1 Peetero 2:24 - Imuuma Eehya

²⁴ Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 2:24 ပူးပေါင်းရင်းမြစ်များ

Mataayo 27:26

Mbe, Piraato akabhatashorra Bharaabha. Akaraghërrya abhasirikare abhaaye igha bheeghose Yëësu imishariti, bhamare bhamohaneke ko-mosarabha.

Mataayo 5:20

No-bhoheene nkobhatëëbhya igha, hano obhoheene ubhwënyu bhotaakere ubhwa Abhafarisaayo na abhëëghya abha amaraghërryö agha Mosa, temoobhe mo-Bhokama ubhwa Waryobha hë.

Mataayo 8:17

Ghayö ngaakörrwë, okore ehekerane engʼana eera ömörööti Isaaya yaaghambirë igha, “Yaaghëghirë amarööyë aghëëtö, akatuhwënia.”

Maariko 15:15

Piraato yaatunanga aishömi ko-bhantö bhayö, ku bhuyö akabhatashorra Bharaabha. Akaraghërrya abhasirikare abhaaye igha, bheeghose Yëësu imishariti, bhamare bhamohaneke ko-mosarabha, mbe, bhakamweghosa imishariti.

Ruuka 4:18

“Umwika uwa Omonene Waryobha, hamwë arë na öni. Anyahööyë ndaarekere abhatöbhu Amangʼana Amaiya. Antömirë ndaarekere abhabhohe igha, mbaraahaaterwe ukurwa mo-kebhohe, ntëëbhi na abhahukuru igha, mbaraamaahe, nhaane öbhötöönööni bhano bhakunyankibhwa.

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 19:1

Mbe, Piraato akaraghërrya abhasirikare abhaaye igha, bhagheghe Yëësu bhamoteme na imishariti.

Amangʼana agha Abhatomwa 10:35

Kasi nahanshirë abhantö abha heene, abha ibhyaro bhyonswe igho, bhano bhakumwighwera.

Amangʼana agha Abhatomwa 10:39

“Bhëëtö mbo abhaimërërri abha amangʼana ghayö ghonswe igho, ghano yaakörrë mu-kyaro ikya Abhayahudi, na Yërusarëëmu. Akaitwa, ko okohanekwa ko-mosarabha.

Amangʼana agha Abhatomwa 13:29

“Hano bhaamarrë okokora ghonswe igho ghano Yëësu yaandëkëëywë, bhakamwikya ukurwa ko-mosarabha, bhakamobheeka mo-mbeehera.

Amangʼana agha Abhatomwa 5:30

Bhëënyu mwaaitirë Yëësu, ko okomohaneka ko-mosarabha, kasi Waryobha uwa abhakörö abhëëtö, yaamuryökya.

Abharuumi 6:11

Bhëënyu bhonswe mwibhare igha, mwaakwa hamwë na Kiristo Yëësu, m-bahöru mörë ku-Waryobha, ku bhuyö ëbhëbhë tebheetore okobhabhaaha hë. Bhoono mwibhare igha, m-bahöru mörë, na öbhömënyi ubhwënyu, bhobhe bhono bhökötëghërya Waryobha ko-nshera iya okoghootana na Kiristo Yëësu.

Abharuumi 6:13

Motakaikërrya imyaho ighya ëmëbhërë ighyënyu ghekorenga amangʼana amaghogho agha ëbhëbhë. Kasi mwibhati ku-Waryobha, ko bhoora mobhaayë kya bhano muryökiibhwi na Waryobha, kora abhasöhëri mö-bhöhöru obhohya. Mobhati imyaho ighya ëmëbhërë ighyënyu ku-Waryobha, okore imyaho ighyënyu ghiyö, ghekorenga amangʼana agha heene.

Abharuumi 6:16

Kasi temomanyirë igha ömöntö nkobha arë omoghorwa uwa keera akwighwera? Aratora okobha omoghorwa uwa okokora ëbhëbhë, bhekamokorerra uruku. Handë aratora okobha ömöntö ono akwighwera Waryobha, ku bhuyö abha omoghorwa uwa Waryobha, uwa öbhömënyi ubhwa heene.

Abharuumi 6:2

A a, ti-igho hë! Ko bhoora bhëëtö bhoono igho n-kya abhaku ko-mangʼana agha okokora ëbhëbhë, ku bhuyö tetootore ghwiki ököghëndërrya okokora ëbhëbhë.

