1 Abhatësarönikë 5:10 - Imuuma Eehya

¹⁰ Uyö we yaakuurë okoghera iya bhëëtö, okore twikare hamwë nawe, enkaagha eno tökërëngë abhahöru, kora hano urinyoora tukuurë.

1 Abhatësarönikë 5:10 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yohana 10:11

“Öni nö-öni omokaraabhërri uwa heene. Omokaraabhërri uwa heene, nkwiruusya arë öbhöhöru ubhwaye, okore amangʼöndi aghaaye ghatakaasira.

Yohana 10:15

kya bhono Taata ammanyirë, na öni nemomanyirë. Nö-öni nkwiruusya öbhöhöru ubhwane, okore amangʼöndi aghaane ghatakaasira.

Yohana 10:17

“Taata nanhanshirë ko bhoora igha, nkuruusya ndë öbhöhöru ubhwane, okore mbogheghe ghwiki.

Yohana 15:13

Taaho ömöntö ono aana righonshe rinene, okokera righonshe irya ömöntö ukuruusya öbhöhöru ubhwaye, ko okoghera iya bhasaani abhaaye.

Abharuumi 8:34

Kora taaho ömöntö uwa ukutushibhya hë. Kiristo Yëësu we yaakwa, akamara akaryoka. M-boryo ubhwa Waryobha arë, aratosabhera. Ku bhuyö taritushibhya hë.

1 Abhakörintö 15:3

Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

1 Abhatësarönikë 4:13

Bhëënyu abhakumya bharikyëtö, keno tukutuna ni-igha momanye amangʼana agha Abhakiristo bhano bhaakwa, okore motakaabhaabhayera kya abhantö abhandë bhano bhataana ubhweseghe ubhwa ukuryoka.

1 Abhatësarönikë 4:15

Mbe, ghano tokobhatëëbhya ngo amëëghyö agha Omonene Yëësu igha, bhëëtö bhano urinyoora tökërëngë abhahöru enkaagha eno arikyora, tetoretangatera bhano bhaakwa hë.

1 Abhatësarönikë 4:17

Ho na bhëëtö bhano urinyoora tökërëngë abhahöru, ntoresaköribhwa hamwë nabho ukughya ku-risaarö, okore tusikane na Omonene Yëësu ighörö iyö. Mbe, nturiikara hamwë nawe amakora ghonswe igho.

1 Abhatësarönikë 5:6

Bhoono totakaaraara sentero kya abhandë, tobhe maiso, na ukwirebherra.

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

2 Timoteo 2:11

Engʼana eno ni-iya heene, igha, “Nyoore twaakwa hamwë na Kiristo, ntorebha abhahöru hamwë nawe.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.