1 Abhatësarönikë 5:6 - Imuuma Eehya

⁶ Bhoono totakaaraara sentero kya abhandë, tobhe maiso, na ukwirebherra.

1 Abhatësarönikë 5:6 ပူးပေါင်းရင်းမြစ်များ

Mataayo 13:25

Kasi umubhisa akaasha ubhutikö bharaayë, akëëmya ëntöki mö-möghöndö muyö bhaarenga bhëëmëri engano. Hano umubhisa uyö yaamarrë ukwëmya-mo ëntöki, akarwa-mo.

Mataayo 24:42

Ku bhuyö mwiyangarre, ko bhoora motamanyirë urusikö urwa ukukyora ukwane öni Omonene uwëënyu.

Mataayo 25:13

Yëësu akaghëndërrya ökötëëbhya abheegha abhaaye igha, “Mbe, ku bhuyö ni-igha mwiyangarre, ko bhoora motamanyirë urusikö, handë enkaagha iya ukukyora ukwane öni Omoona uwa Ömöntö.”

Mataayo 25:5

Hano ömötëti yaatëghëtirë, abhahara bhaara bhonswe igho bhakasundaghera, ekahekera-ho bhakaraara, bhakaihiribhwa.

Mataayo 26:38

Ho yaamarrë, akabhatëëbhya igha, “Enkoro iyaane ebhaabhayëëyë bhököngʼu, kya hano nkaakwa. Mwikare hano, mwiraarerre hamwë na öni.”

Maariko 13:37

Engʼana eno nkobhatëëbhya hano, m-bonswe igho nkötëëbhya igha, mwiyangarre.”

Ruuka 12:37

Nyakara abhaghorwa bhano omonene uwaabho, araanyoore bharamoghanya. No-bhoheene nkobhatëëbhya igha, naraaisëëmi okobhatighinkanera, abhasërëëni ibhyakorya.

Ruuka 12:39

Kasi momanye engʼana eno igha, singa mwene inyumba akaamanyirë enkaagha eno umwibhi akaaishirë, nakaaisëëmëri. Takaaraayë, atighe umwibhi atemore inyumba iyaaye.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Ruuka 22:46

Akabhabhöörya igha, “N-kwakë moraayë? Mobhooke! Mosaasaame Waryobha, okore motakaashaashwa.”

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

1 Abhakörintö 16:13

Mwiraarerrenga, mokarehe kora monaghe bhököngʼu ku-mukumo ughwënyu.

Abhaëfësö 2:3

Bhëëtö bhonswe igho Abhayahudi na bhëënyu Abhakyaro, tetwaighweranga Waryobha hë. Hano waanyöörrë totaraakumya Yëësu Kiristo, ntwaarë kya bhayö bhatakwighwera Waryobha. Twaakoranga amangʼana ghano ëmëbhërë ighyëtö na sehakëri isyëtö bhyaatunanga tokore. Ntwaarë kya bhono abhantö abhandë bharëngë ko-kebhara kono. Ntwaaibhööywë na esemoko iya obhoghogho. Twaarërërrëëywë na Waryobha, kora nakaatushibhiri.

Abhaëfësö 5:14

nkyo kekoghera eraghambwa igha, “Bhooka uwe ono oraayë, uryoke urwe mo-bhaku na obhorabhu ubhwa Yëësu Kiristo mboraakömërëkëri.”

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

Abhafiripi 4:5

Obhohaabhu ubhwënyu bhomanyekane ko-bhantö bhonswe igho. Omonene Yëësu haangʼë arë aashe.

Abhakorosaai 4:2

Mosaasaamenga nkaagha syonswe igho, moraiyangarra na mukuminga Waryobha.

1 Abhatësarönikë 4:13

Bhëënyu abhakumya bharikyëtö, keno tukutuna ni-igha momanye amangʼana agha Abhakiristo bhano bhaakwa, okore motakaabhaabhayera kya abhantö abhandë bhano bhataana ubhweseghe ubhwa ukuryoka.

1 Abhatësarönikë 5:10

Uyö we yaakuurë okoghera iya bhëëtö, okore twikare hamwë nawe, enkaagha eno tökërëngë abhahöru, kora hano urinyoora tukuurë.

1 Abhatësarönikë 5:8

Kasi ko bhoora bhëëtö m-bantö abha mo-bhorabhu törë, twirebherre. Tobhe na umukumo hamwë na righonshe, bhiyö bhebhe kya ingubha iya ökökëngërrya ibhikubha ibhyëtö. Ghwiki tweseghe Waryobha igha natötöörya, hayö ho toraabhe kya bhano tötöörrë sëngöfiira isya ikyoma ko-metwe.

1 Timoteo 2:15

Kasi abhakari, ukwebhora ukwabho nkwo korebhatöörya, hano bharaaghëndërri okobha na umukumo, righonshe, öbhöhörëëru na okobha na eteemo inshiiya.

1 Timoteo 2:9

Kora abhakari bhonswe nkutuna ndë igha, bhaaibhohenga singibho isyabho bhuuya. Bhabhe na eteemo inshiiya, bhaairebherrenga. Ikuughë iyaabho etakaabha iya ukusuka situukya, handë iya okotoora ëbhëntö ibhya esahaabhu na bheno bhekomekameka, handë singibho isya öbhöghöri obhonene.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

1 Timoteo 3:2

Mbe, umwimërërri uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, airebherrenga, ömöntö uwa obhongʼaini, ono akosookwa, omohaani, abhe ömöntö ono amanyirë ukwëghya abhantö engʼana iya Waryobha.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Tiito 2:12

Örööbhö ruyö, nkutwörökërrya rörë igha, twange amangʼana amaghogho na oronamba urwa ko-kebhara kono. Ku bhuyö, enkaagha eno tökërëngë ko-kebhara kono, togheerenga ngʼora amangʼana, tobhe abhantö abha heene, na tobhe abhantö abha eteemo iya okosooka Waryobha.

Tiito 2:6

Kora abhamura bhonswe obhakaani, okore bhagheere ngʼora amangʼana ghonswe igho.

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

1 Peetero 5:8

Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

Okohonyora 16:15

Omonene Yëësu araghamba igha, “Momaahe! Nindiisha kya bhoora umwibhi akuusha igho atarëkëëyë amangʼana. Yaamara okongʼoorwa ömöntö ono akwiraarerra eno aibhöhirë singibho isyaye bhuuya, okore atakaasha okoghenda kengʼaabhi na ökösöökërribhwa mo-bhantö.”

Okohonyora 3:2

Mobhooke! Motogheke amangʼana amaiya amake ghayö ghakeeho, ko bhoora kora ghonswe n-haangʼë gharë ghakwe. Ndööshë igha, amangʼana aghëënyu teghanga kya bhono Waryobha uwaane akutuna hë.