1 Peetero 1:22 - Imuuma Eehya

²² Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

1 Peetero 1:22 ပူးပေါင်းရင်းမြစ်များ

Yohana 15:17

Mbe, nkobharaghërrya ndë igha, mohanshanenga.”

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 17:17

Obhakore bhabhe abhahörëëru ko obhoheene ubhwaho. Öbhëëghi engʼana iyaaho, ko bhoora engʼana iyaaho yo obhoheene.

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

Amangʼana agha Abhatomwa 6:7

Engʼana iya Waryobha, ekaghëndërrya okoromaana mo-bhantö. Ekerengere ikya abheegha abha Yëësu, kekaaruha bhököngʼu Yërusarëëmu hayö. Kora abhasëngëri abhaaru bhakaighwera Waryobha, na ukwikërrya Omonene Yëësu.

Abharuumi 1:5

Waryobha yaangʼaayë örööbhö mbe omotomwa, okohetera ku-uyö. Yaakörrë igho, okore ntëëbhi Abhakyaro bhonswe igho, bhakumi Yëësu, kora bhatööni iriina iryaye.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.

Abharuumi 8:13

Momanye igha, hano moraabhe abhantö bhano mokotangatwa na esemoko iya öbhököri ubhwa ëbhëbhë, hayö nu-ruku urwa amakora ghonswe igho mukwireetera. Kasi hano obhotoro ubhwa Umwika Ömöhörëëru, bhoraabhatöörri mwange okokora amangʼana ghano esemoko iya öbhököri ubhwa ëbhëbhë ikutuna igha mokore, moraabhe na öbhöhöru ubhwa amakora ghonswe igho.

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhagharatia 5:5

Kasi bhëëtö, keno tukwitengʼera ni-igha, Waryobha naraatobhare igha m-ba heene törë, ko bhoora tukukumya Kiristo. Kiyö nkyo tokoghanya ko obhotoro ubhwa Umwika Ömöhörëëru.

Abhagharatia 5:7

Ekembere mwaakoranga bhuuya! Bhoono nawë abharëbhërrëëyë igha motakaaghoota amëëghyö agha obhoheene?

Abhaëfësö 4:3

Mokore omotono ughwa ököghëndërrya okobha na öbhömwë bhono Umwika Ömöhörëëru uwa Waryobha akohaana abhantö, bhaikarana bhuuya ko omorembe.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

1 Abhatësarönikë 3:12

Omonene abhëngëri na ököbhëngërërrya righonshe irya okohanshana bhëënyu abheene ko abheene na okohansha abhandë bhonswe igho, kya bhono toona righonshe rinene kö-bhëënyu.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Timoteo 1:3

Hano naatanööyë ukurwa Ëfësö hayö nkaghya mo-mokowa ughwa Makedonia, naakosaasaamirë igha wikare hayö, okore okaani abhantö bhatighe ukwëghya amëëghyö agha obhorongo.

1 Timoteo 1:5

Ensonga iya amaraghërryö ghano ni-igha, abhakumya bhahanshane, kwa nkoro nshiiya, amaitegherro amaiya na umukumo ughwa heene.

1 Timoteo 4:12

Ömöntö wowonswe oora atakaakosera igha m-mumura ökërë, kasi okore omotono ughwa okobha ëkërëngyö ko abhakumya, ko bhoghambi ubhwaho, eteemo iyaaho, righonshe iryaho, umukumo ughwaho, otakaabha na risoro.

1 Timoteo 5:2

Abhakungu, obharaghërri kya hano waraghërrya bhanyakuwëënyu, na abhaisëkë, kya bhono okoraghërrya abhaisëkë abhëënyu. Ughinga orakora engʼana iyö kwa enkoro inshiiya.

2 Timoteo 1:14

Amangʼana amaiya ghano waatëëbhibhwa, ogharende ku singuru isya Umwika Ömöhörëëru ono arëngë mö-bhëëtö.

