1 Peetero 2:20 - Imuuma Eehya

²⁰ Hano moraaghömërri inyaanyi eno mwingʼarëëyi, ko okoghera iya okokora amangʼana amaghogho, hayö tëmötëghëri Waryobha hë. Kasi hano moraaghömërri inyaanyi ko okoghera iya okokora amangʼana amaiya, hayö ho moraatëghëri Waryobha.

1 Peetero 2:20 ပူးပေါင်းရင်းမြစ်များ

Mataayo 26:67

Mbe, bhakasimya ukutwera Yëësu amate mu-bhusyö, bhakamotema sinkundi, abhandë bhakamotema amakööfi.

Mataayo 5:47

Ghwiki hano moraakëëringa bhahiiri abhëënyu abheene igho, ne-ngʼana kë inshiiya eno oraanyoore mökörrë okokera abhandë? Ko bhoora kora abhantö bhano bhatamanyirë Waryobha bhonswe, nkökëërya bharë bharikyabho.

Maariko 14:65

Mbe, abhandë bhakasimya ukumutwera amate, bhakamobhoha na eketambaara ko-maiso, bhakamotema sinkundi eno bharamöbhöörya igha, “Uwe Kiristo, rëngërrya, nawë akötëmirë?” Abharëndi bhano bhaarë hayö, bhonswe bhakamotema.

Ruuka 6:32

“Hano moraahanshe bhano bhabhahanshirë abheene igho, n-kë oraanyoore mökörrë? Kora abha ëbhëbhë bhonswe, nkohansha bharë bhano bhabhahanshirë.

1 Abhakörintö 4:11

Kora bhoono, ntoona umweko na inyonta, twaghoterwa singibho, toratemwa sinkundi, nkoghendaghenda törë igho, tetoona ahasë aha okomenya hë.

Abhagharatia 4:18

Engʼana inshiiya no-kobha na omotono ughwa okokora amangʼana amaiya. Mobhe na omotono ughwa okokora igho nkaagha syonswe igho, nokaanyoora öni ntaaho.

Abhaëfësö 5:10

Mokore omotono ughwa okomanya na okokora amangʼana ghano ghakushomera Omonene.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

1 Peetero 2:19

Möghömërri inyaanyi eno mukunyoora bhosa igho motasarri engʼana. Ghayö nkobhanyoora gharë, ko okoghera iya okosooka Waryobha. Hano moraakore igho, Waryobha naraabhangʼoore.

1 Peetero 3:14

Kasi hano moraanyankibhwi ko okoghera iya okokora amangʼana agha heene, Waryobha naraabhangʼoore. Ku bhuyö, motakaabha na entarëki handë okoobhoha bhano bhakobhanyankya. Mötööninga Yëësu Kiristo, uyö we Omonene uwa öbhöhöru ubhwënyu.

1 Peetero 3:17

Nyakara ömöntö unyankibhwi ko okoghera iya okokora amangʼana amaiya, hano oraanyoore Waryobha ni-igho akutuna, kasi otakaanyankibhwa ko okoghera iya okokora amangʼana amaghogho.