1 Abhatësarönikë 4:6 - Imuuma Eehya

⁶ Ömöntö wowonswe oora atakaasarrya murikyaye ko amangʼana kya ghayö, handë okomongʼaina. Twaabhatëëbhëri na okobhakaania igha, bhonswe igho bhano bhakokora amangʼana kya ghayö, Omonene Yëësu narebhashibhya.

1 Abhatësarönikë 4:6 ပူးပေါင်းရင်းမြစ်များ

Maariko 10:19

Bhoono, omanyirë imighiro ighya Waryobha bhono ghekoghamba? Gheraghamba igha, ‘Otakaita ömöntö, otakaabha omosooraare, otakaibha, otakaimererra amangʼana agha obhorongo, otakangʼaina, osooke suwëënyu na nyakuwëënyu.’  ”

Ruuka 12:5

Kasi nendaabhatëëbhi uwa okoobhoha. Mwobhohenga Waryobha, ko bhoora hano yamara ukwita ömöntö, aana ubhwera ubhwa okomorekera mo-morro ghotakurima. Uyö we uwa okoobhoha.

Ruuka 16:28

akaani abhamura abhëëtö bhataano, bhatakaasha kuusha hano ku-nyaanyi eno.’

Abharuumi 1:18

Waryobha umwene, nkwörökya arë harabhu igho ukurwa mu-ryobha igha, abhantö abhaghogho bhano bhakumwanga, nkobhashibhya arë. Abhantö bhayö nkwanga bharë obhoheene ubhwaye, ko okoghera iya okokora amangʼana aghaabho amaghogho.

Abharuumi 12:19

Abhaghonshe abhaane, motakaahaka ikisiiyomba, moteghere Waryobha umwene ahake. Nkoghamba ndë igho, ko bhoora Omonene Waryobha yaaghambirë mo-Maandeko Amahörëëru igha, “Nö-öni nkohaka ikisiiyomba.”

Abharuumi 13:4

Momanye igha, omotangati uwa eserekaare, m-mököri uwa emeremo uwa Waryobha, kora emeremo gheno akokora, ngeena ehoorohooro kö-bhëënyu. Kasi hano oraasari, hayö bhoono ni-igha umwobhohe! Ko bhoora no-bhoheene igha, aana obhotoro obhonene ubhwa ukukushibhya. Uyö m-mököri uwa emeremo uwa Waryobha uwa okohekerania okorerra ukwa Waryobha ko abhasarya.

2 Abhakörintö 7:11

Maaha! Okobhaabhayera kono kokoreeta keno Waryobha akutuna, kobhahaayë ehoorohooro enene. Okobhaabhayera kuyö, köghërrë mobhaayë na omotono ughwa okokora ghano ghakutunwa, na ukwikoorerra ko ghano mokokora, igha na-agha obhoheene. Okobhaabhayera kuyö, kobhakörrë mörëghirë amangʼana amaghogho, mösöökirë Waryobha, mobhaayë na amaigha agha okommaaha, na okomaaha igha, ömöntö uyö yaasarya, arashibhibhwa. Ko amangʼana ghayö ghonswe igho, momaahekaini igha, temoona isoro ryoryonswe reera ko amangʼana ghayö.

Abhagharatia 5:21

rikenge, öbhörëëbhi, obhohoobhaaru hamwë na aghandë ghano gharëngë kya ghayö. Nkobhatëëbhya ndë ghwiki kya bhoora naabhatëëbhëri igha, abhantö bhano bhakokora amangʼana kya ghayö, tebhaana umwandö ghwoghwonswe ghoora mo-Bhokama ubhwa Waryobha hë.

Abhaëfësö 4:17

Mbe, keno nkutuna mbatëëbhi ni-igha, mwitegherre bhuuya amangʼana aghaane ghano. Omonene Yëësu Kiristo yaangʼaana ubhwera, ku bhuyö nkobhakaania ndë igha, motakaaghëndërrya okokora amangʼana kya Abhakyaro. Bho nkokora bharë amangʼana bhono abheene bhakutuna. Amaitegherro aghaabho, teghaana ubhwera bhwobhwonswe bhoora hë.

Abhaëfësö 4:28

Umwibhi atakaghëndërrya ukwibha ghwiki, kasi nyakara akore omotono ughwa okokora emeremo imiiya na amabhoko aghaaye umwene, okore anyoore ëkëntö ikya ukutwenera ono aana obhohabhë.

Abhaëfësö 5:6

Motakaikërrya ömöntö wowonswe oora, abhangʼaine ko amangʼana aghaaye agha obhokangi ghano akoghamba. Ko bhoora igha, Waryobha narishibhya abhantö bhano bhatakumwighwera, bhano bhakokora amangʼana amaghogho kya ghayö ngambirë.

1 Abhatësarönikë 2:11

Ghwiki mmomanyirë igha, enkaagha iyö twaarenga hamwë na bhëënyu, ntwaabhakorranga kya bhono omoghaaka akokorra abhaana abhaaye.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

Abhaëbhuraania 13:4

Öbhötëti ne-ngʼana iya okosookwa na abhantö bhonswe igho. Obhosooraare, bhwibhashwe, ko bhoora Waryobha narebhotorra ikiina abhasooraare na abha sintwara.

Abhaëbhuraania 2:6

“Kana ömöntö n-kë, kora Waryobha umwitegherre? Omoona uwa ömöntö n-këntö kë, kora ömösërëëni?

Yaakobho 2:6

Kasi bhëënyu, nkosera mörë bhököngʼu abhatöbhu! Kanaa, abhaamë bhayö, te-bho bhakobhabhandërryanga, kora bhabhahira ko abhaahokania abha ibhiina?

Yaakobho 5:4

Mwitegherre mbatëëbhi, mwaanga okohaka ehoorohooro ko abhaköri abhëënyu abha emeremo bhano bhaabhaghësëëyë ibhyakorya kö-mëghöndö ighyënyu. Ehoorohooro iyö, erabhakorra ko-Monene Waryobha uwa obhotoro bhwonswe igho!