1 Peetero 3:11 - Imuuma Eehya

¹¹ Ghwiki ni-igha atakaakora amangʼana amaghogho, akore amangʼana amaiya. Akore omotono ughwa ukwikarana bhuuya na bharikyaye ko omorembe,

1 Peetero 3:11 ပူးပေါင်းရင်းမြစ်များ

Mataayo 5:45

Mbe, hano moraakore igho, neraamahekane igha, m-maheene na-bhaana abha Waryobha Taata uwëëtö uwa mu-ryobha mörë. Ko bhoora omobhasö ughwa Waryobha, nkobharra ghörë abhantö abhaghogho, na abhantö abha heene. Na imbura iyaaye, nkutwera ërë abhantö bhonswe igho, mbakaabha abhaghogho handë abha heene.

Mataayo 5:9

Nyakara bhano bhakwighwerrania abhantö, ko bhoora Waryobha narebhabherekera igha, m-baana abhaaye.

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Maariko 14:7

Abhatöbhu, mmoonabho sinsikö syonswe igho. Moratora okobhakorra bhuuya, enkaagha yoyonswe igho eno mukutuna. Kasi temoobhe hamwë na öni, sinsikö syonswe igho hë.

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Ruuka 6:9

Yëësu akabhöörya Abhafarisaayo na abhëëghya abha amaraghërryö agha Mosa bhayö igha, “Ne-ngʼana kë ikwikërërribhwa ekorwe urusikö urwa Obhotooro? Okokora amangʼana amaiya kasi amaghogho? Ukuhwënia ömöntö, kasi ukumusikya?”

Yohana 17:15

Öni tenkosabha igha, obharuusi ko-kebhara kono, kasi obhagheterre ko Omoghogho oora.

Abharuumi 12:18

Mokore omotono ughwa okobha na omorembe na abhantö bhonswe igho.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

Abharuumi 7:19

Ensonga iyaamo ni-igha, tenkokora amangʼana amaiya ghaara nkutuna igha nkore. Kasi ghano nkokora, na-mangʼana amaghogho, ghano ntakutuna igha nkore.

Abharuumi 7:21

Mbe, mmarrë okomanya igha, nkwighomba ndë igha nkore amangʼana amaiya, kasi ndutwa okokora amangʼana amaghogho.

Abharuumi 8:6

Ömöntö ono sehakëri isyaye sekotangatwa na esemoko iya öbhököri ubhwa ëbhëbhë, uyö nu-ruku urwa amakora ghonswe igho akwireetera. Kasi ömöntö ono akotangatwa na Umwika Ömöhörëëru, uyö naana öbhöhöru ubhwa amakora ghonswe igho, kora naana omorembe.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhagharatia 6:10

Mbe, tokorrenga abhantö bhonswe igho amangʼana amaiya, hano wanyoora toona umweya ughwa okokora igho, ekenene nko-bhakumya bharikyëtö.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

1 Timoteo 6:18

Ghwiki obhatëëbhi igha, bhakore amangʼana amaiya. Bhabhe abhaamë, abha okokora amangʼana amaiya. Bhabhe abhahaani, bhasangenga na abhantö abhandë ëbhëntö ibhya ubhwamë ubhwabho.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

Yaakobho 4:17

Ku bhuyö ni-igha, ömöntö ono amanyirë okokora amangʼana amaiya kasi takoghakora hë, hayö në-këbhë akokora.

1 Peetero 3:12

ko bhoora Omonene Waryobha nkomaaha arë abhantö bhano bhakokora bhwaheene, kora nkwighwa arë amasabhi aghaabho. Kasi bhano bhakokora amangʼana amaghogho, bhayö nkobhahërrya arë enkoonwe.”

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.