Abharuumi 6:22

Bhoono, mmoona ehoorohooro ko bhoora Waryobha abhahaayë öbhötöönööni, okore motakaabha abhaghorwa abha ëbhëbhë. Ku bhuyö bhëënyu mobhaayë abhaghorwa abha Waryobha. Mmoona ubhwera ubhwa okosaabhuurwa mobhe abhaköri abha emeremo abhaaye. Ehoorohooro iyaamo, nö-bhöhöru ubhwa amakora ghonswe igho.

Abharuumi 6:7

Hano ömöntö yaakwa kya igho, takomara ghwiki abhaahwe na obhotoro ubhwa öbhököri ubhwa ëbhëbhë hë.

Abharuumi 7:6

Twaarenga töghöötërrëëywë na maraghërryö. Kasi bhoono twaakwa hamwë na Yëësu Kiristo, ensonga iyaamo ni-igha, totashööywë ukurwa ko-maraghërryö. Bhoono tetokokorra Waryobha emeremo ko okohetera amaraghërryö agha kare ghaara, kasi nkomokorra törë emeremo ko-nshera eehya iya okotangwatwa na Umwika Ömöhörëëru.

1 Abhakörintö 15:3

Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.

2 Abhakörintö 6:17

Ku bhuyö Omonene Waryobha yaaghambirë igha, “Murwe mo-bhantö bhayö, mwitashe hare nabho. Motakaakunia ëkëntö ikinyanku, hayö bhoono ho ndaabhasërëëni.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

Abhaëfësö 5:9

Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhakorosaai 2:14

Waryobha akaruusya-ho amaandeko agha isiirë ghano ghaatushongeranga, akagharuusya-ho këmwë ko okoghatemerra ko-mosarabha.

Abhakorosaai 2:20

Mbe bhëënyu, ko bhoora igha mwaakwa hamwë na Kiristo, yaabhatungurya ukurwa mö-bhëhwë ebheghogho bheno bhekotonga ekebhara keno. Bhoono n-kwakë mokobha okanya igha, m-bantö abha ko-kebhara kono mökërë? N-kwakë mokoghoota amaraghërryö ghano ghakoghamba igha,

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

Abhaëbhuraania 10:10

Ko bhoora Yëësu Kiristo yaakoranga bhono Waryobha yaatunanga, ku bhuyö Waryobha nkotosaabhuura arë ëbhëbhë ibhyëtö okohetera ku kimwenso ikya ömöbhërë ughwa Yëësu Kiristo ghono yaairuusiri kamwë igho.

Abhaëbhuraania 10:5

Ku bhuyö ekaghera hano Yëësu Kiristo yaaishirë ko-kebhara kono, yaatëëbhëri Waryobha igha, “Tuwatunirë ibhimwenso ibhya situgho hë, handë esadaaka, kasi nö-möbhërë ughwane waasëëmëri.

Abhaëbhuraania 12:13

Moghendenga ko-senshera sëndöngë, okore ëkëntö eketengʼo, ketakaanyahaareka, kasi kihwënibhwinga.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

Yaakobho 5:16

Ku bhuyö, mohongorranenga ëbhëbhë ibhyënyu na okosabherana ku-Waryobha, okore muhwënibhwinga amarööyë aghëënyu. Okosabha ukwa ömöntö uwa heene, nkoona singuru sinsharu isya okokora amangʼana amarito.

1 Yohana 2:29

Mmomanyirë igha, Yëësu Kiristo n-wa heene. Ku bhuyö momanye igha, wowonswe igho ono akokora amangʼana agha heene, uyö we omoona uwa Waryobha.

1 Yohana 3:7

Bhoono abhaana abhaane abhaghonshe, motakaikërrya ömöntö wowonswe igho abhangʼaine. Ömöntö wowonswe ono akokora amangʼana agha obhoheene, uyö m-möntö uwa heene ku-Waryobha kya bhono Yëësu Kiristo arëngë uwa heene.

Okohonyora 22:2

Omooro ghuyö, gwaahetanga ghatëghatë iya omohanda omonene ughwa mu-mughi ghuyö. Ghwaare-ho ömötë ughwa öbhöhöru ghono ghwaatahatirë humbu na humbu. Ömötë ghuyö, ngwaamanga sehagho kera umwëri, ko-mooka mara ikömi na kabhërë. Amatö agha ömötë ghuyö n-dyogho ryaarë irya ukuhwënia Abhakyaro.