1 Abhatësarönikë 4:3 - Imuuma Eehya

³ Waryobha nkutuna arë mobhe abhantö abhahörëëru, nkwo okoghamba igha, motakaakora obhosooraare.

1 Abhatësarönikë 4:3 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Mataayo 15:19

Ko bhoora mo-nkoro iya ömöntö, mo ghakurwa amaitegherro amaghogho, ubhwiti ubhwa abhantö, obhosooraare, ubhwibhi, ubhwimërërri ubhwa obhorongo, na amatöki.

Mataayo 5:32

Kasi bhoono öni ndabhatëëbhya igha, ömöntö wowonswe ono araabhorre mokaaye, etarëngë igha m-mosooraare, nkunyoora örë amökörrë igha m-mosooraare. Ghwiki ni-igha, ömöntö wowonswe ono araatete omokari ono yaabhorrwa, uyö wonswe no-bhosooraare akokora.”

Mataayo 7:21

Yëësu akaghëndërrya okoghamba igha, “Bhaaho abhantö abhandë bhano bhakomberekera igha, ‘Omonene uwëëtö, Omonene uwëëtö,’ kasi tebharesoha mo-Bhokama ubhwa Waryobha hë. Kasi ömöntö ono akokora bhono Taata uwa mu-ryobha akutuna, uyö we aresoha-mo.

Maariko 3:35

Ömöntö wowonswe igho ono akokora ghano Waryobha akutuna, uyö we mura uwëëtö, maayö, na umwisëkë uwëëtö.”

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Amangʼana agha Abhatomwa 15:20

Ku bhuyö tobhandekere ritashandighi tobhatëëbhi igha, bhatakaaryanga ibhyakorya bheno bhinyankuhiibhwi ku ukumwensera ëbhëtöndö, bhatakaakora obhosooraare, bhatakaarya ibhibhuuse, kora bhatakaarya handë ukunywa amaanyinga.

Amangʼana agha Abhatomwa 15:29

Motakaarya ibhyakorya bheno bhimwënsëywë ëbhëtöndö, handë ukunywa amaanyinga, motakaarya ibhibhuuse, na motakaakora obhosooraare. Hano muriharreke amangʼana ghayö, m-buuya moraanyoore mökörrë. Mbe, mutighare na omorembe.”

Amangʼana agha Abhatomwa 20:32

“Bhoono ndabhatoora ku-Waryobha, na ko engʼana iya örööbhö urwaye. Engʼana iyö, yo ekotora okobhatogheka ebhakore mobhe abhasangi abha umwandö hamwë na abhantö bhonswe igho bhano bhasaabhuurwa.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 1:29

M-baköri abha ëbhëbhë ibhya seteemo syonswe igho, obhoghogho bhwobhwonswe igho, kora m-bahiti abha ëbhëntö bhyonswe igho, mbaana orongʼeera. Bhahanshirë riihë, m-baiti abha abhantö, m-basëëghërrya, m-barongo, m-ba amaitegherro maghogho, m-baghambi abha abhantö.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 6:22

Bhoono, mmoona ehoorohooro ko bhoora Waryobha abhahaayë öbhötöönööni, okore motakaabha abhaghorwa abha ëbhëbhë. Ku bhuyö bhëënyu mobhaayë abhaghorwa abha Waryobha. Mmoona ubhwera ubhwa okosaabhuurwa mobhe abhaköri abha emeremo abhaaye. Ehoorohooro iyaamo, nö-bhöhöru ubhwa amakora ghonswe igho.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 7:2

Kasi ko okoghera iya ukwibhasha obhosooraare, ni-igha kera umushaasha abhe na mokaaye umwene igho, na kera omokari abhe na umushaasha uwaaye umwene igho.

2 Abhakörintö 12:21

Ghwiki nkoobhoha ndë igha, hano ndiisha, Waryobha nareghera nsooke kö-bhëënyu. Ndebhaabhayera hano ndemaaha abhantö abhaaru, bhano bhaakora ëbhëbhë mö-bhëënyu, tebhakaahöngööyë ëbhëbhë ibhyabho hë. Kasi mbakeena amangʼana aghaabho amaghogho ghaara agha obhosooraare, na amangʼana aghandë agha sënsöni ghano bhaarë nagho ukurwa kare.

Abhagharatia 5:19

Mbe, amangʼana ghano bhakokora abhantö abha oronamba urwa ömöbhërë, ngamanyekaini igha, no-bhosooraare, ubhunyanku, okokora amangʼana agha sënsöni,

Abhaëfësö 5:17

Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore.

Abhaëfësö 6:6

Motakaabhaighwera enkaagha eno ukunyoora bhaaho, okore bhabhakumi. Kasi mobhaighwere okanya igha m-baghorwa abha Yëësu Kiristo mörë. Ëkëntö keno Waryobha akutuna igha mokore, mokekore kwa nkoro nshiiya.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 4:2

Ko bhoora mmomanyirë bhuuya amaraghërryö ghano twaabharaghërrëëyi ku ubhwera ubhwa Omonene Yëësu.

1 Abhatësarönikë 4:4

Bhëënyu bhonswe igho ni-igha mwihoosherre, kö öbhöhörëëru na ukwisooka.

1 Abhatësarönikë 5:18

Mukuminga Waryobha ko amangʼana ghonswe igho. Ko bhoora ni-igho Waryobha akutuna mokorenga kya bhoora Kiristo Yëësu yaatwörökërrëëyi.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 10:36

Keno kikutunwa kö-bhëënyu, nö-bhöghömërrya, okore hano moremara okokora bhono Waryobha akutuna, munyoore keera yaabharaghaini.

Abhaëbhuraania 12:16

Mwiyangarre mö-bhëënyu, atakaabha-mo omosooraare, handë ömöntö ono atakosaasaama Waryobha kya bhono Esaau atasaasaamanga Waryobha. Esaau uyö, yaaghörri obhoheene ubhwa obhotangi ubhwaye, ko okoghera iya okorya ökömwë igho.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

Abhaëbhuraania 13:4

Öbhötëti ne-ngʼana iya okosookwa na abhantö bhonswe igho. Obhosooraare, bhwibhashwe, ko bhoora Waryobha narebhotorra ikiina abhasooraare na abha sintwara.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

1 Yohana 2:17

Ekebhara hamwë na oronamba urwa abhantö mberaahete, kasi wowonswe igho ono akokora ghano ghakushomera Waryobha, naraabhe na öbhöhöru ubhwa amakora ghonswe igho.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.