1 Abhatësarönikë 4:5 - Imuuma Eehya

⁵ Motakaabha na oronamba kya urwa Abhakyaro, bho tebhamanyirë Waryobha hë.

1 Abhatësarönikë 4:5 ပူးပေါင်းရင်းမြစ်များ

Mataayo 6:32

Motakaabha kya abhantö bhano bhatamanyirë Waryobha. Ko bhoora abhantö bhano bhatamanyirë Waryobha, ghayö ngo ghakobhahahya, kasi bhëënyu momanye igha, Suwëënyu uwa mu-ryobha, namanyirë bhuuya igha, bhëënyu bhonswe ghayö nkoghatuna mörë.

Ruuka 12:30

Motakaabha kya abhantö abha ko-kebhara kono bhano bhatamanyirë Waryobha. Ko bhoora abhantö bhano bhatamanyirë Waryobha, ghayö ngo ghakobhahahya. Kasi bhëënyu, Suwëënyu uwa mu-ryobha, namanyirë bhuuya igha, nkoghatuna mörë.

Amangʼana agha Abhatomwa 17:23

Ko bhoora hano naarë okotaara mu-mughi ughwënyu mono, nitaahirë bhuuya ëbhëntö bheno mokosengerra, nkamaaha riighyö irya okosengerra-ko reno ryaarë ryandëkirë igha, ku-waryobha ono atamanyekaini. Waryobha uyö mokosengerra igho motamomanyirë, we nkutuna mbaraghërri.

Abharuumi 1:24

Ku bhuyö Waryobha yaabhatigha bhasooranenga oronamba urwabho, kora bhakorranenga amangʼana agha sënsöni kö-mëbhërë ighyabho.

Abharuumi 1:26

Mbe, Waryobha akabhatigha bhakorenga amangʼana aghaabho agha sënsöni ghayö bhaatunanga. Abhakari bhakatigha okokora amangʼana kya bhono ëmëbhërë ighyabho ghyaabhömbirwë ukurwa okosemoka igha ghekore, kasi bhakakora bhöndë igho.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

Abhagharatia 4:8

Bhëënyu kare hayö, temwamanyirë Waryobha hë, m-baghorwa mwaarë, abha ëbhëntö bheno bhetarë Waryobha.

Abhaëfësö 2:12

Muhiite igha enkaagha iyö, temwamanyirë Yëësu Kiristo hë. Temwagherrwanga hamwë na Abhaisiraëri, abhantö abha Waryobha. M-baghëni mwaarë ko-maraghanio agha imuuma ghano Waryobha yaaraghaini Abhaisiraëri. Temwaarë na ubhweseghe bhwobhwonswe bhoora hë, mwaamënyirë ko-kebhara kono kya abhantö bhano bhatamanyirë Waryobha.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

1 Peetero 4:3

Kare hayö, mwaarenga na oronamba oroghogho, obhosooraare, na ubhunywi ubhwa amarwa. Mwaahanshirë sinyangi isya okorya, ubhunywi ubhwa okoheterania, na okosengerra ëbhëtöndö, engʼana iyö m-mughiro ku-Waryobha. Amangʼana ghayö mwaaghakörrë ibhagha itambë bhököngʼu. Bhoono motakaaghëndërrya ghwiki okokora igho.