1 Peetero 1:6 - Imuuma Eehya

⁶ Mbe, mushomerwe bhököngʼu ko okoghera iya amangʼana ghayö, nokaanyoora bhoono igho, ni-igha mohetere mo-mashaashyo amaaru, ghano gharaaghere mobhaabhayere ku-ribhagha riike reno.

1 Peetero 1:6 ပူးပေါင်းရင်းမြစ်များ

Mataayo 11:28

“Muushe ku-öni bhëënyu bhonswe igho bhano mukunyankibhwa na ukuritoherwa na imirigho imirito, mbamuunyi.

Mataayo 26:37

Akahinana na Peetero na abhamura abhabhërë bhaara abha Zebhedaayo. Akabhaabhayera, akanyanka bhököngʼu mo-nkoro iyaaye.

Mataayo 5:12

Momanye igha ni-igho bhaateesanga abharööti abha kare. Ku bhuyö mushomerwenga bhököngʼu, ko bhoora Waryobha yaabhatoorra-ho ituho enene mu-ryobha iyö.”

Ruuka 1:47

kora nkushomerwa ërë na Waryobha, Ömötöörya uwaane.

Ruuka 10:20

“Motakashomerwa ko bhono mukwata amasambwa. Kasi mushomerwe igha, amariina aghëënyu ghaandekwa mu-ryobha.”

Ruuka 2:10

Kasi maraika uyö akabhatëëbhya igha, “Motakoobhoha, mbarëëtëëyë engʼana inshiiya, eno irishomera bhököngʼu abhantö bhonswe igho.

Yohana 16:22

Ni-ighoigho kora na bhëënyu bhonswe mobhaabhayëëyë, kasi nendaashe mmaahane ghwiki na bhëënyu, mushomerwe mo-senkoro isyënyu. Taaho ömöntö araabharuusiri-ho ukushomerwa ukwënyu kuyö.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Abharuumi 12:12

Amangʼana amaiya ghaara Waryobha yaabharaghaini igha arebhakorra, ghakore mushomerwenga. Möghömërri hano mwanyoora inyanko, kora möghëndërringa okosaasaama Waryobha.

Abharuumi 5:11

Te-ngʼana iyö iyeene igho hë, kasi Waryobha atökörrë tushomerwe bhököngʼu, ko bhoora Omonene uwëëtö Yëësu Kiristo, yaakora twaighwerrana na Waryobha.

Abharuumi 5:2

Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

Abharuumi 9:2

Nkwighwa ndë öbhörrö bhököngʼu, na ukunyahaareka kono kotakohwa röndë mo-nkoro iyaane,

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhafiripi 2:26

Mmohaayë umweya aashe kobhamaaha, ko bhoora nkwighomba arë amaahane na bhëënyu bhonswe igho. Kora ghwiki enkoro iyaaye eraighwa bhoghogho ko bhoora mwaaighwa igha m-mörööyë yaarë kobhanga.

Abhafiripi 3:3

Bhëëtö ko bhoheene m-bëëtö abhantö abha Waryobha ko bhoora Umwika Ömöhörëëru nkötötöörrya arë okosengerra Waryobha. Kiristo Yëësu we tukwikumirya na ukwesegha. Titukwesegha amangʼana aghëëtö agha kinyamöbhërë igha ngo ghakotohaana öbhötöörya,

Abhafiripi 4:4

Mushomerwenga nkaagha syonswe igho, ko bhoora bhëënyu na-abha Omonene Yëësu mörë. Ghwiki ndakyorra okoghamba igha, mushomerwenga!

1 Abhatësarönikë 1:6

Nokaanyoora mwaatëësirwë bhököngʼu ku ikibhuno ikya umukumo ughwënyu, kasi mwaaikërëëyi engʼana iyö ku ukushomerwa kono kukurwera ku-Mwika Ömöhörëëru. Nkö-bhëëtö na ko-Monene Yëësu nko mwëëghëëyë ököghömërrya ghayö.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,

Yaakobho 1:9

Abhakumya abhatöbhu bhano bhakoserwa, bhashomerwenga ko bhoora Waryobha narebhahönönökya.

Yaakobho 4:9

Mwighwe öbhörrö, mukuure, mosenkemerre. Okoseka ukwënyu, kusyöribhwi kobhe ikikuuro, na ukushomerwa ukwënyu, kobhe okobhaabhayera ukwënyu.

1 Peetero 3:17

Nyakara ömöntö unyankibhwi ko okoghera iya okokora amangʼana amaiya, hano oraanyoore Waryobha ni-igho akutuna, kasi otakaanyankibhwa ko okoghera iya okokora amangʼana amaghogho.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.