1 Peetero 2:6 - Imuuma Eehya

⁶ Ko bhoora Amaandeko Amahörëëru gharaghamba igha, “Motamaaha umughi ughwa Sayuuni, ndatoora-mo reghena irya mo-koona iya umusingi, ghwiki ndyo reghena irya ubhwera obhonene reno naashaaghora. Na ömöntö wowonswe ono araakumi uyö igha we reghena riyö, tarësökërribhwa hë!”

1 Peetero 2:6 ပူးပေါင်းရင်းမြစ်များ

Mataayo 12:18

“Tamaaha, ono we ömököri uwaane uwa emeremo ono naahööyë, omoghonshe uwaane ono aköntëghërya. Nendaamohaane Umwika uwaane, okore araareke amangʼana aghaane agha obhoheene ko-Bhakyaro.

Maariko 12:10

Kasi, temwakasömirë Amaandeko Amahörëëru igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.

Ruuka 20:17

Yëësu akabhamoghorra amaiso, akabhabhöörya igha, “Möntëëbhi ensonga iya amaandeko ghano, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.’

Ruuka 23:35

Abhantö mbaarenga bhaimërëëyë hayö, bharamaaherra. Abhatöngi bhakasimya okomosekerra bharaghamba igha, “Ndarra yaatööryanga abhandë, nyoore mbe we Kiristo ono yaahorwa na Waryobha, ataitöörya mbe umwene tomaahe.”

Yohana 7:38

Amaandeko Amahörëëru gharaghamba igha, ömöntö ono akunkumya, naraabhe na ibhyoro ibhya amanshë agha öbhöhöru bheraghera mu-mwene.”

Amangʼana agha Abhatomwa 1:16

akabhatëëbhya igha, “Abhakumya bharikyane, amangʼana ghano ghandëkirwë mo-Maandeko Amahörëëru ko engʼana iya Yuuda, yaarë igha ghaikore. Umwika Ömöhörëëru we yaaghambirë ghayö, okohetera ko-mokama Daudi, akarootera Yuuda uyö, ono yaatangatirë abhantö bhaara bhaaghöötirë Yëësu.

Abharuumi 10:11

Amaandeko Amahörëëru gharaghamba igha, “Kera ömöntö ono akumukumya, tarësökërribhwa hë.”

Abhaëfësö 1:4

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

Abhaëfësö 2:20

Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.

2 Timoteo 3:16

Amaandeko Amahörëëru ghonswe igho nku-Waryobha ghaarwa. Ku bhuyö amaandeko ghayö, ngaingʼarëëyë ukwëghya abhantö obhoheene, na okobhakaania okore bhatighe amangʼana amaghogho ghano bhakokora, okobhakaania hano bhasarri, na ököbhöörökya kera ëkëntö keno kingʼarëëyë Waryobha.

1 Peetero 2:4

Yëësu we reghena rihöru irya okohaghaashera. Reghena riyö, ndyo abhantö bhaangirë, kasi Waryobha akarishaaghora, kora ndeena ubhwera obhonene ku-Waryobha. Mbe, musuntarre Yëësu.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.

2 Peetero 1:20

Kasi ekenene ni-igha momanye igha, tebhooho öbhörööti mo-Maandeko Amahörëëru, bhono abharööti bhaarahööyë kya bhono abheene bhaatunanga.

2 Peetero 3:16

Mo-matashandighi aghaaye ghonswe igho, na-mangʼana ghayö akushumaashera. Ghaamo amangʼana aghandë mo-matashandighi aghaaye, n-këköngʼu okoghamanya. Abhantö bhano bhataana obhongʼaini na bhanyamukumo mötëntëëru, nkoghasisasisa bharë kya bhono bhakusisasisa Amaandeko aghandë Amahörëëru. Nkwisikya bharë abheene ko okokora amangʼana ghayö.