1 Peetero 3:22 - Imuuma Eehya

²² Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.

1 Peetero 3:22 ပူးပေါင်းရင်းမြစ်များ

Mataayo 22:44

‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora otashere hansë abhabhisa abhaaho.”’

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Maariko 12:36

Daudi umwene hano yaatangatirwë na Umwika Ömöhörëëru, yaaghambirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora, otashere hansë abhabhisa abhaaho.”’

Maariko 16:19

Hano Omonene Yëësu yaamarrë kushumaasha nabho, akagheghwa, ukughya mu-ryobha. Akaikara bhoryo ubhwa Waryobha.

Ruuka 20:42

Na eno mbe Daudi umwene, mo-ketabho ikya Zabhuri yaandëkirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu,

Yohana 13:32

Kya bhono ubhuhika ubhwaye bhokomaahekana okohetera ko mangʼana aghaane, mbe na Waryobha wonswe nkwörökya arë abhantö ubhuhika ubhwane öni Omoona uwa Ömöntö, ghwiki n-hayö na hayö igho araabhööröki.

Amangʼana agha Abhatomwa 1:11

Abhantö bhayö, bhakabhöörya abhatomwa bhayö igha, “Bhëënyu bhare Bhaghariraaya, ndarra mwimërëëyë hano moragharamera mu-ryobha? Yëësu uyö aruurë kö-bhëënyu hano ukughya mu-ryobha, kasi rooho urusikö rono arikyora kya ighoigho mömörööshë araghya mu-ryobha.”

Amangʼana agha Abhatomwa 3:21

Ni-igha Yëësu atighare mu-ryobha, okohekera enkaagha eno Waryobha arekora ëbhëntö bhyonswe igho mu-kyaro, bhebhe ebhehya, kya bhono yaaghambirë ukurwa kare okohetera ko-bharööti abhaaye abhahörëëru.

Abharuumi 8:34

Kora taaho ömöntö uwa ukutushibhya hë. Kiristo Yëësu we yaakwa, akamara akaryoka. M-boryo ubhwa Waryobha arë, aratosabhera. Ku bhuyö taritushibhya hë.

Abharuumi 8:38

Nemanyirë bhuuya igha, teeho engʼana eno eraakaani Waryobha atakaatohansha. Ntokaabha bhahöru, handë ntokaakwa, kasi Waryobha naraaghëndërri okotohansha. Kora taaho maraika, handë abha ubhwera, handë ëbhëntö bhyonswe igho ibhya obhotoro, tebheetore ukutwahora ukurwa ku-righonshe irya Waryobha. Nekaabha igha na amangʼana ghano ghakwikora bhoono igho, handë ghano ghariisha, handë ibhya mu-ryobha, handë ibhya mu-kyaro ikya abhaku, handë ëbhëntö ibhyëndë bhyobhyonswe bheera, tebheetore okorebherra Waryobha atakaatohansha. Righonshe riyö yaarehonyora kö-bhëëtö, ko okohetera ko-Monene uwëëtö Kiristo Yëësu.

1 Abhakörintö 15:24

Hayö ho umuhiko ughwa ekebhara ghurihika, hano arehaana Taata Waryobha Obhokama ubhwaye. Naremohaana hano urinyoora amarrë okosarya öbhötöngi bhwonswe igho, ubhwera bhwonswe igho na obhotoro bhwonswe igho.

Abhakorosaai 3:1

Bhoono ko bhoora mwaaryoka hamwë na Kiristo, mutune amangʼana agha mu-ryobha iyö Kiristo aikaayë, orobhareka urwa bhoryo ubhwa Waryobha, ahasë aha okosookwa.

Abhaëbhuraania 1:13

Waryobha tiyaakatëëbhëri maraika wowonswe oora igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora otashere hansë abhabhisa abhaaho.”

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 1:6

Hano yaarëëtirë Omoona uwaaye umumwëmwë ko-kebhara kono, yaaghambirë igha, “Abhamaraika abhaane bhonswe igho, bhamosengerrenga.”

Abhaëbhuraania 10:12

Kasi Yëësu Kiristo umwene yaaimwënsirë kamwë igho ko okoghera iya ëbhëbhë. Uyö we ikimwenso ikya amakora ghonswe igho. Akaikara bhoryo ubhwa Waryobha.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 4:14

Mbe, ko bhoora ntoona Omonene uwa abhasëngëri ono yaasoha mu-ryobha, Yëësu Kiristo Omoona uwa Waryobha. Ku bhuyö ni-igha tonaghi umukumo ughwëtö.

Abhaëbhuraania 6:20

Yëësu Kiristo yaatangata akasoha ahasë hayö ko okoghera iya bhëëtö. Bhoono yaabha omonene uwa abhasëngëri amakora ghonswe igho kya bhono Mërikizëdëki yaarë.

Abhaëbhuraania 8:1

Engʼana enene ko-ghonswe igho ghayö, yo eno igha, ntoona Omonene uwa abhasëngëri ono arëngë bhoryo ubhwa ikitumbë ikya ekekama ikya Waryobha uwa obhotoro, mu-ryobha iyö.

Abhaëbhuraania 9:24

Ko bhoora Yëësu Kiristo, tiyaasöhirë Ahasë Ahahörëëru aha Ahahörëëru, haara haana ituubho iya aha mu-ryobha, hano haakorwa na abhantö, kasi yaasöhirë mu-ryobha aheeneheene, okore amaahekane ku-Waryobha ko okoghera iya bhëëtö.