1 Peetero 1:12 - Imuuma Eehya

¹² Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Peetero 1:12 ပူးပေါင်းရင်းမြစ်များ

Mataayo 11:25

Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Maariko 16:15

Akabhatëëbhya igha, “Moghende ko-kebhara kyonswe igho, moraarekere abhantö bhonswe igho Amangʼana Amaiya.

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Ruuka 2:26

Okanyoora Umwika Ömöhörëëru amötëëbhëri igha, tarikwa igho atarööshë Kiristo uwa Omonene Waryobha.

Ruuka 9:6

Ho bhoono abheegha bhayö bhaatanööyë, bhakaheta mu-bhishishi bhararaarekera abhantö Amangʼana Amaiya agha Obhokama ubhwa Waryobha, na ukuhwënia abharööyë kera ahasë.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Amangʼana agha Abhatomwa 10:44

Enkaagha eno waanyöörrë Peetero akeeghamba ghayö, Umwika Ömöhörëëru akabhaitoomera bhonswe igho bhayö bhaamwitegherranga.

Amangʼana agha Abhatomwa 16:10

Ko okoghera iya amamaaho agha Pauro ghayö, tokasëëmya bhöngöbhöngö oroghendo urwa ukughya Makedonia. Ntwaaghëëyë iyö, ko bhoora twaarööshë igha, Waryobha we atöbhërëkëëyë kughya-yo, okore tobharaarekere Amangʼana Amaiya.

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Amangʼana agha Abhatomwa 4:31

Hano bhaamarrë okosaasaama Waryobha, inyumba eno bhaarenga bhaikomaini-mo, ekasingisa. Bhakaishöribhwa Umwika Ömöhörëëru bhonswe igho, bhakaghëndërrya ukwëghya abhantö engʼana iya Waryobha ko bhokarë.

Amangʼana agha Abhatomwa 4:8

Ho Peetero aishöribhwi Umwika Ömöhörëëru, akabhatëëbhya igha, “Abhanene, abhatangati, na abhaghaaka abha Ikiyahudi bhano moohano!

Amangʼana agha Abhatomwa 8:25

Hano Peetero na Yohana bhaamarrë ukwimererra Omonene Yëësu, na ukwëghya abhantö abha mu-mughi muyö amangʼana aghaaye, bhakakyora Yërusarëëmu. Mbaaraarekeranga abhantö Amangʼana Amaiya ghayö, mu-bhishishi ibhyaru ibhya Abhasamaaria, bheno bhaaheteranga-mo ko-roghendo urwabho urwa ukukyora Yërusarëëmu.

Abharuumi 1:15

Kiyö nkyo kekoghera ndatuna bhököngʼu igha, niishe ndaareke Amangʼana Amaiya kö-bhëënyu bhano mörëngë Ruumi hayö.

Abharuumi 1:17

Amangʼana Amaiya ghayö, nkwörökya gharë bhuuya kya bhono Waryobha akobhara abhantö igha m-ba heene. Nkobhara arë abhantö igha m-ba heene, ko okohetera umukumo ughwabho ughwene igho. N-kya bhono Amaandeko Amahörëëru ghakoghamba igha, “Ömöntö uwa heene, naremenyanga mu-mukumo ughwaye ghono aanagho.”

Abharuumi 10:15

Ghwiki iyakë abhantö bharaaghi okoraareka engʼana iyö igho bhatatömirwë? N-kya bhono Amaandeko Amahörëëru ghakoghamba igha, “Hano omoraarëki uwa Amangʼana Amaiya agha Waryobha ahikirë, abhantö nkushomerwa bharë!”

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

1 Abhakörintö 2:10

Kasi bhëëtö, Waryobha yaatorahorra amangʼana ghayö okohetera ku-Mwika Ömöhörëëru. Ko bhoora Umwika Ömöhörëëru nkwitaaha arë ghonswe igho, kora ibhibhisirë ibhya Waryobha.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhagharatia 1:12

Ko bhoora taaho ömöntö ono yaaghangʼaayë hë, kora të-möntö wowonswe igho yaanyörökërrëëyi hë. Kasi Yëësu Kiristo umwene we yaanhönyörrëëyë.

Abhagharatia 1:16

anhonyorre amangʼana agha Omoona uwaaye kya bhono arë. Yaakörrë igho, okore ndaareke Amangʼana Amaiya agha Yëësu Kiristo ko-Bhakyaro. Tenatunirë abhantö abha okondaghërrya keno nkaakörrë.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhaëbhuraania 11:13

Abhantö bhayö bhonswe igho, mbaakuurë bharëngë ku-mukumo ughwabho. Tebhaanyöörrë amangʼana agha riraghano reera hë, kasi mbaagharööshë kwa hare, bhakashenga. Abhantö bhayö mbaaikërëëyi igha, m-baghëni bhahëti bhaarë, tebhaarë abhamënyi abha ko-kebhara kono hë.

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.

Abhaëbhuraania 4:2

Momanye igha kora bhëëtö bhonswe ntwaraarekerwa amangʼana amaiya kya bhaaghuuka. Kasi amangʼana ghaara bho bhaaraarëkëëywë, teghabhaayë na ubhwera hë, ko bhoora tebhaghakumiri hë.

1 Peetero 1:25

kasi engʼana iya Omonene, neraaghëndërri okobha-ho amakora ghonswe igho.” Engʼana iyö, yo Amangʼana Amaiya ghano mwaaraarekerwa.

1 Peetero 4:6

Kiyö nkyo ikibhuno keno kyaaghërrë abhantö bhano bhaakuurë, bhakaraarekerwa Amangʼana Amaiya. Mbaaraarëkëëywë, okore nokaanyoora igha bhaabhotorrwa ibhiina kö-bhömënyi ubhwabho kya abhandë, kasi ko obhotoro ubhwa Umwika Ömöhörëëru, bhabhe abhahöru kya bhono Waryobha arëngë möhöru.

Okohonyora 5:11

Mbe, nkaighwa na nkamaaha abhamaraika abhaaru, ëbhëkwë na ëbhëkwë, kora tootore okobhabhara hë. Abhamaraika bhayö bhaarenga bhainaarrë ikitumbë ikya ekekama keera, ëbhëntö ibhine bheno bhekoheeshera bheera na abhaghaaka bhaara.