1 Peetero 2:1 - Imuuma Eehya

¹ Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.

1 Peetero 2:1 ပူးပေါင်းရင်းမြစ်များ

Mataayo 15:7

Bhëënyu bhare bhaiköri! M-maheene bhoora Isaaya yaaröötirë igha,

Mataayo 23:28

Na bhëënyu bhonswe ni-igho mörë. Ko-bhantö moramaahekana igha, m-bantö abha heene mörë ku-Waryobha, kasi obhoheene ni-igha, mo-senkoro isyënyu, nu-bhwikörya ubhwenebhwene na öbhötëëyu mbo bhwishööyë-mo.

Mataayo 24:51

Ho bhoono omonene uwaaye uyö araamushibhi bhököngʼu, amare amotoore hamwë na abhaikörya. Iyö yo abhantö bhakukuura na okokaaraatya amaino.”

Mataayo 7:5

Uwe örë mwiköri, ruusya tangata oromambo mu-riiso iryaho, ho oraatore okomaaha bhuuya kya bhono oraaruusi ekesaara keno kërëngë mu-riiso irya murikyaho.

Maariko 12:15

Kasi Yëësu akangʼura ubhwihunaania ubhwabho bhuyö, akabhahonshora igha, “N-kwakë mukutuna igha mongashani? Munyöröki hano ritöngörö riyö ndemaahe.”

Ruuka 11:44

Haahö bhëënyu bhano mokobha kya sembeehera, seno setaana ekemanyërryö igha ne-mbeehera seehano, kora abhantö nkosetasha bharë bhatamanyirë.”

Ruuka 12:1

Enkaagha iyö, abhantö ëbhëkwë na ëbhëkwë, mbaaikomanianga, kora abhantö bhakatashana. Yëësu akasimya ukushumaasha na abheegha abhaaye, akabhatëëbhya igha, “Mwiyangarre na ehamiira iya Abhafarisaayo, kuyö kwo okoghamba igha, ubhwiköri ubhwabho. Bhuyö, nkoromaana bhörë kya ehamiira eno ikubhimbya obhose ubhwa engano.

Ruuka 6:42

Iyakë oraakore ötëëbhi murikyaho igha, ‘Tigha nkuruusi ekesaara mu-riiso iryaho,’ na eno mbe uwe noona oromambo mu-riiso iryaho? Ore mwikörya, ruusya tangata oromambo mu-riiso iryaho, ho bhoono oraatore okomaaha bhuuya, kya bhono oraaruusi ekesaara keno kërëngë mu-riiso irya murikyaho.

Yohana 1:47

Hano Yëësu yaarööshë Natanaëri araasha, akaghamba igha, “Momaahe Umwisiraëri ekenaina, ono ataana obhoghashaghasha.”

Abharuumi 1:29

M-baköri abha ëbhëbhë ibhya seteemo syonswe igho, obhoghogho bhwobhwonswe igho, kora m-bahiti abha ëbhëntö bhyonswe igho, mbaana orongʼeera. Bhahanshirë riihë, m-baiti abha abhantö, m-basëëghërrya, m-barongo, m-ba amaitegherro maghogho, m-baghambi abha abhantö.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 5:8

Mbe, totakaakora inyangi iya Epasaka na eno ehamiira iya kare eemo, ensonga yaamo ni-igha, obhoghogho na ëbhëbhë. Kasi tobhenga torakora inyangi ko emekaate gheno ghetakotoorwa-mo ehamiira, ghayö, n-senkoro sendabhu bheena obhoheene.

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

Abhaëfësö 4:31

Muruusi mo-senkoro isyënyu öbhörrö bhwonswe igho, okoregha, okorerra, riihë, amatöki, na obhoghogho bhwonswe igho.

1 Abhatësarönikë 2:3

Amangʼana ghano tokobhakangʼasërrya, ta-agha okobhasirya ëkëkööri, handë okobharaarekera ko obhoghogho, handë okobhangʼaina.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

Tiito 2:3

Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,

Abhaëbhuraania 12:1

Mbe, ko bhoora rikomo rinene riyö irya abhaimërërri nditwinaarrë igho, turuusi-ho kera engʼana eno ekotorebherra, na ëkëbhë keno kikwangoha ukutwitanga. Tokenye kö ököghömërrya mu-rikenya reno Waryobha yaatotoorra-ho.

Yaakobho 1:21

Ku bhuyö mwibhashe amangʼana agha ubhunyanku, mohaatere amangʼana amaghogho ghano moonagho. Mwihoote kora mwikërri amangʼana amaiya ghano Waryobha yaatoora mo-senkoro isyënyu, ghayö ngo ghakotora okobhatöörya.

Yaakobho 3:14

Kasi hano oraanyoore igha moona orongʼeera, öbhörrö na ekeroterro mo-senkoro isyënyu, na eno moraikumya igha m-bangʼaini mörë, bhuyö m-borongo.

Yaakobho 4:11

Abhakumya bharikyane, motakaashërëngyanga amangʼana agha bharikyënyu. Ko bhoora ömöntö wowonswe ono akushërëngya amangʼana agha murikyaye, handë okomobhotorra ikiina, uyö nkunyoora arë asërrë amaraghërryö agha Waryobha. Hano oraasere amaraghërryö, uwe tokoghasooka hë, kasi nkunyoora örë wikörrë umwahokania uwa amaraghërryö.

Yaakobho 4:5

Kasi nkokanya mörë igha, Amaandeko Amahörëëru m-bosa ghakoghamba igha, Umwika ono Waryobha yaatohaana araighwa öbhörrö bhököngʼu?

Yaakobho 5:9

Abhakumya bharikyane, motakaatemananga amasoro motakaasha okobhotorwa ikiina. Motamaaha! Umwahokania ono arebhotorra abhantö bhonswe igho ibhiina ibhyabho, haangʼë arë akyore.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.

1 Peetero 2:22

Tiyaakörrë ëkëbhë kyokyonswe igho, handë okoghamba obhorongo bhwobhwonswe bhoora hë.

1 Peetero 3:10

N-kya bhono Amaandeko Amahörëëru ghakoghamba igha, “Hano ömöntö araatune igha amenye bhuuya na ashomerwe, atakaangʼaina abhantö na okobhaghamba bhoghogho.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

1 Peetero 4:4

Bhoono abhantö bhano bhatamanyirë Waryobha, nkoroghoora bharë, hano bhamaaha igha, temokosanga nabho ghwiki okokora amangʼana amaghogho ghaara, ku bhuyö, nkobhatoka bharë.

Okohonyora 14:5

Tebhakaaghambirë obhorongo hë, kora tebhaarë na risoro ryoryonswe igho hë.