1 Peetero 3:7 - Imuuma Eehya

⁷ Na bhëënyu abhashaasha, ni-igha mwikarane na abhakari abhëënyu kwa bhongʼaini, momanye igha, tebhaana singuru kya seno monasyo. Mwikare na bhakëënyu kwa okosookana, ko bhoora bhonswe mbarerya umwandö ughwa örööbhö urwa öbhöhöru. Ku bhuyö abhashaasha mokore igho, okore amasabhi aghëënyu, ghatakaarebherrwa.

1 Peetero 3:7 ပူးပေါင်းရင်းမြစ်များ

Mataayo 18:19

No-bhoheene nkobhatëëbhya igha, abhantö abhabhërë mö-bhëënyu hano bharaaighwerrane ko-kebhara kono, ko-keno bharaasabhe Taata uwa mu-ryobha, naraabhahaane.

1 Abhakörintö 7:3

Umushaasha atakaima mokaaye amangʼana ghaara agha abhantö bhakörö, kora omokari wonswe bhuyöbhuyö.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

Abhaëfësö 5:33

Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

Abhakorosaai 3:19

Na bhëënyu abhashaasha, mohanshe bhakëënyu, motakaabhakorra öbhöbhë.

1 Abhatësarönikë 4:4

Bhëënyu bhonswe igho ni-igha mwihoosherre, kö öbhöhörëëru na ukwisooka.

Tiito 3:7

Ni-igho Waryobha yaakörrë, kora akatokora tobhe abhantö abha heene, kö örööbhö urwaye, okore toraaghere umwandö ughwa öbhöhöru ubhwa amakora ghonswe igho, kya bhono tukwitengʼera.

Abhaëbhuraania 1:14

Abhamaraika n-këntö kë? Bhayö tebhaana ömöbhërë hë, kasi mbo bhakokorra Waryobha emeremo. Kora nkobhatoma arë ukughya ukutighinkanera abhantö bhano bharaahönibhwi.

1 Peetero 3:1

Na bhëënyu abhakari bhonswe, ni-igha mwighwere bhashaasha abhëënyu, okore nyoore bhaaho abhashaasha bhano bhatakosoorana amëëghyö agha Waryobha, bharutwe na eteemo iyëënyu inshiiya. Ku bhuyö bharatora ukukumya Waryobha bhatatëëbhiibhwi engʼana.