1 Peetero 3:20 - Imuuma Eehya

²⁰ Senkoro siyö ni-isya abhantö bhano bhataighwërëëyë Waryobha, enkaagha eno Nuhu yaahaghaashanga esafina. Waryobha yaaghömërrëëyi obhoghogho ubhwabho okohekera hano esafina yaahaghaashirwë, kasi bhano bhahönirë ku-muhiko ughwa ëhöörö iyö, m-bake igho bhaarë, abhantö monaane abheene igho.

1 Peetero 3:20 ပူးပေါင်းရင်းမြစ်များ

Mataayo 7:14

Kasi ikihiita ikya ukughya mö-bhöhöru, n-kinyintu na enshera ni-nyerre, ku bhuyö abhantö m-bake bhano bhakungʼura engʼana iya öbhöhöru iyö.”

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Amangʼana agha Abhatomwa 2:41

Mbe, abhantö kya ëbhëkwë bhitatö, bhakakumya amangʼana agha Peetero, bhakabhatiisibhwa. Abheegha abha Yëësu bhakaaruha bhököngʼu urusikö ruyö.

Abharuumi 9:22

Ku-Waryobha ni-igho ërë. Waryobha yaatunanga ööröki abhantö okorerra ukwaye na obhotoro ubhwaye, kasi yaaghömërrëëyi bhököngʼu bhaara bhaaingʼarëëyi ukusikibhwa.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Abhaëbhuraania 11:7

Umukumo, ghwaaghërrë Nuhu akaighwera Waryobha, hano yaamoraghërrëëyi ko amangʼana ghano ghakaaishirë, ghano ghataarenga gharaamaahekana enkaagha iyö. Ku bhuyö akakora esafina, okore ahöni abhantö abhaaye. Ko okoghera iya engʼana iyö, akabhotorra abhantö ikiina, akabha ömöntö uwa heene ku-Waryobha ko koghera iya umukumo ughwaye.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Peetero 1:9

ko bhono mukunyoora öbhötöörya ubhwënyu. Öbhötöörya bhuyö, mbo ësëëmyö iya umukumo ughwënyu.

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.

1 Peetero 3:19

Na ko obhotoro ubhwa Umwika Ömöhörëëru, akaghya okoraarekera senkoro seno syaarë mo-kebhohe, isya abhantö bhano bhaakwa.

1 Peetero 4:19

Ku bhuyö, bhano bhakunyoora inyaanyi ko okokora ghano Waryobha akutuna, bhamanye igha, Waryobha m-Möbhömbi uwa heene. Ku bhuyö, bho bhaitoore mo-mabhoko aghaaye, bhaghëndërri okokora amangʼana amaiya.

2 Peetero 2:5

Ghwiki ni-igha, enkaagha eera iya Nuhu, Waryobha tiyaatighirë ukushibhya abhantö bhano bhatamwighwërëëyë, yaarëëtirë ëhöörö iya amanshë ko-kebhara, abhantö bhakakwa. Akatöörya Nuhu hamwë na abhantö abhandë muhungatë. Nuhu uyö, we yaaraarëkëëyë abhantö abha enkaagha iyaaye igha, bhakore bhono Waryobha akutuna.

2 Peetero 3:15

Momanye igha Omonene nkobhaghömërrya arë, okore munyoore umweya ughwa ököhönibhwa. Ni-igho Pauro umukumya murikyëtö omoghonshe, yaabhandëkëëyë ko obhongʼaini bhono Waryobha yaamohaayë.