Abhaëbhuraania 11:8

Umukumo, ghwaaghërrë Ibhurahimu akaighwera Waryobha, enkaagha eno yaamöbhërëkëëyë, akamötëëbhya igha, aghende ahasë hano araahaanwe habhe umwandö ughwaye. Akeemoka, akatanora ukughya ahasë hano atamanyirë.

Abhaëbhuraania 13:1

Möghëndërri okohanshana kya bhono ikutunwa ko abhakumya.

Abhaëbhuraania 5:9

Mbe, ko okoghera iya ghayö, Waryobha akamokora aingʼarre okobha esemoko iya öbhötöörya ubhwa amakora ghonswe igho ko bhonswe igho bhano bhakwighwera Ömötöörya uyö.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

Yaakobho 1:21

Ku bhuyö mwibhashe amangʼana agha ubhunyanku, mohaatere amangʼana amaghogho ghano moonagho. Mwihoote kora mwikërri amangʼana amaiya ghano Waryobha yaatoora mo-senkoro isyënyu, ghayö ngo ghakotora okobhatöörya.

Yaakobho 4:8

Musuntarrenga Waryobha, ho wonswe araabhasuntarre. Bhëënyu abha ëbhëbhë, mutighe ëbhëbhë ibhyënyu, mokore amangʼana amaiya, bhëënyu bhano motashirë eno na eno, momosoorane ko senkoro isyënyu syonswe igho.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 2:17

Mosooke abhantö bhonswe igho, na mohanshe abhakumya bharikyënyu. Mwighwere Waryobha, na mosooke omokama uwëënyu.

1 Peetero 3:1

Na bhëënyu abhakari bhonswe, ni-igha mwighwere bhashaasha abhëënyu, okore nyoore bhaaho abhashaasha bhano bhatakosoorana amëëghyö agha Waryobha, bharutwe na eteemo iyëënyu inshiiya. Ku bhuyö bharatora ukukumya Waryobha bhatatëëbhiibhwi engʼana.

1 Peetero 3:20

Senkoro siyö ni-isya abhantö bhano bhataighwërëëyë Waryobha, enkaagha eno Nuhu yaahaghaashanga esafina. Waryobha yaaghömërrëëyi obhoghogho ubhwabho okohekera hano esafina yaahaghaashirwë, kasi bhano bhahönirë ku-muhiko ughwa ëhöörö iyö, m-bake igho bhaarë, abhantö monaane abheene igho.

1 Peetero 3:8

Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.

1 Peetero 4:17

Momanye igha, enkaagha iya okobhotora ibhiina ihikirë, na Waryobha naraasimi okobhotorra ibhiina abhantö abhaaye. Mbe, hano okobhotora ibhiina koraasimiri kö-bhëëtö abhantö abhaaye, bhoono iyakë erebha ko bhano bhakwanga Amangʼana Amaiya agha Waryobha?

1 Peetero 4:8

Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

2 Peetero 1:7

Okosooka Waryobha kuyö kwëngëribhwi-ko righonshe irya okohanshana bhëënyu abheene ko abheene, okohanshana kuyö, kwëngëribhwi-ko na righonshe irya okohansha abhantö bhonswe igho.

1 Yohana 3:11

Ukurwa hano mwaasimiri ukukumya Yëësu Kiristo, mwaaighuurë engʼana eno igha, Abhakiristo ni-igha tohanshane.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.

1 Yohana 4:12

Taaho ömöntö ono yaakarööshë Waryobha hë. Kasi hano toraahanshane, Waryobha nkobha arë na öbhömwë na bhëëtö, na righonshe iryaye, nkohekerana rërë mö-bhëëtö.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

1 Yohana 4:7

Abhaghonshe abhaane, tohanshane, ko bhoora righonshe nku-Waryobha rikurwa. Ömöntö wowonswe ono akohansha bharikyaye, uyö nkobha arë omoona uwa Waryobha, kora namanyirë Waryobha.

Okohonyora 2:4

Kasi moona engʼana eno ikunnyankya. Ni-igha, mwatigha righonshe iryënyu reno mwaarë naryo ekembere.