1 Abhatësarönikë 5:12 - Imuuma Eehya

¹² Bhoono abhakumya bharikyëtö, torabhasabha igha, mosookenga bhaara bhakobhatöörrya, na eno bharabhatangata na okobhaghambera ku ubhwera ubhwa Omonene Yëësu.

1 Abhatësarönikë 5:12 ပူးပေါင်းရင်းမြစ်များ

Ruuka 10:7

Motakangʼaanya ngʼaanyanga, mwikarenga mu-nyumba iyö mösöhirë-mo, ibhyakorya bhyobhyonswe bheno möhëëriibhwi, bhëënyu moraaghere. Ko bhoora ömököri uwa emeremo, naingʼarëëyi okohaanwa ehoorohooro iyaaye.

Yohana 4:38

Naabhatömirë okoghesa bheno mötëëmiri. M-bantö bhandë bhanyankirë okokora emeremo, kasi bhëënyu, munyöörrë ehoorohooro iya emeremo ighyabho.”

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 20:35

Ko-ghayö ghonswe igho, naabhörökëri igha, okobha na omotono ko-meremo, ne-nshera inshiiya iya ökötöörrya bhano bhaana obhohabhë. Muhiite bhono Omonene Yëësu yaaghambirë igha, ‘Nyakara okohaana, ko bhoora te-konga okohaanwa hë.’ ”

Abharuumi 16:12

Mönkëërri Tirifaina na Tirifosa. Abhakari bhayö, mbaana omotono ughwa okokora emeremo ighya Yëësu Kiristo. Kora ghwiki ni-igha mönkëërri omoghonshe uwaane Perisisi. Omokari uyö wonswe, yaakörrë omotono ughwa okokora emeremo ighya Omonene Yëësu Kiristo.

Abharuumi 16:6

Mönkëërri Maryamu ono yaakoranga omotono ughwa okokora emeremo ko okoghera iya ehoorohooro iyëënyu.

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

1 Abhakörintö 16:16

mwighwerenga abhantö kya bhayö, na abhandë bhano bhaana omotono ughwa okokora hamwë nabho emeremo.

1 Abhakörintö 16:18

Nkoghamba ndë igho, ko bhoora bhaghërrë nkasambaaroka mo-nkoro iyaane, ndamanya na bhëënyu bhonswe mosambaarokire mo-senkoro isyënyu. Mbe, abhantö kya bhayö mobhasërëëninga.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

2 Abhakörintö 5:9

Ntokaabha na ëmëbhërë gheno, handë igha ntokaamenya hamwë na Omonene, kasi keno tokokora no-motono okore ashomerwe.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhagharatia 4:11

Nkoobhoha ndë igha, okaanyoora emeremo ighyane ghyonswe igho ighya okobhanyankera, gheratora okoheta bhosa igho!

Abhafiripi 2:16

Moghoote na okoraareka engʼana iya Waryobha eno ekobhahaana öbhöhöru ubhwa amakora ghonswe igho. Mokore igho okore nishekomaaha ikuughë urusikö roora Kiristo arikyora, ko bhoora emeremo gheno naatönirë okokora mö-bhëënyu, tighyaheta bhosa hë.

Abhafiripi 2:19

Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.

Abhakorosaai 1:29

Ko okoghera iya engʼana iyö, neena omotono ughwa okokora emeremo bhököngʼu, ku singuru seno Kiristo akongʼaana.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Abhatësarönikë 5:14

Abhakumya bharikyëtö, torabhasaasaama igha, mokaaninga abhooro na okotogheka bhano bhaakwa emetwe. Ghwiki motoghekenga bhano bhataana singuru na ököghömërrya abhantö bhonswe igho.

1 Timoteo 5:1

Otakaabheeha abhaghaaka, kasi obharaghërringa kya hano waraghërrya bhasuwëënyu. Abhamura, obharaghërri kya hano waraghërrya abhamura abhëënyu.

1 Timoteo 5:20

Kasi abhaghaaka abha ekanisa bhano bhaköghëndërrya okokora ëbhëbhë, obhakaani harabhu igho abhandë bhonswe bhaighwe, okore bhoobhohe.

2 Timoteo 2:6

Kora ömöntö uwa omotono ko okorema, uyö we aingʼarëëyi okobha uwa mbere ukunyoora ibhyakorya.

