1 Peetero 2:11 - Imuuma Eehya

¹¹ Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

1 Peetero 2:11 ပူးပေါင်းရင်းမြစ်များ

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Amangʼana agha Abhatomwa 15:20

Ku bhuyö tobhandekere ritashandighi tobhatëëbhi igha, bhatakaaryanga ibhyakorya bheno bhinyankuhiibhwi ku ukumwensera ëbhëtöndö, bhatakaakora obhosooraare, bhatakaarya ibhibhuuse, kora bhatakaarya handë ukunywa amaanyinga.

Amangʼana agha Abhatomwa 15:29

Motakaarya ibhyakorya bheno bhimwënsëywë ëbhëtöndö, handë ukunywa amaanyinga, motakaarya ibhibhuuse, na motakaakora obhosooraare. Hano muriharreke amangʼana ghayö, m-buuya moraanyoore mökörrë. Mbe, mutighare na omorembe.”

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

Abharuumi 7:23

Kasi nkomaaha ndë igha, imyaho ighya kö-möbhërë ughwane, ghyaabhaahwa na singuru isya esemoko iya öbhököri ubhwa ëbhëbhë eno ikwitana riihë na amaitegherro aghaane. Kiyö nkyo kekoghera ndabha omoghorwa uwa okokorra emeremo ëbhëbhë okohetera kö-möbhërë ughwane.

Abharuumi 8:13

Momanye igha, hano moraabhe abhantö bhano mokotangatwa na esemoko iya öbhököri ubhwa ëbhëbhë, hayö nu-ruku urwa amakora ghonswe igho mukwireetera. Kasi hano obhotoro ubhwa Umwika Ömöhörëëru, bhoraabhatöörri mwange okokora amangʼana ghano esemoko iya öbhököri ubhwa ëbhëbhë ikutuna igha mokore, moraabhe na öbhöhöru ubhwa amakora ghonswe igho.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 2:19

Mbe, ukurwa bhoono igho, bhëënyu tërëngë igha, m-baghëni mörë, handë igha abhangʼaanyëri abha ku-kyaro ikyëndë, kasi bhëënyu ni-komo imwë mörë na abhantö abha Waryobha. Bhoono bhëënyu na abhantö abha mu-nyumba iya Waryobha mörë.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

2 Timoteo 2:22

Wibhashe oronamba urwa ubhumura. Oghoote-ko amangʼana agha heene, obhe na umukumo, righonshe, na omorembe. Onaghi ghayö, hamwë na bhonswe igho bhano bhakosaasaama Omonene Waryobha kwa enkoro inshiiya.

Abhaëbhuraania 11:13

Abhantö bhayö bhonswe igho, mbaakuurë bharëngë ku-mukumo ughwabho. Tebhaanyöörrë amangʼana agha riraghano reera hë, kasi mbaagharööshë kwa hare, bhakashenga. Abhantö bhayö mbaaikërëëyi igha, m-baghëni bhahëti bhaarë, tebhaarë abhamënyi abha ko-kebhara kono hë.

Abhaëbhuraania 6:9

Kasi abhaghonshe abhëëtö, nokaanyoora igha nkoghamba törë kwa öbhöbhë, kasi ntoona obhoheene igha, moona amangʼana amaiya ghano mokokora, ghano ghakwörökya igha, mwatööribhwa.

Yaakobho 4:1

Momanyirë ubhutindi na riihë bheno bhërëngë mö-bhëënyu muyö hano bhikurwera? Nkurwera bhërë ko-ronamba urwa mo-nkoro iya ömöntö, rono rukwitana na amaitegherro agha ömöntö uyö.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

1 Peetero 4:12

Abhaghonshe abhaane, motakaaroghoora ko okoghera iya inyaanyi indito eno mukunyoora, iyö nu-mukumo ughwënyu ikushaashya. Motakaakanya igha engʼana iyö ekobhanyoora ne-ehya.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

2 Peetero 3:1

Abhaghonshe abhaane, ritashandighi reno nkobhandekera, ni-irya kabhërë. Naakora omotono ughwa okosesemora amaitegherro aghëënyu amaiya, mo-sehakëri isyënyu ko okobhahiitökya mo-matashandighi ghonswe igho abhërë ghayö.