1 Abhatësarönikë 4:8 - Imuuma Eehya

⁸ Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.

1 Abhatësarönikë 4:8 ပူးပေါင်းရင်းမြစ်များ

Ruuka 10:16

Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Yohana 12:48

Ömöntö ono akuunyanga, ono atakwikërrya amangʼana aghaane, aana ono arebhotorrwa ikiina. Amangʼana ghayö ngambirë, ngo gharemobhotorra ikiina ku-rusikö urwa umuhiko.

Amangʼana agha Abhatomwa 13:41

‘Bhëënyu bhare abhasëri, mwangarre! Moroghoore musike. Ko bhoora engʼana eno ndaakore ku-sinsikö isyënyu seno, kora ömöntö nakaabhatëëbhya timuukumi hë!’  ”

Abharuumi 5:5

Ubhweseghe bhuyö, tëbhötösöökërri hë, ko bhoora Waryobha yaatohaana righonshe rinene mo-senkoro isyëtö, okohetera Umwika Ömöhörëëru uwaaye.

1 Abhakörintö 2:10

Kasi bhëëtö, Waryobha yaatorahorra amangʼana ghayö okohetera ku-Mwika Ömöhörëëru. Ko bhoora Umwika Ömöhörëëru nkwitaaha arë ghonswe igho, kora ibhibhisirë ibhya Waryobha.

1 Abhakörintö 7:40

Kasi nyakara umusinö uyö aikare igho atatëtirwë. Ghayö na-maitegherro aghaane, ndamanya öni wonswe nu-Mwika uwa Waryobha we akontangata ngambe amangʼana ghayö.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

2 Peetero 1:21

Nkoghamba ndë igho, ko bhoora teeho engʼana iya öbhörööti eno yaareetwa na amaitegherro agha ömöntö wowonswe oora. Kasi abharööti bhayö, mbaaghambirë amangʼana ghano ghaaruurë ku-Waryobha ko okotangatwa na Umwika Ömöhörëëru.

1 Yohana 3:24

Ömöntö wowonswe igho ono akwighwera imighiro ighya Waryobha, uyö naana öbhömwë nawe. Waryobha wonswe naana öbhömwë na ömöntö kya uyö. Ntomanyirë igha, Waryobha naana öbhömwë na bhëëtö, ko okohetera Umwika Ömöhörëëru ono yaatohaana.

Yuuda 1:8

Amangʼana ni-ighoigho gharë igha, abhantö abha reero eno bhano bhatakwighwera Waryobha, mbatuubhaini na bhayö. Nkoroota bharë ebherooto bheno bhekoghera bharanyankuhya ëmëbhërë ighyabho, nkwanga bharë öbhötöngi ubhwa Waryobha. Kora nkotoka bharë ëbhëntö ibhya ubhuhika, bheno bhërëngë mu-ryobha.