1 Abhatësarönikë 4:17 - Imuuma Eehya

¹⁷ Ho na bhëëtö bhano urinyoora tökërëngë abhahöru, ntoresaköribhwa hamwë nabho ukughya ku-risaarö, okore tusikane na Omonene Yëësu ighörö iyö. Mbe, nturiikara hamwë nawe amakora ghonswe igho.

1 Abhatësarönikë 4:17 ပူးပေါင်းရင်းမြစ်များ

Mataayo 26:64

Yëësu akamohonshora igha, “Nu-uwe oghambirë igho. Kasi nkobhatëëbhya ndë bhonswe igho igha, ukusimirya reero, moraamaahe öni Omoona uwa Ömöntö nikaayë bhoryo ubhwa Waryobha uwa obhotoro. Ghwiki moreemmaaha ndaasha ndëngë ko-masaarö.”

Maariko 14:62

Yëësu akamohonshora igha, “Nö-öni. Moreemmaaha öni Omoona uwa Ömöntö nikaayë bhoryo ubhwa Waryobha uwa obhotoro, ndaasha ndëngë ko-masaarö.”

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Yohana 14:3

Mbe, hano ndaaghi okobhasëëmërya ahasë, nendaamare nkyore ököbhööhya, okore ahasë hano ndaabhe, na bhëënyu mobhe-ho hamwë na öni.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Amangʼana agha Abhatomwa 1:9

Hano Yëësu yaamarrë okoghamba ghayö, akagheghwa, ukughya mu-ryobha, bharamomaaherra. Risaarö rekamukundikirya, tebhamara ghwiki bhamomaahe hë.

Amangʼana agha Abhatomwa 8:39

Hano bhaaruurë mo-manshë, Umwika uwa Omonene Waryobha, akasakörya Firipö. Omotabhuti uwa umuhyö mo-ketende uyö, tiyaamarrë ghwiki amaahe Firipö röndë hë. Akaghëndërrya na oroghendo urwaye na eno ashömëëywë.

1 Abhakörintö 15:52

Engʼana iyö nirikora kamwë igho, engoko etaraatoosha emere, enkaagha iya ukuhuutwa ukwa orotera urwa umuhiko. Ko bhoora orotera ndurihuutwa, na abhaku mbariryökibhwa bhaana ëmëbhërë gheno ghetakosareka, na bhëëtö bhonswe nturisyöribhwa.

2 Abhakörintö 5:8

M-maheene igha, ntoona ubhweseghe obhonene, kora nkomaaha törë igha, nyakara tohaaterane na ëmëbhërë gheno, toghende okomenya hamwë na Omonene.

Abhafiripi 1:23

Ndarutanwa ghatë iya amangʼana abhërë ghayö. Öni nkwighomba ndë igha, hano nkaarwa ko-kebhara kono, ngende kwikara hamwë na Kiristo. Ko-robhaara urwane, iyö yo engʼana inshiiya bhököngʼu.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

1 Abhatësarönikë 4:15

Mbe, ghano tokobhatëëbhya ngo amëëghyö agha Omonene Yëësu igha, bhëëtö bhano urinyoora tökërëngë abhahöru enkaagha eno arikyora, tetoretangatera bhano bhaakwa hë.

1 Abhatësarönikë 4:18

Bhoono motoghekanenga ko amangʼana ghayö.

1 Abhatësarönikë 5:10

Uyö we yaakuurë okoghera iya bhëëtö, okore twikare hamwë nawe, enkaagha eno tökërëngë abhahöru, kora hano urinyoora tukuurë.

2 Peetero 3:13

Kasi bhëëtö nkoghanya törë mu-ryobha ahahya na ekebhara ekehya, kya bhono yaatoraghaini, ahasë hano haishööyë obhoheene.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Okohonyora 11:12

Abharööti bhayö, bhakaighwa engamba enene erarwera mu-ryobha, eraghamba igha, “Muushe ighörö eno!” Mbe, bhakaghya mu-ryobha bharëngë ku-risaarö na eno abhabhisa abhaabho bharabhamaaherra.

Okohonyora 12:5

Mbe, omokari uyö akeebhora omoona uwa ikishaasha. “Omoona uyö, naretonga ibhyaro bhyonswe igho na inyimbo iya ekekama iya ikyoma.” Omoona uyö, akasaköribhwa, akahirwa ku-Waryobha, ku-kitumbë ikya Waryobha ikya ekekama.