1 Peetero 3:1 - Imuuma Eehya

^1-2 Na bhëënyu abhakari bhonswe, ni-igha mwighwere bhashaasha abhëënyu, okore nyoore bhaaho abhashaasha bhano bhatakosoorana amëëghyö agha Waryobha, bharutwe na eteemo iyëënyu inshiiya. Ku bhuyö bharatora ukukumya Waryobha bhatatëëbhiibhwi engʼana.

1 Peetero 3:1 ပူးပေါင်းရင်းမြစ်များ

Mataayo 18:15

“Hano umukumya murikyaho akosarëëyi engʼana, kaghi omokaani. Hano araakwighwere, omanye igha unyöörrë umukumya murikyaho.

Abharuumi 10:16

Nokaanyoora ni-igho ërë, kasi ti-igha Abhaisiraëri bhonswe igho, mbaaikërëëyi Amangʼana Amaiya agha Yëësu Kiristo, m-baaru bhaaghangirë. Ko bhoora ömörööti Isaaya yaaghambirë igha, “Omonene Waryobha, taaho ömöntö ono yaaikërëëyi amangʼana aghëëtö hë.”

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

Abharuumi 7:2

Tigha mbaraghërri bhuuya engʼana eno. N-kya bhono amaraghërryö agha abhantö bhano bhaatetana gharë. Omokari takwikërërribhwa ukutigha mushaasha uwaaye akërëngë möhöru ataraakwa. Kasi hano mushaasha uwaaye akuurë, hayö nkobha arë na öbhötöönööni ubhwaye.

1 Abhakörintö 11:3

Kasi bhoono nkutuna ndë momanye igha, Yëësu Kiristo we omotwe ughwa umushaasha, na umushaasha we omotwe ughwa mokaaye, na Waryobha we omotwe ughwa Yëësu Kiristo.

1 Abhakörintö 14:34

ni-igha abhakari, bhakirenga mo-kanisa, ko bhoora tebhakwikërërribhwa okoghamba mo-kanisa hë, kasi bhabhe abhaighwa, kya bhono amaraghërryö agha Mosa ghakoghamba.

1 Abhakörintö 7:16

Ko bhoora ni-igha, uwe omokari umukumya, okaamanya igha oratora ökötöörya mushaasha uwaaho? Handë uwe umushaasha umukumya, okaamanya igha oratora ökötöörya mokaaho?

Abhaëfësö 5:33

Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.

Abhakorosaai 3:18

Bhare abhakari, mwighwerenga abhashaasha abhëënyu, kya bhono ikutunwa ko-bhantö bhano bhakukumya Omonene Yëësu Kiristo.

Abhakorosaai 4:5

Mbe, ni-igha mobhe abhangʼaini ko-teemo iyëënyu hano wanyoora mörëngë hamwë na abhantö bhano bhataraakumya Yëësu. Umweya ghwoghwonswe igho ghono mukunyoora, mokorenga igho.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

Abhaëbhuraania 11:8

Umukumo, ghwaaghërrë Ibhurahimu akaighwera Waryobha, enkaagha eno yaamöbhërëkëëyë, akamötëëbhya igha, aghende ahasë hano araahaanwe habhe umwandö ughwaye. Akeemoka, akatanora ukughya ahasë hano atamanyirë.

Abhaëbhuraania 5:9

Mbe, ko okoghera iya ghayö, Waryobha akamokora aingʼarre okobha esemoko iya öbhötöörya ubhwa amakora ghonswe igho ko bhonswe igho bhano bhakwighwera Ömötöörya uyö.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Peetero 3:7

Na bhëënyu abhashaasha, ni-igha mwikarane na abhakari abhëënyu kwa bhongʼaini, momanye igha, tebhaana singuru kya seno monasyo. Mwikare na bhakëënyu kwa okosookana, ko bhoora bhonswe mbarerya umwandö ughwa örööbhö urwa öbhöhöru. Ku bhuyö abhashaasha mokore igho, okore amasabhi aghëënyu, ghatakaarebherrwa.

1 Peetero 4:17

Momanye igha, enkaagha iya okobhotora ibhiina ihikirë, na Waryobha naraasimi okobhotorra ibhiina abhantö abhaaye. Mbe, hano okobhotora ibhiina koraasimiri kö-bhëëtö abhantö abhaaye, bhoono iyakë erebha ko bhano bhakwanga Amangʼana Amaiya agha Waryobha?