörökya.

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

Abhaëbhuraania 13:1

Möghëndërri okohanshana kya bhono ikutunwa ko abhakumya.

Yaakobho 2:13

Waryobha takwabhera ömöntö wowonswe ono ataana amaabhë hë. Kasi naryabhera abha amaabhë urusikö urwa okobhabhotorra ibhiina!

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

Yaakobho 5:11

Momaahe mbe, abhantö bhano tukwitegherra igha bhangʼoorwa m-baara bhaaghömërrya inyanko. Mwaighwa amangʼana agha ököghömërrya ukwa Ayubhu, na ghwiki mmomanyirë bhono Omonene Waryobha yaamökörëëyë amaiya ku-muhiko. Ghayö ghonswe igho nkwörökya gharë igha, Omonene Waryobha wa heene naana amaabhë.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Peetero 2:17

Mosooke abhantö bhonswe igho, na mohanshe abhakumya bharikyënyu. Mwighwere Waryobha, na mosooke omokama uwëënyu.

1 Peetero 5:5

Ghwiki na bhëënyu abhamura, ni-igha mosooke abhaghaaka abha ekanisa. Bhëënyu bhonswe igho abhaghaaka na abhamura, ighoigho. Mobhe abhantö abhahaabhu, mutighinkaneranenga. Mokore igho, ko bhoora Amaandeko Amahörëëru gharaghamba igha, “Waryobha nkwanga arë abhantö bhano hakwiheema, kasi örööbhö urwaye na-bhahaabhu akohaana.”

2 Peetero 1:7

Okosooka Waryobha kuyö kwëngëribhwi-ko righonshe irya okohanshana bhëënyu abheene ko abheene, okohanshana kuyö, kwëngëribhwi-ko na righonshe irya okohansha abhantö bhonswe igho.

1 Yohana 3:14

Bhëëtö ntomanyirë igha, twaarwa mu-singuru isya uruku, na bhoono ntoona öbhöhöru ubhwa amakora ghonswe igho. Ntomanyirë igho, ko bhoora ntohanshirë abhakumya bharikyëtö. Ömöntö wowonswe igho ono ataana righonshe, uyö nakëghöötërëëywë na singuru isya uruku.