1 Abhatësarönikë 4:9 - Imuuma Eehya

⁹ Bhoono, tërëngë igha tobhandekere amangʼana agha okohanshana, ko bhoora bhëënyu abheene mwëghibhwa na Waryobha kya bhono ikutunwa mohanshane.

1 Abhatësarönikë 4:9 ပူးပေါင်းရင်းမြစ်များ

Mataayo 22:39

Umughiro ughwa kabhërë ghwonswe, nkutuubhana ghörë na ghuyö. Umughiro ghuyö ghwonswe nkoghamba ghörë igha, ‘Ohanshe murikyaho kya bhono wihanshirë uwe umwene.’”

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Amangʼana agha Abhatomwa 4:32

Abhakumya bhonswe igho mbaarë na öbhömwë ko maitegherro aghaabho, na senkoro isyabho. Taaho ömöntö ono yaaghambirë igha, ëbhëntö ibhyaye ni-bhyaye umwene igho hë. Kasi mbasanganga hamwë hayö.

Abharuumi 12:10

Mohanshane bhëënyu abheene ko bheene kya abhahiiri. Kera ömöntö, akore omotono ughwa okosooka murikyaye.

2 Abhakörintö 9:1

Teneena engʼana eno eraaghere mbandekere ko amangʼana agha ökötöörrya abhahörëëru abha Yërusarëëmu,

Abhafiripi 3:15

Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

1 Abhatësarönikë 5:1

Abhakumya bharikyëtö, törööshë igha, totakaabhandekera amangʼana agha senkaagha na ribhagha irya ukukyora ukwa Omonene Yëësu.

Abhaëbhuraania 10:16

“Omonene Waryobha yaaghambirë igha, ‘Eno yo imuuma iyaane, eno ndiikererrania na abhantö abhaane enkaagha iyö ikuusha. Nendetoora amaraghërryö aghaane mo-senkoro isyabho, kora ngandeke mo-maitegherro aghaabho.’”

Abhaëbhuraania 13:1

Möghëndërri okohanshana kya bhono ikutunwa ko abhakumya.

1 Peetero 3:8

Ko okomarërrya, nkobhatëëbhya ndë bhonswe igho igha, mobhe kiina këmwë, motakaabha na amaitegherro abhërë. Mohanshane kya abhantö abha enda ëmwë, mwabheranenga kora mwihootenga.

1 Peetero 4:8

Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

2 Peetero 1:7

Okosooka Waryobha kuyö kwëngëribhwi-ko righonshe irya okohanshana bhëënyu abheene ko abheene, okohanshana kuyö, kwëngëribhwi-ko na righonshe irya okohansha abhantö bhonswe igho.

1 Yohana 2:10

Ömöntö wowonswe igho, ono ahanshirë umukumya murikyaye, uyö mo-bhorabhu arë. Taana engʼana mo-nkoro iyaaye, eno eraamutimbe akore ëbhëbhë.

1 Yohana 3:11

Ukurwa hano mwaasimiri ukukumya Yëësu Kiristo, mwaaighuurë engʼana eno igha, Abhakiristo ni-igha tohanshane.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.

1 Yohana 4:21

Mbe, Waryobha atohaayë umughiro igha, ömöntö wowonswe igho ono ahanshirë Waryobha, ni-igha ahanshe umukumya murikyaye.