1 Peetero 2:12 - Imuuma Eehya

¹² Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 2:12 ပူးပေါင်းရင်းမြစ်များ

Mataayo 10:25

Bhëënyu abheegha abhaane ni-igha mobhe kya öni. Mwitengʼere igha abhantö mbarebhakorra obhoghogho kya bhono bhakonkorra obhoghogho. Öni m-motangati uwëënyu ndë, hano okomaaha bharamberekera igha n-Gosambwa ndë, na bhëënyu bhonswe mbarebharoka amariina amaghogho bhököngʼu.”

Mataayo 5:11

“Nyakara hano abhantö bhaabhatoka, bharabhateesa, na okobhaghamba amangʼana amaghogho amaaru agha obhorongo ko okoghera iya öni.

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 9:8

Hano rikomo irya abhantö ryaarööshë ghayö, rekaroghoora bhököngʼu kora rekoobhoha. Rekatöönia Waryobha ono yaahaayë abhantö ubhwera kya bhuyö.

Ruuka 1:68

“Akumibhwi Omonene uwëëtö, Waryobha uwa Abhaisiraëri, ko bhoora atotaarëëyë bhëëtö abhantö abhaaye, atutunguuyi.

Ruuka 19:44

Hayö ho bhëënyu murisikibhwa, hamwë na abhaana bhëënyu bhonswe igho. Tereeho reghena reno riritighara ku-ryëndë hë. Umughi ghono ngoretemorwa, ko bhoora enkaagha eno Waryobha yaaishirë okobhatöörya, temwamanyirë hë.”

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Yohana 13:31

Mbe, hano Yuuda yaarishökirë kebhara, Yëësu akatëëbhya abheegha abhaaye igha, “Bhoono ubhuhika ubhwane, öni Omoona uwa Ömöntö, haangʼë bhörë bhomaahwe harabhurabhu igho. Kora ubhuhika ubhwa Waryobha mboraamaahekane aharabhurabhu igho okohetera ko amangʼana aghaane.

Amangʼana agha Abhatomwa 15:14

Simeoni atötëëbhëri bhono Waryobha yaanyankera Abhakyaro bhayö. Akashaaghora-mo abhandë bhabhe abhantö abhaaye.

Amangʼana agha Abhatomwa 24:13

Ghwiki tebhaana obhoheene ko amangʼana ghano bhakunshongera hano.

Amangʼana agha Abhatomwa 25:7

Hano Pauro yaahikirë hayö, akanyoora Abhayahudi bhano bhaangʼaaraarrë ukurwa Yërusarëëmu, hayö bharë. Bhakeemerra bhamötöörrë ghatë. Abhayahudi bhayö bhakamushongera amangʼana amaaru amarito, ghano bhaatatörrë ukwörökya obhoheene ubhwako.

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Abharuumi 12:17

Hano abhantö bhaabhakorra obhoghogho, motakaahaka ikisiiyomba. Kasi mwitegherrenga bhuuya, okore mokorre abhantö amangʼana ghano ghakomaahekana ko-bhantö bhonswe igho igha m-maiya.

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

Abharuumi 14:18

Mbe, hano ömöntö akörëëyë igho Yëësu Kiristo, uyö nkötëghërya arë Waryobha, kora abhantö nkumwikërrya bharë.

Abharuumi 15:9

Ghwiki ni-igha, yaaishirë, okore Abhakyaro bhatööni Waryobha ko amaabhë aghaaye. N-kya bhono Amaandeko Amahörëëru ghakoghamba igha, “Mbe, nendaakötööni ko-Bhakyaro, nendaakörëëtëri amarëëtyö agha ökökötöönia uwe.”

1 Abhakörintö 14:25

Imbumbure iya mo-nkoro iyaaye, nkobha ërë harabhu. Bhoono hayö ho araaighwësi hansë bhubhuumaayë asaasaame Waryobha eno araghamba igha, “M-maheene Waryobha hamwë arë na bhëënyu!”

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 13:7

Nkosaasaama törë Waryobha motakaakora engʼana engogho yoyonswe eera, te-ko okoghera igha toratuna tomaahekane igha bhëëtö töhëkëëyë ekerengere kiyö. Kasi keno tukutuna, ni-igha bhëënyu mokore amangʼana amaiya, nokaanyoora bhëëtö tonga kya bhano twakerwa.

2 Abhakörintö 8:21

Keno tukutuna, tokokora bhuuya mbere iya Omonene aheene igho, kasi kora na ko-bhantö honswe.

Abhaëfësö 2:3

Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 4:8

Mbe, bhoono abhakumya bharikyëtö, amangʼana agha obhoheene, amangʼana ghano ghaingʼarëëyi okosookwa, amangʼana agha heene, amangʼana ghano ghataraaishooghana na obhoghogho, amangʼana ghano ghakushomera abhantö na amangʼana amaiya, amangʼana ghano ghaingʼarëëyi, na amangʼana ghano abhantö bhakukumya, ghayö ngo amangʼana agha ukwitegherra mo-metwe ighyënyu.

1 Abhatësarönikë 4:12

Hayö ho mörööröki eteemo inshiiya ko-bhantö bhano bhatarëngë Abhakiristo. Ghwiki temoobhe abhantö abha ukwesegha ëbhëntö ibhya abhandë hë.

1 Timoteo 2:2

Ndabhakangʼasërrya igha, mosabherenga abhakama na abhatangati bhonswe igho, okore tobhe na omorembe, tosooke Waryobha na okobha na eteemo inshiiya.

1 Timoteo 4:12

Ömöntö wowonswe oora atakaakosera igha m-mumura ökërë, kasi okore omotono ughwa okobha ëkërëngyö ko abhakumya, ko bhoghambi ubhwaho, eteemo iyaaho, righonshe iryaho, umukumo ughwaho, otakaabha na risoro.

1 Timoteo 5:10

Abhe uwa eteemo inshiiya, abhe igha, nö-möntö ono yöörökërryanga abhaana abhaaye eteemo inshiiya, yaasërëënianga abhaghëni, yaatighinkananga ukwisaabhya abhantö abha Waryobha amaghörö aghaabho. Umusinö uyö, abhe ono yaatöörryanga bhano bhaanyankibhwanga, ghwiki abhe ono yaakora amangʼana amaiya.

Abhaëbhuraania 13:18

Motosabherenga, ko bhoora nkukumya törë igha, ntoona amaitegherro amaiya, kora nkutuna törë tobhe abhantö abha heene ku kyokyonswe keera toraakore.

Abhaëbhuraania 13:5

Motakaabha na eteemo iya okohansha seehera, mwiswe na bheno moonabhyo, ko bhoora Waryobha umwene yaaghamba igha, “Tinkutighe hë, tinkusuuhe kora hake hë.”

Yaakobho 3:13

Mbe, nyoore aaho ömöntö mö-bhëënyu ono aana obhongʼaini, ono amanyirë amangʼana, ömöntö uyö ööröki abhantö okomanya ukwaye na obhongʼaini ubhwaye ko okokora amangʼana amaiya. Aihoote ubhwihöötu bhono bhukwörökya abhantö obhongʼaini bhono aanabho.

1 Peetero 2:15

Keno Waryobha akutuna ni-igha, mokore amangʼana amaiya, okore murimi amangʼana agha obhokangi ghano abhantö bhakoghamba.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

2 Peetero 3:11

Mbe, ko bhoora ëbhëntö bhyonswe igho ni-igho bhirisika, bhoono bhëënyu, n-teemo kë mokaabha nayo ko-kebhara kono? Ni-igha mobhe abhahörëëru, mosooke Waryobha.