1 Peetero 2:9 - Imuuma Eehya

⁹ Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

1 Peetero 2:9 ပူးပေါင်းရင်းမြစ်များ

Mataayo 4:16

Abhantö abha mu-kisuntë, bharööshë obhorabhu obhonene, abhantö bhayö abha mu-kiiriiri ikya uruku, bhamörëkirwë emerengaari ighya nyinkyo.”

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Amangʼana agha Abhatomwa 26:28

Aghiripa akamohonshora igha, “Nkokanya örë igha Pauro, notora okonkora Umukiristo ko-mangʼana amake kya ghayö?”

Abharuumi 9:24

Mo-bhantö bhano Waryobha yaabhërëkëëyë, kora na bhëëtö bhonswe mmötörë. Te-Bhayahudi abheene igho igha mbo yaabhërëkëëyë hë, kasi kora Abhakyaro bhonswe.

1 Abhakörintö 3:17

Hano ömöntö araasari inyumba iya Waryobha iyö, Waryobha wonswe naraamosari. Ko bhoora inyumba iya Waryobha në-hörëëru, na inyumba iyö, m-bëënyu.

Abhaëfësö 1:14

Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 1:6

Ku bhuyö ni-igha tumukumi, ko okoghera iya örööbhö urwaye urwa ököröghöörya, rono yaatohaayë bhosa igho okohetera ku-Kiristo Yëësu ono Waryobha ahanshirë.

Abhaëfësö 3:21

Tötööni Waryobha uwa ubhuhika bhono bhokomaahekana mo-kanisa, na ku-Kiristo Yëësu, senkaagha syonswe igho, amakora ghonswe igho ukurwa okosemoka, Amina.

Abhafiripi 3:14

Nkwiköngʼërrya ndë nhike ku-muhiko, okore ntuhwe ituho iyaane. Ituho iyö, yo Waryobha akobherekerra abhantö mu-ryobha, ko okohetera ku-Kiristo Yëësu.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

Okohonyora 1:6

Atökörrë tobhe obhokama na abhasëngëri, okore tutighinkanere Waryobha. Waryobha uyö, n-Suwaabho. Ubhuhika na obhotoro, bhebhe ku-Yëësu amakora na amakora! Amina.

Okohonyora 20:6

Kono nko ukuryoka ukwa mbere ukwa abhaku. Nyakara bhano bhariryökibhwa ko-nkaagha iyö, bhayö m-bahörëëru. Ko bhoora uruku urwa kabhërë terorebha na singuru ko-bhayö hë. Mbarebha abhasëngëri abha Waryobha na Kiristo, kora mbaretonga hamwë na Kiristo ku-ribhagha riyö irya imyoka ëkëkwë ëkëmwë.

Okohonyora 5:10

Uwe waakörrë abhantö bhano bhabhe abha Obhokama ubhwa Waryobha uwëëtö, bhabhe abhasëngëri abha okomokorra emeremo, mbaraatonge ekebhara keno.”