1 Abhatësarönikë 5:9 - Imuuma Eehya

⁹ Waryobha tiyaatushaaghööyë, okore atusiki ku ukutushibhya hë. Kasi yaatushaaghööyë, okore töhönibhwi okohetera ko-Monene uwëëtö Yëësu Kiristo.

1 Abhatësarönikë 5:9 ပူးပေါင်းရင်းမြစ်များ

Mataayo 26:24

Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Amangʼana agha Abhatomwa 1:20

Peetero akaghëndërrya okoghamba igha, “Ghayö ngaandëkirwë mo-ketabho ikya Zabhuri igha, ‘Ikihiita ikyaye, nkeraabhe na ekesoma, kebhorwe ömöntö uwa okomenya-mo.’ “Ghwiki ahandë haandëkirë igha, ‘Emeremo ighyaye ighya obhotangati, nu-wöndë araahaanwe.’

Amangʼana agha Abhatomwa 1:25

Ömöntö uyö oraashaaghore, omokore abhe hamwë na bhëëtö, ko-meremo ighya obhotomwa bhono Yuuda yaatigha akakwa, akaghya ahasë hano hamwingʼarëëyë.”

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Abharuumi 11:30

Bhëënyu kare temwaighweranga Waryobha hë, kasi bhoono Waryobha akabha na amaabhë kö-bhëënyu, ko bhoora Abhaisiraëri bhaangirë ukumwighwera.

Abharuumi 11:7

Ku bhuyö amangʼana ngarëngë igha, Abhaisiraëri bhaatunirë enshera iya okobharwa igha m-ba heene, kasi tebhaghinyöörrë hë. Bhano bhaanyöörrë enshera iya okobharwa igha m-ba heene, m-baara Waryobha yaahööyë abheene igho. Abhandë bhonswe igho bhano bhaatighaayë, akabhakora bhabhe na emetwe ëmëköngʼu.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

1 Abhatësarönikë 3:3

Ntwaakörrë igho, okore ömöntö wowonswe atakaakwa omotwe ku ikibhuno ikya inyaanyi eno mukunyoora. Bhëënyu mmomanyirë igha, ni-igha tohetere mu-nyaanyi muyö.

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

1 Timoteo 1:16

Kasi Yëësu Kiristo yaanyabhëëyë! Yaanyöörökëri ököghömërrya ukwaye kya bhono körë ku-öni uwa ëbhëbhë okokera bhonswe igho. Yaakörrë igho, okore mbe ëkërëngyö ko-bhantö bhano bharaamukumi na ukunyoora öbhöhöru ubhwa amakora ghonswe igho.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

1 Peetero 2:10

Kare hayö, te-bhantö abha Waryobha mwaarë hë, kasi bhoono, m-bantö abhaaye mörë. Kora temwabherwanga na Waryobha hë, kasi bhoono, abhabhëëyë.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.

Yuuda 1:4

Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.