1 Peetero 1:8 - Imuuma Eehya

⁸ Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

1 Peetero 1:8 ပူးပေါင်းရင်းမြစ်များ

Mataayo 10:37

Ömöntö wowonswe ono araahanshe suwaabho, handë nyakuwaabho konkera, uyö taingʼarëëyë okobha umwegha uwaane hë. Ömöntö wowonswe ono araahanshe mura uwaaye, handë mohara uwaaye konkera öni, uyö taingʼarëëyë okobha umwegha uwaane hë.

Yohana 14:15

“Hano moraanhanshe, moraaghoote imighiro ighyane.

Yohana 14:21

Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:24

Ömöntö ono atanhanshirë, uyö taghoote amangʼana aghaane hë. Amangʼana aghaane ghano nkoraghërrya ta-ghaane hë, kasi na-agha Taata ono yaantoma kö-bhëënyu.

Yohana 16:22

Ni-ighoigho kora na bhëënyu bhonswe mobhaabhayëëyë, kasi nendaashe mmaahane ghwiki na bhëënyu, mushomerwe mo-senkoro isyënyu. Taaho ömöntö araabharuusiri-ho ukushomerwa ukwënyu kuyö.

Yohana 20:29

Yëësu akamohonshora igha, “Uwe ko bhono öndööshë bhoono ukumiri. Nyakara bhaara bhakukumya igho bhatandööshë.”

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Amangʼana agha Abhatomwa 16:34

Hano yaamarrë, akabhahira waaye, akabhasërëënia. Akashomerwa bhököngʼu hamwë na abhantö abhaaye bhonswe igho, ko bhoora bhaakumiri Waryobha.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

2 Abhakörintö 12:4

yöönyööywë, akahika Paradiso. Hano yaarë Paradiso iyö, akaighwa amangʼana ghano ömöntö ataatore okoghamba, amangʼana ghano ömöntö atakutunwa igha aghaghambe.

2 Abhakörintö 4:18

Ku bhuyö, totakaamaaherra ëbhëntö bheno bhekomaahekana ko-maiso, kasi tomaaherre bheno bhetakomaahekana. Bheno bhekomaahekana, m-bya ibhagha ike igho, kasi bheno bhetakomaahekana, m-bya amakora ghonswe igho.

2 Abhakörintö 5:7

Okomenya ukwëtö ko-kebhara kono, te-ko okoghera iya okomaaha amangʼana na amaiso, kasi n-ku ukwitengʼera Waryobha.

2 Abhakörintö 9:15

Waryobha akumibhwi ko okoghera iya ituho iyaaye eno ëhëtërëëyë bhyonswe igho.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 3:19

Nkosabha ndë igha, momanye righonshe iryaye riyö rekokera obhotoro ubhwa okomanya ukwa ömöntö. Nkosaasaama ndë igha, Waryobha abhahaane na abhaishöri bhököngʼu eteemo iyaaye.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhafiripi 1:25

Ko bhoora neena obhoheene ubhwa engʼana iyö, nemanyirë igha nendaaghëndërri okobha ko-kebhara kono. Ghwiki nendaabhe hamwë na bhëënyu bhonswe igho, okore mbatöörri mukiine ku-mukumo ughwënyu na mushomerwe.

Abhafiripi 3:3

Bhëëtö ko bhoheene m-bëëtö abhantö abha Waryobha ko bhoora Umwika Ömöhörëëru nkötötöörrya arë okosengerra Waryobha. Kiristo Yëësu we tukwikumirya na ukwesegha. Titukwesegha amangʼana aghëëtö agha kinyamöbhërë igha ngo ghakotohaana öbhötöörya,

Abhafiripi 4:4

Mushomerwenga nkaagha syonswe igho, ko bhoora bhëënyu na-abha Omonene Yëësu mörë. Ghwiki ndakyorra okoghamba igha, mushomerwenga!

Abhaëbhuraania 11:1

Mbe, umukumo, no-kobha na obhoheene ubhwa amangʼana ghano ukwitengʼera, na no-komanya amangʼana ghano ghatakomaahwa ko bhoono igho.

Abhaëbhuraania 11:27

Umukumo, ghwaaghërrë Mosa akarwa Miisiri, tiyööbhöhirë okorerra ukwa omokama. Yaaghömërrëëyi, ko bhoora yaabhaayë kya ono akomaaha ono atakomaahwa na amaiso agha kinyamöbhërë.

1 Peetero 1:6

Mbe, mushomerwe bhököngʼu ko okoghera iya amangʼana ghayö, nokaanyoora bhoono igho, ni-igha mohetere mo-mashaashyo amaaru, ghano gharaaghere mobhaabhayere ku-ribhagha riike reno.

1 Peetero 2:7

Yëësu Kiristo naana ubhwera obhonene kö-bhëënyu bhano mukumukumya. Kasi, ko bhano bhatakumukumya, Amaandeko Amahörëëru gharaghamba igha, “Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.”

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.