1 Peetero 3:14 - Imuuma Eehya

¹⁴ Kasi hano moraanyankibhwi ko okoghera iya okokora amangʼana agha heene, Waryobha naraabhangʼoore. Ku bhuyö, motakaabha na entarëki handë okoobhoha bhano bhakobhanyankya. Mötööninga Yëësu Kiristo, uyö we Omonene uwa öbhöhöru ubhwënyu.

1 Peetero 3:14 ပူးပေါင်းရင်းမြစ်များ

Mataayo 10:28

Motakoobhoha abhantö. Keno bhakotora ukwita, nö-möbhërë ughwënyu ughwene igho, kasi tebhakotora ukwita öbhöhöru ubhwa umwika ughwënyu hë. Waryobha we uwa ukwobhoha, ko bhoora umwene aratora ukusikya ömöbhërë na umwika ughwa ömöntö mo-morro ghotakurima.

Mataayo 10:31

ku bhuyö motakoobhoha. Ko bhoora bhëënyu mmoona ubhwera bhököngʼu ku-Waryobha okokera ibhinyönyi ibhyaru.

Mataayo 10:39

Ömöntö wowonswe ono araaronerre öbhöhöru ubhwaye ubhwa ko-kebhara kono, uyö narisirya öbhöhöru ubhwaye ubhwa mu-ryobha. Kasi ömöntö wowonswe ono araaruusi öbhöhöru ubhwaye ubhwa ko-kebhara kono, uyö narinyoora öbhöhöru ubhwaye ubhwa amakora ghonswe igho.”

Mataayo 16:25

Ko bhoora ömöntö ono akutuna aitööri öbhöhöru ubhwaye umwene, uyö nkwimara arë-ho umwene amakora ghonswe igho. Kasi ömöntö ono akuruusya öbhöhöru ubhwaye ko okoghera iya öni, uyö narinyoora öbhöhöru ubhwa amakora ghonswe igho.

Mataayo 19:29

Mbe, wowonswe ono yaatigha inyumba, handë mura uwaabho, mohara uwaabho, handë suwaabho, nyakuwaabho, abhaana abhaaye, handë igha ëmëghöndö ighyaye, ko okoghera iya öni, naraanyoore amaghana agha ëbhëntö bhiyö. Kora narinyoora öbhöhöru ubhwa amakora ghonswe igho.

Maariko 10:29

Mbe, Yëësu akaghamba igha, “No-bhoheene nkobhatëëbhya igha, ömöntö ono yaatigha inyumba handë mura uwaabho, umusubhaati uwaaye handë nyakuwaabho, suwaabho handë abhaana abhaaye, handë ëmëghöndö, ko okoghera iya öni, na ko okoghera iya Amangʼana Amaiya,

Maariko 8:35

Ku bhuyö, ömöntö ono akutuna aitööri öbhöhöru ubhwaye umwene, uyö nkwimara arë-ho umwene amakora ghonswe igho. Obhoheene ni-igha, ono akuruusya öbhöhöru ubhwaye ko okoghera iya öni, na ko okoghera iya Amangʼana Amaiya, uyö we araaitööri.

Yohana 14:1

Yëësu akaghëndërrya ukwëghya abheegha abhaaye igha, “Motakaabhaabhayera mo-senkoro isyënyu, mukumi Waryobha, kora na öni wonswe munkumi.

Yohana 14:27

Motame na omorembe, omorembe ughwane ghuyö nkobhahaana, teghonga kya omorembe ughwa ko-kebhara kono hë. Motakaabhaabhayera mo-senkoro isyënyu, kora motakoobhoha kyokyonswe keera.

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

2 Abhakörintö 12:10

Ku bhuyö öbhötëntëëru ubhwane nkunshomera bhörë, hamwë na okotokwa, inyanko, amateeso, inyaanyi ko okoghera iya Kiristo, ko bhoora hano naabha ömötëntëëru, ho nkobha na singuru.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

Yaakobho 5:11

Momaahe mbe, abhantö bhano tukwitegherra igha bhangʼoorwa m-baara bhaaghömërrya inyanko. Mwaighwa amangʼana agha ököghömërrya ukwa Ayubhu, na ghwiki mmomanyirë bhono Omonene Waryobha yaamökörëëyë amaiya ku-muhiko. Ghayö ghonswe igho nkwörökya gharë igha, Omonene Waryobha wa heene naana amaabhë.

1 Peetero 3:6

Saara mokaa Ibhurahimu, we ëkërëngyö. Yaaighweranga mushaasha uwaaye, kora yaamobherekeranga igha, “Omonene uwaane.” Kora bhëënyu bhonswe, hano moraakorenga amangʼana amaiya motakoobhoha kyokyonswe igho, hayö noraanyoore mobhaayë urwebhoro urwa Saara.