1 Peetero 3:15 - Imuuma Eehya

¹⁵ Mwisëëmi nkaagha syonswe igho okohonshora ömöntö wowonswe ono araabhabhööri keno mukwesegha. Mokorenga igho kwa obhohaabhu na esooko,

1 Peetero 3:15 ပူးပေါင်းရင်းမြစ်များ

Amangʼana agha Abhatomwa 21:39

Pauro akamohonshora igha, “Öni m-Muyahudi ndë, umwebhorwa uwa mu-mughi ughwa Tariso, eno ërëngë mo-mokowa ughwa Kirikia. Umughi ghuyö ngomanyekaini bhököngʼu. Ndakosaasaama nshumaashe-ko na abhantö bhano.”

Amangʼana agha Abhatomwa 24:25

Pauro akaghëndërrya okobhatëëbhya amangʼana ghano Waryobha akutuna bhakore, na agha ömöntö ukwirebherra atakaakora amangʼana amaghogho na agha urusikö urwa umuhiko urwa okobhotora ibhiina. Hano Fëriki yaaighuurë ghayö, akoobhoha. Akatëëbhya Pauro igha, “Bhoono uwe kaghi, hano ndinyoora umweya, nendekobherekera ghwiki.”

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhakorosaai 4:6

Mushumaashenga amangʼana amasambaaroku nkaagha syonswe igho, amangʼana ghano ghakötëghërya abhantö, okore momanye bhono moraahonshorenga bhuuya, abhantö bhonswe igho.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

Abhaëbhuraania 3:6

Kasi Yëësu Kiristo, we n-kya Omoona uwa heene ono aana ubhwera ko-mangʼana agha inyumba iya Waryobha. Inyumba iyö, m-bëëtö, hano toraaghëndërri okobha abhakarë na okonagha bhuuya ko-keno tukwesegha.

Abhaëbhuraania 6:1

Mbe, ku bhuyö ni-igha tutighe ukwikarra amëëghyö ghaara twaashumaashëëyë amangʼana agha Yëësu Kiristo ekembere, kasi töghëndërri ukwegha, tokambe tonaghe ku-mukumo. Totakaaghooterrwa ghwiki na amëëghyö ghaara agha okohongora amangʼana amaghogho, na agha umukumo ughwëtö ku-Waryobha.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

1 Peetero 3:4

Kasi ubhwikööni ubhwënyu, bhusimiri mo-senkoro isyënyu. Ubhwikööni bhono bhotakosareka, handë okoghota. Ubhwikööni bhuyö, no-kobha na enkoro inshiiya na obhohaabhu, bhuyö mbo ubhwikööni bhono bhoona ubhwera obhonene ku-Waryobha.