1 Abhatësarönikë 5:21 - Imuuma Eehya

²¹ kasi moghashaashi, moghoote ghano gharëngë bhuuya.

1 Abhatësarönikë 5:21 ပူးပေါင်းရင်းမြစ်များ

Ruuka 12:57

“N-kwakë bhëënyu abheene motakwahokania amangʼana ko obhoheene?

Yohana 15:4

Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Yohana 8:31

Mbe, Yëësu akatëëbhya Abhayahudi bhaara bhaamukumiri igha, “Hano moraaghëndërri okoghoota amëëghyö aghaane, hayö moraabhe abheegha abhaane abha heene.

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Amangʼana agha Abhatomwa 17:11

Abhabheerooya bhayö, m-bantö abha heene bhaarë okokera Abhatësarönikë. Ko bhoora bhaaghöötirë engʼana iya Waryobha ko motono, bhakabha bharitaaha mo-Maandeko Amahörëëru sinsikö syonswe igho, okore bhamaahe nyoore amangʼana ghayö Pauro akoghamba m-maheene!

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 12:9

Mobhe na righonshe irya heene ko-bharikyënyu. Ensonga iyaamo ni-igha, mutighe okokora amangʼana amaghogho, kasi mokorenga amangʼana amaiya senkaagha syonswe igho.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

1 Abhakörintö 2:11

Taaho ömöntö ono akotora okomanya ghano ömöntö uwöndë akwitegherra. Kasi enkoro iyaaye iyeene igho, yo eghamanyirë. Ni-ighoigho igha, amangʼana agha Waryobha, taaho ono aghamanyirë hë, Umwika uwa Waryobha umwene igho we aghamanyirë.

Abhagharatia 6:10

Mbe, tokorrenga abhantö bhonswe igho amangʼana amaiya, hano wanyoora toona umweya ughwa okokora igho, ekenene nko-bhakumya bharikyëtö.

Abhaëfësö 5:10

Mokore omotono ughwa okomanya na okokora amangʼana ghano ghakushomera Omonene.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhafiripi 3:16

Bhoono engʼana enene, ni-igha toghoote amangʼana ghaara Waryobha yaatwörökya.

Abhafiripi 4:8

Mbe, bhoono abhakumya bharikyëtö, amangʼana agha obhoheene, amangʼana ghano ghaingʼarëëyi okosookwa, amangʼana agha heene, amangʼana ghano ghataraaishooghana na obhoghogho, amangʼana ghano ghakushomera abhantö na amangʼana amaiya, amangʼana ghano ghaingʼarëëyi, na amangʼana ghano abhantö bhakukumya, ghayö ngo amangʼana agha ukwitegherra mo-metwe ighyënyu.

1 Abhatësarönikë 5:15

Mwangarre, ömöntö wowonswe oora atakaahaka murikyaye obhoghogho ko-ngʼana engogho eno oraanyoore amökörëëyë. Kasi senkaagha syonswe igho, mokorranenga ubhwa heene bhëënyu abheene ko abheene na okokorra igho abhantö bhonswe igho.

1 Abhatësarönikë 5:22

Engʼana iyëndë ni-igha, mwibhashe amangʼana amaghogho ghonswe igho.

2 Abhatësarönikë 2:15

Bhoono abhakumya bharikyëtö, mwimerre monaghe, moghoote amëëghyö ghano mwaaikërëëyi, nekaabha ko-nshera iya obhoraarëki ubhwëtö, handë ko-nshera iya amatashandighi aghëëtö.

2 Timoteo 1:15

Uwe nomanyirë igha, abhantö bhonswe igho abha mo-mokowa ughwa Asia Enke bhantigha. Mo-bhayö, bhaamo bhaabho Fughero na Herimoghene.

2 Timoteo 3:6

Mo-bhayö, bhaamo bhano bhakwihira mu-mighi ighya abhantö kebhongʼaini ngʼaini, na ököngʼënërrya abhakari abhakangi. Abhakari bhayö, m-bano bhaaritoherwa na ëbhëbhë, bhararutwa na oronamba urwaru rwaru igho.

2 Timoteo 4:14

Arekisanda umuturi uwa ibhyoma oora, yaankorra amangʼana amaghogho bhököngʼu. Omonene Yëësu Kiristo naaremobhotorra ikiina okorengʼaana na ghano yaakora.

Abhaëbhuraania 10:23

Tonaghi ubhweseghe ubhwëtö bhono twaaikërëëyi, ko bhoora Waryobha ono yaaraghania, n-wa heene.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.

Okohonyora 2:2

Nemanyirë amangʼana aghëënyu ghano mokokora, na omotono ughwënyu, na ököghömërrya ukwënyu. Kora timukwikererrania na abhantö abhaghogho, ko bhoora mwaashaashiri bhaara bhakwibherekera igha m-batomwa, mokamaaha igha, te-bhatomwa hë, m-barongo.

Okohonyora 2:25

kasi moghoterre bhuuya amaiya ghayö moonagho, okohekera hano ndiisha.

Okohonyora 3:11

M-böngö ndaashe! Monaghi bhuuya amangʼana amaiya ghayö moonagho, okore ömöntö atakaabharuusya ibhirighi ibhyënyu ibhya obhobhaahi.

Okohonyora 3:3

Muhiite ghano mwëëghiibhwi, moghakumi na moghanaghi. Mbe, mogharöndërri bhuuya, kora mohongore ëbhëbhë ibhyënyu. Hano motaabhe maiso, nindiisha kya umwibhi, kora temoremanya enkaagha eno ndiisha hë.