1 Abhatësarönikë 5:5 - Imuuma Eehya

⁵ Ko bhoora bhëënyu bhonswe igho, mmoona emerengaari, ghwiki m-baana abha obhorabhu mörë. Bhëëtö, tëtörëngë abhantö abha amangʼana agha ubhutikö handë agha mu-kisuntë hë.

1 Abhatësarönikë 5:5 ပူးပေါင်းရင်းမြစ်များ

Ruuka 16:8

“Hano umwamë uyö yaaighuurë amangʼana ghayö, akakumya umwimërërri uyö atarë uwa heene, ko-bhongʼaini bhono yaakörrë. Ko bhoora abhantö abha ko-kebhara kono, mbaana obhongʼaini, hano bhatighinkanerana abheene ko abheene, ko-mangʼana agha ko-kebhara kono, okokera abhantö abha Waryobha.

Yohana 12:36

Ko-nkaagha eno obhorabhu bhökërëngë ko-kebhara kono, mubhukumi, okore mobhe abhaana abha obhorabhu.” Hano Yëësu yaamarrë okoghamba amangʼana ghayö, akaghya ukwibhisa.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abhaëfësö 5:8

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

1 Abhatësarönikë 5:8

Kasi ko bhoora bhëëtö m-bantö abha mo-bhorabhu törë, twirebherre. Tobhe na umukumo hamwë na righonshe, bhiyö bhebhe kya ingubha iya ökökëngërrya ibhikubha ibhyëtö. Ghwiki tweseghe Waryobha igha natötöörya, hayö ho toraabhe kya bhano tötöörrë sëngöfiira isya ikyoma ko-metwe.

1 Yohana 2:8

Nokaanyoora ngambirë igha, umughiro ghuyö nkobhandekera n-gwa kare, kasi ghwiki m-mohya. Obhoheene ubhwa obhohya ubhwa umughiro ghuyö, bhwaamaahekana kö-bhömënyi ubhwa Yëësu Kiristo. Öbhömënyi bhono bhëënyu moonabho, bhonswe nkwörökya bhörë igha, m-maheene umughiro ghuyö m-mohya. Ngambirë igho, ko bhoora igha, ikisuntë ikya obhoghogho na ukwanga okomanya, nkwihëënia bhërë, na obhorabhu ubhwa heene bhomarrë okorabherra.