Tiito 1:3

Bhoono eno yo enkaagha eno Waryobha ahanshirë igha ööröki harabhu igho Amangʼana aghaaye Amaiya. Waryobha Ömötöörya uwëëtö yaahanshirë igha, angʼaane emeremo ighya okoraareka amangʼana ghayö.

Tiito 1:5

Hano naaruurë Kerete hayö, naakutighirë-ho igha, omarërri okokora amangʼana ghaara ghaatighaayë, hamwë na ukushaaghora abhaghaaka abha ekanisa mu-mighi ghyonswe igho, kya bhono naakoraghërrya.

Tiito 2:15

Mbe, bhoono wëëghinga abhantö amangʼana ghayö ghonswe igho. Oona ubhwera bhwonswe igho ubhwa okotogheka na okokaania abhantö, ku bhuyö, otakaaserwa na ömöntö wowonswe oora.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

Abhaëbhuraania 13:7

Muhiite bhano bhaabhatangatanga, bhano bhaabharaghërrëëyi engʼana iya Waryobha. Mwangarre eteemo iyaabho bhono ëtëëmirë mö-bhömënyi ubhwabho, mweghe umukumo ughwabho.

Okohonyora 1:20

Mo-kobhoko ukwane ukwa bhoryo, waarööshë-mo sinyota muhungatë, ghwiki okamaaha ebhetangora muhungatë ibhya esahaabhu ibhya okotoora-ko setara, ensonga iya ikibhisirë kiyö ni-igha, sinyota muhungatë seera, na-bhamaraika abha makanisa muhungatë. Ebhetangora muhungatë ibhya esahaabhu ibhya okotoora-ko setara, bhiyö na-makanisa muhungatë.”

Okohonyora 2:12

Ömöntö uyö akaghëndërrya okoghamba igha, “Andekera maraika uwa ekanisa iya Perighamo, ömötëëbhi igha, Neena umushonge umwöghë nyambagha ibhërë. Mwitegherre ghano nkobhatëëbhya!

Okohonyora 2:18

Ömöntö uyö akaghëndërrya okoghamba igha, “Andekera maraika uwa ekanisa iya Tiyatira, ömötëëbhi igha, Öni nö-öni Omoona uwa Waryobha. Neena amaiso kya ëbhëmörë ibhya omorro, na amaghörö agha okomekameka kya ishabha eno yaaghuutwa mo-morro. Mwitegherre ghano nkobhatëëbhya!

Okohonyora 2:3

Kora nemanyirë igha, mworeka bhököngʼu na amangʼana aghaane, kasi mwaaghömërrya nanyabhoono temoraarosa hë. Mwitegherre ghano nkobhatëëbhya!

Okohonyora 2:8

Ömöntö uyö akaghëndërrya okoghamba igha, “Andekera maraika uwa ekanisa iya Simirina, ömötëëbhi igha, Öni nö-öni uwa mbere na nö-öni embotorra. Naakuurë, nkaryoka, na bhoono igho m-möhöru ndë! Mwitegherre ghano nkobhatëëbhya!

Okohonyora 3:1

Mbe, ömöntö uyö arëngë kya m-Moona uwa Ömöntö akaghëndërrya okoghamba igha, “Andekera maraika uwa ekanisa iya Saridi, ömötëëbhi igha, Öni nö-öni nkotongera Imiika muhungatë abha Waryobha, na nö-öni neena sinyota muhungatë seera. Mwitegherre ghano nkobhatëëbhya! Nemanyirë amangʼana aghëënyu ghonswe igho, monga kya abhahöru, kasi mwamara ukukwa.

Okohonyora 3:14

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Raodikia, ömötëëbhi igha, Öni nö-öni nkobherekerwa igha, Amina, umwimërërri uwa heene. Nö-öni ömösëmöri uwa ëbhëntö bhyonswe igho bheno bhyaabhombwa na Waryobha. Mwitegherre ghano nkobhatëëbhya!

Okohonyora 3:7

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Firadërifia, ömötëëbhi igha, Öni m-Möhörëëru ndë uwa obhoheene, ghwiki nö-öni neena orofongoro urwa omokama Daudi. Hano nsiikirë ekesaku, taaho ömöntö ono araatore ukukyeghora hë. Hano nighööyë ekesaku, taaho ömöntö ono araatore ukukisiika. Mwitegherre ghano nkobhatëëbhya!